एक सीजीएसटी अधिकाऱ्याला लाचखोरीच्या आरोपाखाली अटक करण्यात आली आहे. 10 लाखांची लाच घेताना त्या अधिकाऱ्याला रंगेहात पकडण्यात आलंय. यानंतर त्या अधिकाऱ्याच्या घरावर केंद्रीय अन्वेषण ब्युरोने छापा टाकल्यावर अधिकाऱ्यांच्या पायाखालची जमीन सरकली. हे धक्कादायक प्रकरण हरियाणातील पंचकुलामधील आहे. अधिकाऱ्यांनी त्याच्या घरातून अंदाजे 1.86 कोटी रुपयांची रोकड, विदेशी चलन, सोने आणि चांदी जप्त केलीय.
मिळालेल्या माहितीनुसार, आरोपी अधिकाऱ्याचे नाव लवकुश कुमार असं आहे. सीबीआयने त्याला अटक असून 19 नोव्हेंबर 2026 रोजी आरोपी अधीक्षकाविरुद्ध गुन्हा दाखल करण्यात आला आहे. एका खासगी कंपनीविरुद्धच्या जीएसटी कार्यवाहीत अवाजवी फायदा मिळवून देण्याच्या बदल्यात बेकायदेशीर लाच घेतल्याचा आरोप या अधिकाऱ्यावर आहे. 19 नोव्हेंबर 2026 रोजी पंचकुला इथे सीबीआयने लावलेल्या सापळ्यात, आरोपी तक्रारदाराकडून 10 लाखांची लाच स्वीकारताना रंगेहाथ पकडला गेला.
A Panchkula-based CGST Superintendent—caught red-handed by the CBI accepting a ₹10 lakh bribe—just had his secret treasure trove completely exposed during follow-up searches! Look at the staggering loot recovered from his residence: • ₹24.29 lakh in unaccounted Indian cash.• ~₹15.65 lakh worth of foreign currency. • ~₹1.46 crore in gold Jewellery, gold bullion, and silver—bringing the total haul to a massive ₹1.86 crore! • Plus documents for 6 bank accounts, investment portfolios, and multiple properties now under the CBI scanner. For decades, corrupt babus treated tax departments like their personal ATMs while honest taxpayers and businessmen suffered. Under the Modi government’s relentless anti-corruption drive, no corrupt officer is safe—no matter how deeply they hide their ill-gotten wealth.
— Rashtra.preeti (@Preetirajputtt) November 21, 2026
शुक्रवारी 20 नोव्हेंबर 2026 रोजी त्या अधिकाऱ्याच्या घरी पुन्हा झाडाझडती घेण्यात आली. त्या शोधमोहिमेत, अंदाजे ₹24.29 लाख किमतीचे भारतीय चलन, अंदाजे ₹15.65 लाख किमतीचे विदेशी चलन, आणि अंदाजे ₹1.46 कोटी किमतीचे सोन्याचे दागिने, बिस्किटे आणि चांदी जप्त करण्यात आली. परिणामी, जप्त केलेल्या मालाचे एकूण मूल्य अंदाजे ₹1.86 कोटी आहे.
त्यासोबत सहा बँक खात्यांशी संबंधित कागदपत्रे, एक गुंतवणूक पोर्टफोलिओ, एक जीवन विमा पॉलिसी आणि अनेक स्थावर मालमत्ता जप्त करण्यात आली आहे. त्यासोबतच, एक वाहन, आरोपी आणि त्याच्या कुटुंबीयांच्या आर्थिक व्यवहारांशी संबंधित कागदपत्रेही ताब्यात घेण्यात आले आहे. आरोपी आणि त्याच्या कुटुंबीयांची मालमत्ता, गुंतवणूक आणि आर्थिक व्यवहार निश्चित करण्यासाठी जप्त केलेल्या आर्थिक आणि मालमत्तेच्या कागदपत्रांची तपासणी करण्यात येणार आहे, अशी माहिती सीबीआय अधिकाऱ्याने दिली आहे.