SOCIAL MEDIA

Newsletter

PARTNER SITES
Select Language Select State

नवरदेवाला ₹33 कोटींचं हेलिकॉप्टर, प्रत्येक पाहुण्याला चांदीचं बिस्कीट अन्... आमदाराची लेक झाली खासदाराची सून; 15 वर्ष जुन्या लग्नाची अचानक चर्चा का?

सध्या बिहारमधील एका आलिशान लग्नामुळे अनेकांना उत्तर प्रदेशमध्ये झालेलं एक याहून आलिशान लग्न आठवत असून जुन्या आठवणींना उजाळा देताना त्यावेळेस कशाप्रकारे कोट्यवधी रुपये खर्च केले होते जाणून घ्या...

Reported By Swapnil Ghangale Written By Swapnil Ghangale
Published: Nov 17, 2026, 12:12 IST | Updated: Nov 17, 2026, 12:25 IST
Image Credit: 15 वर्षांपूर्वी झालेलं हे लग्न अचानक चर्चेत येण्याचं कारण काय? (प्रातिनिधिक फोटो)
Join

बिहारमधील मोकामाचे जनता दल युनायटेड म्हणजेच 'जेडीयु'चे आमदार अनंत सिंह यांच्या धाकटी कन्या शिवांगी सिंह 26 नोव्हेंबर रोजी विवाहबंधनात अडकणार आहे. शिवांगींचं लग्न ऋषिकेश कुमार उर्फ अंकित कुमारसोबत होत आहे. शिवांगीच्या होणाऱ्या नवऱ्याला तिचे वडील 2.50 कोटी रुपयांची लँड रोव्हर कार भेट देणार आहेत. या लग्नातील महागड्या भेटीमुळे उत्तर प्रदेशमधील अमरोहाचे भारतीय जनता पार्टीचे खासदार कवंर सिंह तंवर यांचे सुपुत्र ललित तंवर यांच्या लग्नाची सर्वांना आठवण झाली आहे. या लग्नामध्ये नवरदेवाला चक्क 33 कोटी रुपयांचं हेलिकॉप्टर भेट देण्यात आलं होतं.

कोण आहे नवरदेव?

ऋषिकेश कुमारने अमेरिकेतील अटलांटा येथील जॉर्जिया स्टेट युनिव्हर्सिटीमधून एमबीएचं शिक्षण घेतलं आहे. त्यांचे वडील रणविजय कुमार सिंह हे सीआरपीएफमध्ये कार्यरत होते. हे लग्न 25 नोव्हेंबर रोजी अनंत सिंह यांच्या मोकामा येथील मूळ गाव असलेल्या लदमा येथे पार पडणार आहे.

150 पदार्थ, मुलाला बीएमडब्यू कार अन्...

या लग्नासाठी आमदार अनंत सिंह कोट्यवधी रुपये खर्च करत आहेत. या लग्नामध्ये जवळपास 10 बिगा जमिनीवर भलामोठा मंडप घालण्यात आला आहे. पाहुण्यांसाठी 150 प्रकारचे पदार्थ जेवणामध्ये उपलब्ध असतील. अनंत सिंह हे आपल्या होणाऱ्या जावयला जवळपास अडीच कोटींची लँड रोव्हर डिफेंडर कार भेट देणार आहेत. याच कार्यक्रमादरम्यान अनंत सिंह यांचा धाकटा मुलगा अभिनव सिंह यांच्या मुंजीचा कार्यक्रमही होणार आहे. अनंत सिंह आपल्या मुलाला बीएमडब्यू कार भेट देणार आहेत. अनंत सिंह यांच्या मुलीच्या लग्नाला पंतप्रधान नरेंद्र मोदी, राज्यसभा खासदार, माजी मुख्यमंत्री नीतीश कुमार, लालू प्रसाद यादव यांच्यासहीत अनेक मान्यवरांना आमंत्रित करण्यात आलं आहे.

अनेकांना आठवलं आमदार, खासदाराच्या घरातलं ते लग्न

अनंत सिंह यांच्या मुलीच्या लग्नाची तयारी पाहून अनेकांना उत्तर प्रदेशमधील अमरोहा येथे 2011 साली अमरोहाचे खासदार कंवर सिंह तंवर यांच्या मुलाचं लग्न आठवणलं. हरियाणाचे माजी आमदार सुखबीर सिंग जौनापुरिया यांच्या मुलीला सून म्हणून घरी आणताना खासदार कंवर सिंह तंवर यांनी पाण्यासारख्या पैसा खर्च केला होता. या लग्नासाठी शेकडो कोटी खर्च केल्याचं सांगितलं जातं. कंवर सिंह यांचा मुलगा ललित तंवरचं लग्न सुखबीर सिंग जौनापुरिया यांची मुलगी योगितासोबत झालं होतं.

हुंड्यात दिलं 33 कोटींचं हेलिकॉप्टर 

आमदाराची मुलगी आणि खासदाराच्या मुलाच्या लग्नासाठी करण्यात आलेला खर्च पाहून अनेकांचे डोळे पांढरे पडले होते. सुखबीर सिंग यांनी ललित कंवर यांना हुंडा म्हणून 33 कोटी रुपयांचं 'बेल 429' हेलिकॉप्टर दिलं होतं. लग्नाच्या वेगवेगळ्या विधींदरम्यान नवरदेवाच्या कुटुंबाला 2.5 कोटी रुपये रोख रक्कम दिली होती. तसेच भेट वस्तूंवर एक कोटी रुपये खर्च केले होते.

तीन हजार पाहुण्यांना चांदीची बिस्कीटं

या लग्नाला उपस्थित राहिलेल्या तीन हजार पाहुण्यांना रिटर्न गिफ्ट म्हणून चांदीची बिस्कीटं देण्यात आली होती. तसेच सफारी सूटचं कापड आणि 11 ते 40 हजार रूपये शगुनचे पैसे म्हणून देण्यात आलेले. वेगवेगळ्या वृत्तांनुसार या लग्नासाठी 150 ते 250 कोटी रुपये खर्च करण्यात आलेले.

Add Zee News as a Preferred Source
TAGS:

About the Author

मोजक्या शब्दांमध्ये...स्वप्निल घंगाळे हे मागील 12 वर्षांहून अधिक काळापासून डिजिटल पत्रकारितेमध्ये सक्रीय आहेत. 'महाराष्ट्र टाइम्स', 'लोकसत्ता' यासारख्या नामांकित कंपन्यांमध्ये त्यांनी यापूर्वी काम केलेलं आहे. राजकीय बातम्यांबरोबरच ताज्या घडामोडी, ट्रेण्डींग/ व्हायरल, टेक्नोलॉजी, क्रीडा, मनोरंजन अशा सर्वच क्षेत्रातील बातम्यांमध्ये हातखंडा आहे. अवांतर वाचनाबरोबरच बातम्यांव्यतिरिक्त सोशल मीडियावर लिहायची आवड आहे. फावल्या वेळात चित्रपट पाहणे, भटकंती करायला आवडतं. बातमी अचूक असावी असा त्यांचा कटाक्षाने प्रयत्न असतो. सध्या ते 'झी 24 तास'मध्ये 'डेप्युटी न्यूज एडिटर' म्हणून कार्यरत आहेत.पत्रकारितेचा श्रीगणेशास्वप्निल यांनी पत्रकारितेच्या दुसऱ्या वर्षापासूनच 'ठाणे वैभव' या ठाण्यातील स्थानिक वृत्तपत्रामध्ये शिकाऊ पत्रकार म्हणून कामाला सुरुवात केली. सांस्कृतिक आणि गुन्हेगारी यासंदर्भातील वृत्तांकन यांनी या सहा महिन्याच्या कालावधीमध्ये केलं. बीएमएमच्या तृतीय वर्षाला ठाण्यातील जोशी-बेडेकर महाविद्यालयातील 'ऋत' या पत्रकारिता विभागाच्या महाविद्यालयीन वृत्तपत्रासाठी स्वप्निल यांनी उपसंपादक म्हणून काम पाहिले.डिजिटलमध्ये एन्ट्री'महाराष्ट्र टाइम्स डॉट कॉम'च्या माध्यमातून पहिल्यांदा डिजिटल क्षेत्रामध्ये काम करणाऱ्या स्वप्निल यांनी सुरुवातीला सोशल मिडिया व्यवस्थापक म्हणून काम पाहिले. त्यानंतर हळूहळू ते डिजिटल वृत्तांकनाकडे वळले. त्यांनी 'महाराष्ट्र टाइम्स' वृत्तपत्रामध्येही माहिती-तंत्रज्ञान या विषयावर लेखन केलं. मुख्य पुरवणीसोबतच अनेकदा रविवार विशेष अंकांमध्येही त्यांचे लेख छापून आले आहेत. 'मुंबई टाइम्स' या पुरवणीअंतर्गत विद्यार्थ्यांच्या विश्वातील अनेक विषय त्यांनी कॉलेज क्लब रिपोर्ट्सच्या माध्यमातून हाताळले. कॉलेज क्लब रिपोर्टर्ससोबतच्या कामासोबतच त्यांनी 'मटा सन्मान', 'मटा श्रावण क्विन' यासारख्या कार्यक्रमांसाठी डिजिटल आणि प्रिंटदरम्यान संयोजक म्हणून काम पाहिलं. जवळपास पाच वर्ष ते मटामध्ये कार्यरत होते.प्रगल्भतेची आसमहाराष्ट्र टाइम्सनंतर तितक्याच तोलामोलाच्या 'लोकसत्ता'मध्ये स्वप्निल यांनी काम केलं. या ठिकाणीही ते पाच वर्ष कार्यरत होते. 'मटा'पासून सुरु झालेल्या प्रवासाला 'लोकसत्ता'मध्ये प्रगल्भता लाभली. राजकीय बातम्या, ताज्या घडामोडी, ट्रेडींग बातम्या याबरोबरच त्यांनी डिजिटल आणि प्रिंटमधील समन्वयाचं (इंटीग्रेशन) कामही त्यांनी लोकसत्तामध्ये केलं. 'लोकसत्ता'मधील 'व्हिवा' या पुरवणीमध्ये तरुणाईसंदर्भातील विषयांवर त्यांनी लेखन केलं. तसेच 'लोकप्रभा'च्या माध्यमातून त्यांनी माहिती-तंत्रज्ञान या विषयावर लिखाण केलं. लोकसत्ता डॉट कॉममध्ये स्वप्निल यांनी चार ते पाच सेक्शनसची जबाबदारी पार पाडली.तो सध्या काय करतो?'लोकसत्ता'नंतर स्वप्निल यांनी पहिल्यांदाच टीव्हीशी संलग्न वेबसाईटसाठी म्हणजेच 'झी 24 तास'च्या वेबसाईटसाठी काम करण्याचा निर्णय घेतला. या ठिकाणी ते ताज्या घडामोडींबरोबरच, राजकीय बातम्या, ब्रेकिंग बातम्या, ट्रेडिंग बातम्या हाताळतात. बातमीमधील अचूक माहिती, व्याकरण, उत्तम मथळे यासारख्या गोष्टींकडे त्यांचं कटाक्षाने लक्ष असतं. लिखाणबरोबरच मॅरेथॉन पळणं, वेगवेगळ्या ठिकाणी खादडीसाठी जाणं, पुस्तकांसोबतच अवांतर वाचन यासारख्या गोष्टींना ते प्राधान्य देतात.
Read More

ZEENEWS TRENDING STORIES