कधी कमी होणार पेट्रोल डिझेलच्या किंमती? पेट्रोलियम मंत्र्यांनी स्पष्टच सांगितलं, वाचा आजचे ताजे इंधन दर
LPG Gas Cylinder Rates : मागील काही काळापासून पेट्रोल आणि डिझेलच्या किंमतींमध्ये घट झालेली नाही. आंतरराष्ट्रीय स्तरावरील कच्च्या तेलाच्या किंमतींवर देशातील इंधन दर अवलंबून असतात. तेव्हा आगामी काळात ट्रोल डिझेलच्या किंमती कधी कमी होणार? तसेच आजच्या पेट्रोल डिझेलच्या ताज्या किंमती किती आहेत याविषयी जाणून घेऊयात.
Petrol And Diesel Rates Today : पेट्रोल आणि डिझेलच्या किंमती या आंतरराष्ट्रीय स्तरावरील कच्च्या तेलाच्या किंमतींवर प्रभाव टाकतात. सध्या कच्च्या तेलाच्या किंमती या 96 डॉलर प्रति बॅरल इतक्या आहेत. मागच्या आठवड्यात 8 नोव्हेंबर 2026 रोजी आंतरराष्ट्रीय कच्च्या तेलाच्या किंमतींमध्ये एकाच दिवशी जवळपास 3 टक्क्यांची वाढ झाली होती. देशातील पेट्रोल आणि डिझेलच्या किंमतींवर या कच्च्या तेलाच्या किंमतींमध्ये होणाऱ्या चढ उताराचा परिणाम होऊ देण्यात आलेला नाही. पूर्वीच्याच किंमतीत पेट्रोल आणि डिझेलची विक्री होत आहे.
कधी कमी होणार पेट्रोल आणि डिझेलच्या किंमती?
ANI च्या रिपोर्टनुसार पेट्रोलियम आणि प्राकृतिक गॅस राज्य मंत्री सुरेश गोपीने सोमवारी पेट्रोल आणि डिझेलच्या किंमतींमध्ये लगेचच कोणतेही बदल होणार नाहीत अशी शक्यता वर्तवली आहे. चेन्नईच्या मीनाम्बक्कम विमानतळावर पत्रकारांशी बोलताना राज्य मंत्री सुरेश गोपी यांनी सांगितले की, पश्चिम आशियातील सुरू असलेला संघर्ष आणि पेट्रोलियम पुरवठ्यातील व्यत्ययांमुळे तेल कंपन्यांचे 42,000 कोटी रुपयांचे नुकसान झाले आहे. इंधनाचे दर कमी करण्यापूर्वी, तेल कंपन्यांना त्यांना झालेल्या नुकसानीचा हिशोब द्यावा लागेल. त्यांनी सांगितले, 'आम्हाला नक्कीच असे वाटेल की दर लवकरात लवकर, अगदी पुढच्याच दिवशी कमी व्हावेत, परंतु तांत्रिकदृष्ट्या विचार करता, सध्याच्या परिस्थितीत ते शक्य नाही'.
हेही वाचा : सोमवार 16 नोव्हेंबर रोजी LPG गॅस सिलेंडरच्या किंमती किती? पाहा घरगुती आणि व्यावसायिक सिलेंडरचे रेट्स
तुमच्या शहरातील 16 नोव्हेंबर रोजी पेट्रोलच्या किंमती :
दिल्ली - 102.12 रुपये
कोलकाता - 113.51 रुपये
मुंबई - 111.21 रुपये
तिरुअनंतपुरम् - 115.49 रुपये
हैदराबाद - 116.51 रुपये
जयपुर - 110 रुपये
चंडीगढ़ - 101.54 रुपये
गुरुग्राम - 102.97 रुपये
बंगळुरू - 111.68 रुपये
चेन्नई - 107.76 रुपये
लखनऊ - 101.86 रुपये
नोएडा - 101.96 रुपये
तुमच्या शहरातील 16 नोव्हेंबर रोजी डिझेलच्या किंमती :
दिल्ली - 95.20 रुपये
कोलकाता - 99.82 रुपये
चेन्नई - 99.55 रुपये
मुंबई - 97.83 रुपये
लखनऊ - 95.36 रुपये
हैदराबाद - 104.23 रुपये
जयपुर - 98.25 रुपये
बंगळुरू - 99.56 रुपये
गुरुग्राम - 95.64 रुपये
चंडीगढ़ - 89.47 रुपये
पटना - 113.37 रुपये
नोएडा - 95.44 रुपये
पटना - 113.37 रुपये
तिरुअनंतपुरम् - 104.40 रुपये