School Holiday: नोव्हेंबर महिन्यात तब्बल 'इतके' दिवस बंद राहणार शाळा; पालकांसाठी मोठी बातमी!

ऑक्टोबर महिना संपत आला असून आता वेध लागले आहेत ते सणासुदीच्या नोव्हेंबर महिन्याचे. नोव्हेंबर महिन्यात दिवाळी, गोवर्धन पूजा, भाऊबीज, छठ पूजा आणि गुरु नानक जयंती यांसारखे एकापाठोपाठ अनेक मोठे सण येत आहेत. या सणांच्या पार्श्वभूमीवर देशभरातील शाळकरी मुलांसाठी आनंदाची बातमी आहे. अनेक राज्यांमध्ये प्रशासनाने विद्यार्थ्यांच्या दिवाळी आणि इतर सणांच्या सुट्ट्या जाहीर केल्या असून काही ठिकाणी शाळा तब्बल 10 ते 12 दिवस बंद राहणार आहेत.नोव्हेंबर महिन्यातील शाळांच्या सुट्ट्यांबद्दल सविस्तर जाणून घेऊया.

महाराष्ट्रात दिवाळीनिमित्त मोठी सुट्टी

महाराष्ट्रातील शाळकरी मुलांसाठी ही दिवाळी विशेष आनंदाची ठरणार आहे. राज्यातीस शाळांमध्ये 2 नोव्हेंबरपासून ते 14 नोव्हेंबरपर्यंत दिवाळीची दीर्घ सुट्टी जाहीर करण्यात आली आहे. त्यानंतर 15 नोव्हेंबरला रविवार आल्यामुळे विद्यार्थी आता थेट 16 नोव्हेंबरला शाळेत परततील. यामुळे महाराष्ट्रातील विद्यार्थ्यांना तब्बल 13 दिवसांची सलग सुट्टी मिळाली आहे.

इतर राज्यांमध्येही सुट्ट्यांचा पाऊस

फक्त महाराष्ट्रच नव्हे, तर इतर राज्यांतही दिवाळीनिमित्त शाळांना भरघोस सुट्ट्या मिळाल्या आहेत. राजस्थानमध्ये 4 नोव्हेंबरपासून 15 नोव्हेंबरपर्यंत शाळा बंद राहणार असून विद्यार्थ्यांना जवळपास 12 दिवसांची सुट्टी मिळतं आहे. तसेच हिमाचल प्रदेशमध्येही दिवाळीनिमित्त 6 नोव्हेंबर ते 10 नोव्हेंबर दरम्यान सुट्ट्या घोषित करण्यात आल्या आहेत.

छठ पूजा आणि रविवारची सुट्टी

यंदा छठ पूजा आणि दिवाळीच्या काही प्रमुख तिथी रविवारी आल्या असल्या, तरी उत्तर भारतात विशेषतः बिहार, झारखंड आणि उत्तर प्रदेशमध्ये छठ पूजेचे पर्व अत्यंत उत्साहात साजरे केले जाते. 14 ते 16 नोव्हेंबर दरम्यान चालणाऱ्या या महासोहळ्यामुळे संबंधित भागांमध्ये आणि स्थानिक स्तरावर शाळांना विशेष सुट्ट्या किंवा कामकाज आंशिक ठेवण्याचे आदेश दिले जातात, याची पालकांनी नोंद घ्यावी.

बाल दिनी शाळांचे विशेष कार्यक्रम

देशभरात 14 नोव्हेंबर रोजी 'बाल दिन'म्हणजेच चिल्ड्रन्स डे साजरा केला जातो. महाराष्ट्रासारख्या ज्या राज्यांत या कालावधीत दिवाळीची सक्तीची सुट्टी असेल, तिथे हा दिवस आधी किंवा नंतर साजरा केला जाईल. असे असताना ज्या राज्यांमध्ये शाळा सुरू असतील, तिथे या दिवशी विविध सांस्कृतिक कार्यक्रमांचे आयोजन केले जाते आणि विद्यार्थ्यांना खाऊ वाटप केला जातो.

गुरु नानक जयंतीसह इतर सुट्ट्या

नोव्हेंबर महिन्याच्या उत्तरार्धात 24 नोव्हेंबर रोजी 'गुरु नानक जयंती' निमित्त सार्वजनिक सुट्टी असेल. या दिवशी पंजाब, हरियाणा, दिल्ली, उत्तर प्रदेश आणि मध्य प्रदेशसह अनेक राज्यांत शाळा आणि शैक्षणिक संस्था बंद राहतील. या सर्व सणांमुळे नोव्हेंबर महिना विद्यार्थ्यांसाठी फिरण्याचा आणि सुट्ट्यांचा आनंद घेण्याचा ठरत आहे.विविध जिल्ह्यांमध्ये स्थानिक हवामान, प्रशासकीय आदेश आणि मंडळांच्या (बोर्डांच्या) नियमांनुसार सुट्ट्यांच्या तारखांमध्ये काहीसा बदल असू शकतो. त्यामुळे पालकांनी आपल्या संबंधित शाळेच्या संपर्कात राहून अचूक वेळापत्रक तपासून घ्यावे, असे आवाहन पालकांना करण्यात आले आहे.