SOCIAL MEDIA

Newsletter

PARTNER SITES
Select Language Select State

देशातील सर्वात स्वच्छ शहर महाराष्ट्रात! 8 वर्षांपासून नंबर 1 वर असलेल्या इंदूरला टाकलं मागे; राज्यातल्या 4 शहरांना पुरस्कार

11 नोव्हेंबर रोजी नवी दिल्लीतील विज्ञान भवन येथे झालेल्या 10व्या स्वच्छ सर्वेक्षण पुरस्कार सोहळ्यात राष्ट्रपती द्रौपदी मुर्मू यांच्या हस्ते पुरस्कार प्रदान करण्यात आले. महाराष्ट्रातील अनेक शहरांनी यात चमकदार कामगिरी केली.

Reported By Swapnil Ghangale Written By Swapnil Ghangale
Published: Nov 12, 2026, 08:22 IST | Updated: Nov 12, 2026, 08:44 IST
Image Credit: राष्ट्रपतींच्या हस्ते मिळाला पुरस्कार
Join

राष्ट्रपती द्रौपदी मुर्मू यांच्या हस्ते नवी दिल्लीत गुरुवारी स्वच्छ सर्वेक्षण 2025-26 पुरस्कारांचं वितरण करण्यात आलं. दिल्लीतील विज्ञान भवन येथे पार पडलेल्या पुरस्कार वितरण सोहळ्यात महाराष्ट्रातील शहरांना दमदार कामगिरी केली आहे. मध्य प्रदेशमधील इंदूर शहराने मागील अनेक वर्षांपासून स्वच्छ शहर होण्याचा बहुमान मिळवला होता. मात्र इंदूरची ही मत्तेदारी महाराष्ट्रातील एका शहराने मोडून काढत पाहिला क्रमांक पटकावला असून हे शहर देशातील सर्वात स्वच्छ शहर ठरलं आहे. तर राज्य स्तरावरील पुरस्कारांमध्ये पुण्यातील एका शहराने सर्वात स्वच्छ शहर होण्याचा बहुमान मिळवला आहे. 

सर्व स्वच्छ शहर महाराष्ट्रात

शहरी स्वच्छतेमध्ये उल्लेखनीय कामगिरी करणाऱ्या ‘स्वच्छ शहर लीग’मध्ये आंध्र प्रदेशमधील विजयवाडा शहराने तिसरा क्रमांक पटकावला. दुसऱ्या क्रमांकावर गुजरातमधील सुरत शहर असून पहिलं स्थान महाराष्ट्रातील नवी मुंबई शहराने पटकावलं आहे. सलग 8 वर्षे अव्वल स्थानी असलेल्या इंदूरला मागे टाकत, देशातील 4751 शहरांच्या स्पर्धेत नवी मुंबईने हा ऐतिहासिक बहुमान मिळवला आहे. 

पहिला क्रमांक मिळण्याची कारणं काय?

शहरातील दैनंदिन कचऱ्याचे शंभर टक्के वर्गीकरण, घरोघरी जाऊन कचरा संकलन आणि त्यावर शास्त्रीय पद्धतीने प्रक्रिया करण्याची प्रभावी यंत्रणा राबवणे, 7 स्टार कचरामुक्त शहर दर्जा कायम राखण्यात मिळालेलं यश, स्वच्छता मोहिमेवर आणि कचरा वाहतुकीवर लक्ष ठेवण्यासाठी आधुनिक तंत्रज्ञानाचा आणि डिजिटल देखरेखीचा प्रभावी वापर आणि 'निश्चय केला, नंबर पहिला' या ध्येयवाक्याखाली महानगरपालिकेचे स्वच्छतादूत, अधिकारी आणि नवी मुंबईतील नागरिकांनी एकत्रितपणे उभ्या केलेल्या स्वच्छता चळवळीचं हे एकत्रित यश असल्याचं सांगितलं जात आहे.

महाराष्ट्रातील सर्वात स्वच्छ शहर कोणतं?

तसेच स्वच्छ सर्वेक्षण पुरस्कार सोहळ्यात पिंपरी-चिंचवड शहराला ‘महाराष्ट्रातील सर्वात स्वच्छ शहर’ म्हणून राज्यस्तरीय प्रथम क्रमांक प्रदान करण्यात आला.

किनारपट्टी शहरच्या यादीत अव्वल तीनमध्ये महाराष्ट्रातलं शहर

स्वच्छ किनारपट्टी शहरच्या यादीमध्ये ओडिशाच्या पुरी शहराला पहिला क्रमांक मिळाला असून दुसरा क्रमांक केरळच्या अलप्पुझा शहराला मिळाला आहे. या यादीमध्ये महाराष्ट्रातील रत्नागिरी शहर तिसऱ्या क्रमांकावर आहे.

छोट्या शहरांमध्येही महाराष्ट्राचा डंका

20 हजार ते 50 हजार लोकसंख्या गटातील ‘स्वच्छ शहर’ श्रेणीत विटा (सांगली) शहरानं प्रथम क्रमांक पटकावला आहे.

पाचगणीलाही मिळाला पुरस्कार

20 हजारांपेक्षा कमी लोकसंख्या असलेल्या शहरांच्या ‘स्वच्छ शहर’ श्रेणीत पाचगणीने (सातारा) द्वितीय क्रमांक पटकावला आहे. 

नवी मुंबई महानगरपालिकेचे आयुक्त कैलास शिंदे आणि महापौर सुजाता पाटील यांनी राष्ट्रपतींच्या हस्ते देशातील सर्वोत्तम स्वच्छ शहर म्हणून प्रदान करण्यात आलेला हा पुरस्कार स्वीकारला. 

Add Zee News as a Preferred Source
TAGS:

About the Author

मोजक्या शब्दांमध्ये...स्वप्निल घंगाळे हे मागील 12 वर्षांहून अधिक काळापासून डिजिटल पत्रकारितेमध्ये सक्रीय आहेत. 'महाराष्ट्र टाइम्स', 'लोकसत्ता' यासारख्या नामांकित कंपन्यांमध्ये त्यांनी यापूर्वी काम केलेलं आहे. राजकीय बातम्यांबरोबरच ताज्या घडामोडी, ट्रेण्डींग/ व्हायरल, टेक्नोलॉजी, क्रीडा, मनोरंजन अशा सर्वच क्षेत्रातील बातम्यांमध्ये हातखंडा आहे. अवांतर वाचनाबरोबरच बातम्यांव्यतिरिक्त सोशल मीडियावर लिहायची आवड आहे. फावल्या वेळात चित्रपट पाहणे, भटकंती करायला आवडतं. बातमी अचूक असावी असा त्यांचा कटाक्षाने प्रयत्न असतो. सध्या ते 'झी 24 तास'मध्ये 'डेप्युटी न्यूज एडिटर' म्हणून कार्यरत आहेत.पत्रकारितेचा श्रीगणेशास्वप्निल यांनी पत्रकारितेच्या दुसऱ्या वर्षापासूनच 'ठाणे वैभव' या ठाण्यातील स्थानिक वृत्तपत्रामध्ये शिकाऊ पत्रकार म्हणून कामाला सुरुवात केली. सांस्कृतिक आणि गुन्हेगारी यासंदर्भातील वृत्तांकन यांनी या सहा महिन्याच्या कालावधीमध्ये केलं. बीएमएमच्या तृतीय वर्षाला ठाण्यातील जोशी-बेडेकर महाविद्यालयातील 'ऋत' या पत्रकारिता विभागाच्या महाविद्यालयीन वृत्तपत्रासाठी स्वप्निल यांनी उपसंपादक म्हणून काम पाहिले.डिजिटलमध्ये एन्ट्री'महाराष्ट्र टाइम्स डॉट कॉम'च्या माध्यमातून पहिल्यांदा डिजिटल क्षेत्रामध्ये काम करणाऱ्या स्वप्निल यांनी सुरुवातीला सोशल मिडिया व्यवस्थापक म्हणून काम पाहिले. त्यानंतर हळूहळू ते डिजिटल वृत्तांकनाकडे वळले. त्यांनी 'महाराष्ट्र टाइम्स' वृत्तपत्रामध्येही माहिती-तंत्रज्ञान या विषयावर लेखन केलं. मुख्य पुरवणीसोबतच अनेकदा रविवार विशेष अंकांमध्येही त्यांचे लेख छापून आले आहेत. 'मुंबई टाइम्स' या पुरवणीअंतर्गत विद्यार्थ्यांच्या विश्वातील अनेक विषय त्यांनी कॉलेज क्लब रिपोर्ट्सच्या माध्यमातून हाताळले. कॉलेज क्लब रिपोर्टर्ससोबतच्या कामासोबतच त्यांनी 'मटा सन्मान', 'मटा श्रावण क्विन' यासारख्या कार्यक्रमांसाठी डिजिटल आणि प्रिंटदरम्यान संयोजक म्हणून काम पाहिलं. जवळपास पाच वर्ष ते मटामध्ये कार्यरत होते.प्रगल्भतेची आसमहाराष्ट्र टाइम्सनंतर तितक्याच तोलामोलाच्या 'लोकसत्ता'मध्ये स्वप्निल यांनी काम केलं. या ठिकाणीही ते पाच वर्ष कार्यरत होते. 'मटा'पासून सुरु झालेल्या प्रवासाला 'लोकसत्ता'मध्ये प्रगल्भता लाभली. राजकीय बातम्या, ताज्या घडामोडी, ट्रेडींग बातम्या याबरोबरच त्यांनी डिजिटल आणि प्रिंटमधील समन्वयाचं (इंटीग्रेशन) कामही त्यांनी लोकसत्तामध्ये केलं. 'लोकसत्ता'मधील 'व्हिवा' या पुरवणीमध्ये तरुणाईसंदर्भातील विषयांवर त्यांनी लेखन केलं. तसेच 'लोकप्रभा'च्या माध्यमातून त्यांनी माहिती-तंत्रज्ञान या विषयावर लिखाण केलं. लोकसत्ता डॉट कॉममध्ये स्वप्निल यांनी चार ते पाच सेक्शनसची जबाबदारी पार पाडली.तो सध्या काय करतो?'लोकसत्ता'नंतर स्वप्निल यांनी पहिल्यांदाच टीव्हीशी संलग्न वेबसाईटसाठी म्हणजेच 'झी 24 तास'च्या वेबसाईटसाठी काम करण्याचा निर्णय घेतला. या ठिकाणी ते ताज्या घडामोडींबरोबरच, राजकीय बातम्या, ब्रेकिंग बातम्या, ट्रेडिंग बातम्या हाताळतात. बातमीमधील अचूक माहिती, व्याकरण, उत्तम मथळे यासारख्या गोष्टींकडे त्यांचं कटाक्षाने लक्ष असतं. लिखाणबरोबरच मॅरेथॉन पळणं, वेगवेगळ्या ठिकाणी खादडीसाठी जाणं, पुस्तकांसोबतच अवांतर वाचन यासारख्या गोष्टींना ते प्राधान्य देतात.
Read More

ZEENEWS TRENDING STORIES