SOCIAL MEDIA

Newsletter

PARTNER SITES
Select Language Select State

देशात खळबळ उडवणाऱ्या अंकिता भंडारी प्रकरणात VIP कनेक्शन? अभिनेत्रीची होणार नार्को टेस्ट, कोण आहे उर्मिला सनावर?

अंकिता भंडारी हत्याकांड प्रकरणात अभिनेत्री उर्मिला सनावरची गुजरातमध्ये नार्को टेस्ट होणार आहे. डेहराडून येथील सीबीआय न्यायालयाने दिले आदेश

Written By Mansi Kshirsagar Edited By Mansi Kshirsagar
Published: Nov 14, 2026, 06:51 AM IST | Updated: Nov 14, 2026, 06:54 AM IST
Image Credit: Uttarakhand court orders narco test for Urmila Sanawar in Ankita Bhandari whos is Urmila Sanawar
Join

अंकिता भंडारी हत्याकांड प्रकरणात मोठी घडामोड समोर आली आहे. अभिनेत्री उर्मिला सनावर हिची नार्को आणि पॉलीग्राफ टेस्ट करण्याचे आदेश देहराडून येथील सीबीआय न्यायालयाने दिले आहेत. ही चाचणी गुजरातमधील गांधीनगर येथील फॉरेन्सिक लॅबमध्ये होणार आहे.

शुक्रवारी उर्मिला सनावर सीबीआय न्यायालयात हजर झाली होती. सुमारे दोन तास सुनावणी झाल्यानंतर तिने नार्को आणि पॉलीग्राफ टेस्टसाठी लेखी संमती दिली. आपण या चाचणीसाठी पूर्णपणे तयार असल्याचेही तिने माध्यमांशी बोलताना स्पष्ट केले.

गांधीनगरमध्ये होणार चाचणी

उर्मिलाची वकील शिवानी तोमर यांनी दिलेल्या माहितीनुसार, चाचणीसाठी संमतीपत्र न्यायालयात सादर करण्यात आले असून उर्मिलाचा जबाबही नोंदवण्यात आला आहे. दोन्ही चाचण्या गुजरातमधील गांधीनगर येथे होणार आहेत. मात्र, चाचणीची अंतिम तारीख अद्याप निश्चित झालेली नाही. नोव्हेंबरच्या तिसऱ्या आठवड्यापर्यंत वैद्यकीय तपासणी होण्याची शक्यता आहे.

माजी आमदार सुरेश राठौर यांचीही चाचणी

या प्रकरणात भाजपमधून निष्कासित माजी आमदार सुरेश राठौर यांचीही नार्को आणि पॉलीग्राफ टेस्ट होणार असल्याची माहिती समोर आली आहे. त्यामुळे या प्रकरणातील तपासाकडे सर्वांचे लक्ष लागले आहे.

खंडणी प्रकरणात मिळाला होता जामीन

दरम्यान, उर्मिला सनावरविरोधात मानहानी आणि खंडणीचा गुन्हा दाखल करण्यात आला होता. त्यानंतर पोलिसांनी तिला सहारनपूर येथील निवासस्थानातून अटक केली होती. मात्र, गेल्या आठवड्यात हरिद्वार येथील न्यायालयाने या प्रकरणात तिला जामीन मंजूर केला.

आता अंकिता भंडारी हत्याकांडातील नार्को आणि पॉलीग्राफ टेस्टमधून काय माहिती समोर येते, याकडे सर्वांचे लक्ष लागले आहे.

प्रकरण काय?

18 सप्टेंबर 2022 साली उत्तराखंडच्या ऋषिकेशच्या वनंत्रा रिसॉर्टमध्ये रिसेप्शनिस्ट म्हणून काम करणाऱ्या 19 वर्षीय अकिंताची हत्या करण्यात आली होती. रिसॉर्टचा मालक पुलकित आर्यने 2 कर्मचाऱ्यांना सोबत घेऊन अंकिताची हत्या घडवून आणली होती. त्यानंतर हे प्रकर्ण शांत झाले होते. मात्र मागील वर्षी उर्मिला सनावर हिची एक ऑडिओ क्लिप व्हायरल झाली होती.

डिसेंबर 2025 मध्ये उर्मिला सनावर यांनी काही ऑडिओ क्लिप्स सोशल मीडियावर प्रसिद्ध केल्या होत्या, ज्यामध्ये अंकिता भंडारी हत्याकांडाशी संबंधित एका मोठ्या राजकीय नेत्याचा/व्हीआयपीचा सहभाग असल्याचा दावा करण्यात आला होता. याच दाव्यांची आणि ऑडिओ क्लिप्सच्या सत्यतेची पडताळणी करण्यासाठी सीबीआय तपास करत आहे.

कोण आहे उर्मिला सनावर

उर्मिला सनावर या उत्तर प्रदेशातील सहारनपूर येथील एक टीव्ही आणि चित्रपट अभिनेत्री आहेत. उत्तराखंडमधील बहुचर्चित अंकिता भंडारी हत्याकांड आणि भाजपचे माजी आमदार सुरेश राठोड यांच्यासोबतच्या वादांमुळे त्या देशभरात चर्चेत आल्या आहेत.

उर्मिला सनावर यांनी उत्तराखंडमधील ज्वालापूरचे माजी भाजप आमदार सुरेश राठोड यांच्याशी आपले लग्न झाल्याचा दावा केला होता. जून 2025 मध्ये दोघांनी एकत्र पत्रकार परिषद घेऊन याची कबुली दिली होती. समान नागरी कायद्याचे (UCC) उल्लंघन केल्याप्रकरणी भाजपने राठोड यांची सहा वर्षांसाठी पक्षातून हकालपट्टी केली होती. त्यानंतर दोघांमध्ये तीव्र वाद सुरू झाले आणि एकमेकांवर गंभीर आरोप-प्रत्यारोप केले गेले.
 

Add Zee News as a Preferred Source
TAGS:

About the Author

मानसी क्षीरसागर झी 24 डिजीटलमध्ये सब एडिटर म्हणून कार्यरत आहेत. त्यांन मीडिया क्षेत्राचा 10 वर्षांचा अनुभव आहे. महाराष्ट्र टाइम्स डिजीटल या वृत्तसंस्थेपासून कारकिर्दीची सुरुवात केली. राजकीय, मनोरंजन आणि जनरल बातम्यांमध्ये हातखंडा आहे. पायाभूत सुविधा म्हणजेच infrastructure, मुंबई लोकल संबंधित बातम्यांमध्ये विशेष रुची आहे. महाराष्ट्र व मुंबईतील महत्त्वाचे प्रकल्पाचे अपडेट वाचकापर्यंत पोहोचवतात.त्याचबरोबर, बातमीमागची बातमी म्हणजेच घडामोडींचा विश्लेषणात्मक कव्हरेज करण्याची विशेष आवड आहे.  गुन्हेविषयक बातम्या आणि त्याचे विश्लेषणात्मक लेख आणि त्याचा अभ्यासपूर्ण मसुदा वाचकांना समजेल अशा भाषेत लिहिण्याची विशेष आवड आहे. त्याचबरोबर, लाइफस्टाईल आणि हवामानासंदर्भातील बातम्यांमध्येसुद्धा त्यांचा विशेष हातखंडा आहे.डिजिटल मीडियातील कारकीर्दमानसी यांनी त्यांच्या कारकीर्दीची सुरुवात डिजीटल मीडियापासून केली. ग्रुम अँड ग्रो या अॅपसाठी कंटेट रायटर म्हणून काम करण्यास सुरुवात केली. त्यानंतर महाराष्ट्र टाइम्स ऑनलाइनमध्ये रुजू झाल्या.  मनोजरंन बातम्यांपासून सुरुवात केल्यानंतर जनरल बातम्या, अर्थविषयक बातम्या, क्राइम आणि लाइफस्टाईल विषयाशी निगडीत विषयांवर लिहिण्यास सुरुवात केली. मानसी या आता झी 24 तासमध्ये राजकीय, सामाजिक आणि इन्फ्रासंदर्भातील बातम्या प्रामुख्याने करतात.शैक्षणिक पात्रतामानसी क्षीरसागर यांची शैक्षणिक पात्रता पाहायची झाल्यास त्यांनी बॅचलर ऑफ मास मीडिया (BMM) मध्ये पदवी घेतली असून मास्टर ऑफ आर्ट्स इन कम्युनिकेशन अँड जर्नालिझम (MACJ) असे पदव्यूत्तर शिक्षण घेतलं आहे. शिवाय डिजिटल मार्केटिंग या विषयाचा सुद्धा त्यांचा अभ्यास आहे. डिजिटल मीडियातील बदलते ट्रेंड तसेच बदलती वाचकवृत्ती लक्षात घेऊन बातमी अथवा लेखांचे सादरीकरण कशा प्रकारे करू शकतो याचा अभ्यास करून त्या आपल्या कामात काळानुरुप बदल करतात.
Read More

ZEENEWS TRENDING STORIES