ना OTP, ना कॉल... तुमचा एक 'NO' मेसेज खाली करेल बँक अकाऊंट; NO Scam हा काय प्रकार? पोलिसांनीच सांगितलं कशी होते फसवणूक

'सोशल मिडिया: शाप की वरदान' असा विषय दिल्यास नेमकं काय लिहावं असा प्रश्न पडल्याशिवाय राहणार नाही. सोशल मीडियाच्या माध्यमातून अनेक गोष्टी सहज शक्य झाल्या असल्या तरी याच माध्यमातून ऑनलाइन आर्थिक गंडा घालणाऱ्यांची संख्याही बरीच आहे. रोज हे सायबर चोर नवीन माध्यमातून लोकांना गंडा घालताना दिसतात. अशाच एका नव्या स्कॅमबद्दल हैदराबादचे पोलीस आयुक्त व्ही. सी. सज्जनार यांनी लोकांना सतर्क केलं आहे. सज्जनार यांनी सोमवारी, 12 ऑक्टोबर रोजी एका नवीन पद्धतीच्या सायबर फसवणुकीबाबत जनतेला सावध करणारा संदेश दिला आहे.

क्षणात तुमच्या बँक खात्यातील पैसे गायब

"केवळ एका व्हॉट्सॲप मेसेजला 'NO' (नाही) असे उत्तर दिल्याने काही क्षणात तुमच्या बँक खात्यातील सर्व पैसे गायब होऊ शकतात!" असं सज्जनार यांनी म्हटलं आहे. सज्जनार यांनी या नव्या 'No Scam' बद्दल माहिती देताना, पीडित व्यक्तीने ना कोणताही ओटीपी (OTP) शेअर केला होता, ना कोणत्याही संशयास्पद लिंकवर क्लिक केले होते. त्याने फक्त 'NO' असे टाईप केले आणि त्यांची आयुष्यभराची कमाई लुटली गेली, असं सज्जनार यांनी घडलेल्या प्रकरणाची माहिती देताना म्हटलं आहे.

नक्की काय असतं या मेसेजमध्ये?

आपल्या अधिकृत एक्स पोस्टमधून सज्जनार यांनी या नव्या सायबर फ्रॉडची माहिती दिली आहे. "मला अलीकडेच एका नवीन प्रकारच्या सायबर गुन्ह्याबद्दल माहिती मिळाली. ज्यामध्ये एका चार्टर्ड अकाउंटंटची फसवणूक झाली. यात सायबर गुन्हेगारांनी तंत्रज्ञानाचा वापर करून अत्यंत धोकादायक 'ऑटो-एक्झिक्युशन फाइल अटॅक' पद्धतीचा वापर केला," असं हैदराबादचे पोलीस आयुक्त म्हणाले. अधिक माहिती देताना सज्जनार यांनी सांगितले की, सुरुवातीला संभाव्य पीडित व्यक्तीला अनोळखी क्रमांकावरून व्हॉट्सॲपवर एक मेसेज येतो. या मेसेजमध्ये त्या व्यक्तीच्या बँक खात्यातून ठराविक रक्कम वजा झाल्याचे (डेबिट झाल्याचे) नमूद केलेले असते. त्यानंतर लगेचच दुसरा मेसेज येतो: "जर हा व्यवहार (ट्रानझॅक्शन) तुम्ही केलं नसेल, तर त्वरित 'NO' असे उत्तर द्या," असं सांगितलं जातं.

NO पाठवल्यावर काय होतं?

ज्या क्षणी घाबरुन व्यक्ती तातडीने 'NO' असे टाईप करून या मेसेजला रिप्लाय पाठवतो, त्या क्षणी मेसेजमध्ये लपवलेल्या 'मालवेअर स्क्रिप्ट्स सक्रिय होतात. "काही सेकंदातच हॅकर्स तुमच्या मोबाईल फोनवर पूर्ण ताबा मिळवतात आणि तुमच्या बँक खात्यातील सर्व पैसे काढून घेतात," असे सज्जनार यांनी एक्सवरुन इशारा देताना सांगितले.

'NO' అంటే.. బ్యాంకు ఖాతా ఖాళీ! ఓటీపీలు అడగరు.. లింకులు నొక్కక్కర్లేదు! వాట్సాప్ సందేశంతోనే క్షణాల్లో సొమ్ము స్వాహా! ఆటో ఎగ్జిక్యూషన్ ఫైల్ అటాక్‌తో కేటుగాళ్ల సరికొత్త పన్నాగం! వాట్సాప్‌లో వచ్చిన ఒకే ఒక్క సందేశానికి కేవలం 'NO' అని రిప్లై ఇచ్చినందుకే ఒకరి బ్యాంక్ ఖాతా క్షణాల్లో నిలువునా ఖాళీ అయిపోయింది! బాధితుడు ఎవరికీ ఎలాంటి ఓటీపీ చెప్పలేదు.. ఏ అనుమానాస్పద లింక్‌పైనా క్లిక్ చేయలేదు.. కేవలం 'NO' అనే రెండక్షరాల సమాధానమే జీవితకాల సంపాదనను తుడిచిపెట్టేసింది. ఇటీవల ఒక చార్టర్డ్ అకౌంటెంట్‌ను సైతం నిలువునా ముంచేసిన ఈ సరికొత్త సైబర్ నేరం నా దృష్టికి వచ్చింది. సాంకేతికతను ఆసరాగా చేసుకుని సైబర్ కేటుగాళ్లు పన్నిన అత్యంత ప్రమాదకరమైన ఆటో ఎగ్జిక్యూషన్ ఫైల్ అటాక్ ఇది! ఈ మోసం ఎలా జరుగుతోందంటే.. మొదట గుర్తుతెలియని నంబర్ నుంచి మీ వాట్సాప్‌కు ‘మీ ఖాతా నుంచి ఇంత మొత్తం డెబిట్ అయ్యింది’ అంటూ నకిలీ సందేశం వస్తుంది. ఆ వెంటనే మిమ్మల్ని తీవ్ర భయాందోళనకు గురిచేస్తూ.. ‘ఈ లావాదేవీ మీరు చేయకపోతే వెంటనే NO అని రిప్లై ఇవ్వండి’ అంటూ రెండో మెసేజ్ పంపుతారు. ఖాతాలో డబ్బులు పోయాయన్న కంగారుతో మీరు ‘NO’ అని టైప్ చేసి పంపిన మరుక్షణమే.. ఆ సందేశంలో కనిపించకుండా దాగి ఉన్న మాల్‌వేర్ స్క్రిప్ట్స్ ఆటోమేటిక్‌గా యాక్టివేట్ అవుతాయి. క్షణాల్లో మీ మొబైల్ ఫోన్‌పై పూర్తి నియంత్రణను హ్యాకర్లు చేజిక్కించుకుని, బ్యాంక్ ఖాతాల్లోని సొమ్మంతటినీ ఊడ్చేస్తారు. అందుకే ప్రజలందరికీ విజ్ఞ‌ప్తి ఏంటంటే... గుర్తుతెలియని నంబర్ల నుంచి బ్యాంక్ లావాదేవీల పేరుతో వచ్చే మెసేజ్‌లకు 'YES' గానీ, 'NO' గానీ ఎట్టిపరిస్థితుల్లోనూ రిప్లై ఇవ్వకండి! కంగారుపడి ఎలాంటి సమాధానమూ పంపకుండా వెంటనే ఆ నంబర్‌ను బ్లాక్ చేసి చాట్‌ను డిలీట్ చేయండి. మీ ఖాతాలో డబ్బు కట్ అయిందో లేదో తెలుసుకోవడానికి మీ అధికారిక బ్యాంక్ యాప్‌లోకి వెళ్లి నేరుగా చెక్ చేసుకోండి తప్ప, వాట్సాప్ సందేశాలను అస్సలు నమ్మకండి. ఏ అధికారిక బ్యాంకూ వాట్సాప్‌లో ఇలా సమాధానాలు కోరదు. ఒకవేళ ఎవరైనా ఈ మోసానికి గురైతే ఏమాత్రం ఆలస్యం చేయకుండా గోల్డెన్ అవర్‌లో వెంటనే '1930' సైబర్ హెల్ప్‌లైన్‌కు కాల్ చేయండి లేదా https://t.co/bdJLRXbJD3 లో ఫిర్యాదు చేయండి. కంగారులో ఇచ్చే ఒక్క నో అనే సందేశం మీ సర్వస్వాన్నీ తుడిచిపెట్టేస్తుంది.. తస్మాత్ జాగ్రత్త!! #CyberCrimeAlert #WhatsAppScam #StayAlert #CyberSecurity #HyderabadPolice

— V.C. Sajjanar, IPS (@SajjanarVC_IPS) October 12, 2026

काय करावे आणि काय करू नये?

बँक व्यवहारांशी संबंधित अनोळखी क्रमांकांवरून आलेल्या मेसेजला 'YES' (हो) किंवा 'NO' (नाही) असे उत्तर देऊ नये, असे आवाहन हैदराबादच्या आयुक्तांनी केले.

सज्जनार यांनी असा मेसेज आल्यास काय करावं हे ही सांगितलं आहे. अशा मेसेजला घाबरून 'YES' (हो) किंवा 'NO' (नाही) असा प्रतिसाद देण्याऐवजी, लोकांनी असे क्रमांक 'ब्लॉक' करावेत. त्या क्रमांकांशी झालेले चॅट्स (संवाद) 'डिलीट' करावेत, असं सज्जनार यांनी सुचवलं आहे.

तसेच, अशा संशयास्पद मेसेजला उत्तर देण्याऐवजी, खरोखरच काही पैसे वजा झाले आहेत का, हे तपासण्यासाठी थेट बँकिंग ॲपवरुन बॅलेन्स तपासून घ्यावे, असंही सज्जनार यांनी सुचवलं आहे.

"कोणतीही अधिकृत बँक व्हॉट्सॲपद्वारे अशी माहिती मागत नाही. जर तुम्ही या फसवणुकीचे बळी ठरलात, तर विलंब करू नका; 'गोल्डन अवर'मध्ये (फसवणूक झाल्यानंतरचा पुढील साधारण तासभराच्या वेळेत) सायबर हेल्पलाईन क्रमांक '1930' वर कॉल करा किंवा cybercrime.gov.in वर तक्रार नोंदवा," असं आवाहन सज्जनार यांनी लोकांना केलं आहे.