Hyundai Bayon ने भारतीय बाजारपेठेत प्रवेश करताच ग्राहकांच्या पसंतीस उतरत आहे.
कारची ऑक्टोबर महिन्यातील एकूण विक्री, किंमत सर्व काही जाणून घ्या.
1/8
Hyundai Motor India ला दमदार प्रतिसाद
ऑक्टोबर 2026 हा दक्षिण कोरियाची कंपनी 'ह्युंदाई मोटर इंडिया' (Hyundai Motor India) साठी अत्यंत यशस्वी महिना ठरला आहे. कंपनीने नुकतीच लाँच केलेली मिड-साईज एसयूव्ही, Hyundai Bayon ला पहिल्याच महिन्यात ग्राहकांचा चांगला प्रतिसाद मिळाला आहे. ऑक्टोबर 2026 मध्ये या नवीन एसयूव्हीच्या एकूण 3449 युनिट्सची विक्री नोंदवण्यात आली आहे.
2/8
Hyundai Creta सर्वाधिक विक्री होणारी कार
विशेष म्हणजे, कंपनीने ऑक्टोबरच्या शेवटच्या काही दिवसांतच कारची डिलिव्हरी आणि डिस्पॅच सुरू केले होते, तरीही त्यांनी हा टप्पा गाठला आहे. दरम्यान, 'ह्युंदाई क्रेटा' (Hyundai Creta) पुन्हा एकदा कंपनीची सर्वाधिक विक्री होणारी गाडी ठरली आहे.
3/8
पहिल्याच महिन्यात सातव्या क्रमांकावर पोहोचली Bayon
ऑक्टोबर 2026 मध्ये, नवीन 'Bayon'चा वाटा ह्युंदाईच्या एकूण देशांतर्गत प्रवासी वाहन विक्रीत ५ टक्के इतका होता. इतकेच नव्हे, तर कंपनीने विकलेल्या 43,689 एसयूव्ही (SUV) पैकी केवळ 'Bayon'चा वाटा सुमारे 8 टक्के होता.
4/8
विक्रीच्या यादीत सातवे स्थान
या मॉडेलने विक्रीच्या यादीत सातवे स्थान पटकावले असून, Verna, Alcazar आणि Ioniq 5 सारख्या वाहनांना मागे टाकले आहे.
5/8
ऑक्टोबर 2026 मध्ये ह्युंदाईची 62,799 युनिट्सची विक्री
एकूणच, ऑक्टोबर 2026 मध्ये ह्युंदाईने 62,799 युनिट्सची विक्री नोंदवली, जी कंपनीची आतापर्यंतची सर्वोच्च मासिक देशांतर्गत विक्री ठरली आहे. हे प्रमाण मागील वर्षाच्या तुलनेत 17 टक्क्यांनी अधिक आहे.
6/8
किंमत, इंजिन आणि व्हेरियंट
भारतीय बाजारपेठेत, Hyundai Bayon ची सुरुवातीची एक्स-शोरूम किंमत 10 लाख रुपयांपासून सुरू होते आणि टॉप-स्पेक व्हेरियंटसाठी ती 18.15 लाख रुपयांपर्यंत जाते.
7/8
एकूण सात व्हेरियंट
कंपनीने ही कार एकूण सात प्रकारांमध्ये (variants) सादर केली आहे: HX2, HX3, HX3 Plus, HX5, HX6, HX8 आणि HX10. यात 1.5-लिटर, चार-सिलेंडर, नॅचरली ॲस्पिरेटेड पेट्रोल इंजिन देण्यात आले आहे, जे 115 hp पॉवर आणि 144 Nm टॉर्क निर्माण करते. फ्रंट-व्हील-ड्राइव्ह असलेल्या या कारमध्ये 6-स्पीड मॅन्युअल किंवा CVT ऑटोमॅटिक गिअरबॉक्सचा पर्याय उपलब्ध आहे. याव्यतिरिक्त, कंपनी जानेवारी 2027 मध्ये या वाहनाची फॅक्टरी-फिटेड CNG व्हर्जन लाँच करण्याच्या तयारीत आहे.
8/8
ऑक्टोबर महिन्यात ह्युंदाईच्या सर्वाधिक विक्री होणाऱ्या 5 कार
विक्रीच्या आकडेवारीवर नजर टाकल्यास, ह्युंदाई क्रेटाने आपले वर्चस्व कायम राखले असून ऑक्टोबर 2026 मध्ये तिचे 17,955 युनिट्स विक्रीसाठी पाठवण्यात आले. कॉम्पॅक्ट एसयूव्ही 'ह्युंदाई व्हेन्यू' 13,017 युनिट्सच्या विक्रीसह दुसऱ्या स्थानावर राहिली. तिसऱ्या क्रमांकावर मायक्रो एसयूव्ही 'एक्सटर' (Exter) होती, जिच्या विक्रीत वार्षिक आधारावर 35 टक्क्यांची वाढ होऊन ती 8509 युनिट्सवर पोहोचली. 'ऑरा' (Aura) ही सेडान 7349 युनिट्सच्या विक्रीसह चौथ्या स्थानावर राहिली. दरम्यान, प्रीमियम हॅचबॅक 'i20' 5528 युनिट्सच्या विक्रीसह पाचव्या क्रमांकावर होती, तर 'ग्रँड i10 निओस' (Grand i10 Nios) 5458 युनिट्सच्या विक्रीसह सहाव्या स्थानावर होती.