₹52 कोटीत गुजरातमध्ये उभारली सर्वात मोठी फ्रेंच फ्राईज फॅक्टरी; इथं कसं काम होतं? तासात किती फ्राईज तयार होतात? कोणत्या देशात पाठवल्या जातात? पाहा Inside Photos

सर्वात मोठ्या फ्रेंच फ्राईज फॅक्टरीमध्ये कसं काम चालतं?

सर्वात मोठ्या फ्रेंच फ्राईज फॅक्टरीमध्ये नक्की काम कसं चालतं? ही फॅक्टरी किती मोठी आहेत? त्यात किती वेगाने फ्राईज बनतात जाणून घेऊयात...

जगभरात निर्यात केले जातात फ्राईज

बनासकांठामधील या फॅक्टरीमध्ये तयार होणारे फ्रेंच फ्राईज केवळ भारतातच नाही, तर जगभरात निर्यात केले जातात. हे फ्रेंच फ्राईज मोरोशियस, मलेशिया, सिंगापूर आणि इतर देशांमध्ये पाठवले जातात.

तासाला 5 हजार किलो फ्रेंच फ्राइज

या विस्तारानंतर फॅक्टरीची फ्रेंच फ्राईज उत्पादन क्षमता प्रति तास 2 टनांवरून थेट 5 टन प्रति तास झाली आहे. म्हणजेच इथं पूर्ण क्षमतेनं काम केल्यास एका तासामध्ये पाच हजार किलो फ्रेंच फ्राईज तयार होऊ शकतात.

भारतातील सर्वांत अत्याधुनिक आणि वेगाने वाढणारा बटाटा प्रक्रिया प्रकल्प

पंतप्रधान नरेंद्र मोदी यांच्या हस्ते गुजरातमधील बनासकांठा जिल्ह्यातील अमूल समुहातील सदस्य असलेल्या बनास डेअरीच्या फ्रेंच फ्राईज आणि पोटॅटो प्रोसेसिंग प्लांटचं उद्घाटन करण्यात आलं. हा सध्या भारतातील सर्वांत अत्याधुनिक आणि वेगाने वाढणारा बटाटा प्रक्रिया प्रकल्प आहे.

पहिलीच अशी सहकारी संस्था

बनास डेअरी ही अमूल ब्रँडअंतर्गत काम करणारी देशातील पहिलीच अशी सहकारी संस्था आहे, जी बटाट्यांशीसंबंधित कामकाज पाहते. बटाट्याचे बियाणे तयार करण्यापासून ते थेट फ्रेंच फ्राईज पॅकिंगपर्यंतची संपूर्ण साखळी म्हणजेच एण्ड टू एण्ड चैन स्वतः हाताळते.

₹51.65 कोटींची गुंतवणूक

बटाट्यावर प्रक्रिया करणारा हा अत्याधुनिक प्लांट बनासकांठा जिल्ह्यातील दियोदरजवळील सणादर (Sanadar) येथे आहे. मोदींनीच त्यांच्या अकाऊंटवरुन या फॅक्टरीमधील काही फोटो शेअर केले आहेत. या प्रकल्पाच्या विस्तारासाठी ₹51.65 कोटींची गुंतवणूक करण्यात आली आहे.

10 हजार टन क्षमतेचे कोल्ड स्टोरेज

बनासकांठामधील या प्लांटमध्ये फ्रेंच फ्राईजसंदर्भातील मागणी आणि पुरवठा साखळी मजबूत करण्यासाठी 10 हजार टन क्षमतेचे कोल्ड स्टोरेज देखील उभारण्यात आले आहे.

सर्क्युलर प्रोसेस मॉडेल इथं होतं काम

हा प्लांट संपूर्णपणे सर्क्युलर प्रोसेस मॉडेल तत्वावर काम करतो. फ्रेंच फ्राईज बनवताना बटाट्याचा जो कचरा किंवा उर्वरित भाग निघतो, त्यापासून बायोगॅस (Biogas) तयार केला जातो. या बायो-ऊर्जेचा वापर फॅक्टरी चालवण्यासाठी केला जातो, ज्यामुळे पर्यावरणाचे रक्षण होते.

127 एकर परिसरात 'गोवंश प्रजनन आणि संशोधन केंद्र'

भारताच्या पशुसंवर्धन आणि दुग्धव्यवसाय क्षेत्रात मोठी झेप, असं म्हणत मोदींनी बनासकांठा येथेच 127 एकर परिसरात पसरलेल्या 'गोवंश प्रजनन आणि संशोधन केंद्रा'चे उद्घाटन करण्यात येत असल्याचंही पोस्टमधून सांगितलं.

विज्ञान आणि नाविन्यपूर्ण तंत्रज्ञानातून शेतकऱ्यांचे कल्याण

विज्ञान आणि नाविन्यपूर्ण तंत्रज्ञान कशाप्रकारे आपल्या शेतकऱ्यांचे कल्याण साधत आहेत, याचे 'गोवंश प्रजनन आणि संशोधन केंद्र' हे एक उत्तम उदाहरण असल्याचंही मोदींनी म्हटलं. (सर्व फोटो पंतप्रधान मोदींच्या फेसबुकवरुन साभार)