ST बस Drivers संदर्भात धक्कादायक बातमी! 400 ते 500 ड्रायव्हर मागील 5 वर्षांपासून...; प्रवाशांची सुरक्षा वाऱ्यावर

एसटीला वेतनासाठी निधी कमी पडल्यास

एसटीला वेतनासाठी निधी कमी पडल्यास तो देण्याची हमी राज्य सरकारने कामगार संघटनांच्या संपाच्या वेळी दिली होती. त्यामुळे आता आणखी आर्थिक बोजा पडायला नको, यासाठी सरकार नवीन ड्रायव्हरच्या पगाराचा आर्थिक बोजा घेण्यास तयार नाही. त्यावर मार्ग काढण्यासाठी एसटीकडून कंत्राटी ड्रायव्हर टप्प्याटप्प्याने नियुक्त करण्यात येणार आहेत.

आणखी ड्रायव्हर लागतील

नवीन बसगाड्यांची खरेदी केल्यावर आणखी ड्रायव्हर लागतील, हे गृहीत धरून एसटीने राज्य सरकारकडे भरतीसाठी परवानगी मागितली होती. मात्र एसटीच्या हलाखीच्या आर्थिक परिस्थितीमुळे सरकारने ती नाकारली.

10 हजारांहून अधिक बसगाड्या खरेदी करण्यात येणार असून...

एसटीकडून पुढील 2 ते 3 वर्षात 10 हजारांहून अधिक बसगाड्या खरेदी करण्यात येणार असून त्या टप्प्याटप्याने सेवेत दाखल होतील. एसटीकडे सध्या 16 हजारांहून अधिक बसगाड्या असून ड्रायव्हरचा तुटवडा आहे.

का देण्यात आलेत हे ड्रायव्हर?

आरटीओ अधिकारी, भरारी पथके व इतरांसाठी त्या विभागाकडून नवीन भरती होईपर्यंत तात्पुरती व्यवस्था म्हणून हा निर्णय घेण्यात आला होता. पण आरटीओ विभागाने गरजेनुसार भरतीच न केल्याने अजूनही हे ड्रायव्हर त्यांच्या सेवेत आहेत.

प्रवाशांच्या सुरक्षेला धाब्यावर बसवून हा निर्णय

कंत्राटी ड्रायव्हरचे अनुभव चांगले नसताना त्यांच्याकडून अनेक वेळा अपघाताच्या घटना घडलेल्या असताना प्रवाशांच्या सुरक्षेला धाब्यावर बसवून हा निर्णय घेतला जात आहे. एसटीने पाच वर्षांहूनही अधिक काळ परिवहन खात्याच्या दिमतीला आपले 500 हून अधिक ड्रायव्हर प्रतिनियुक्तीवर दिले आहेत.

स्वतःचे 400 ते 500 ड्रायव्हर गेली पाच वर्षे कोणाला दिलेत?

आश्चर्याची गोष्ट म्हणजे एसटीकडे ड्रायव्हरची कमतरता असताना त्यांचे स्वतःचे 400 ते 500 ड्रायव्हर गेली पाच वर्षे आरटीओ विभागाच्या दिमतीला दिलेले आहेत. त्याचा आर्थिक भुर्दंड तोट्यात चाललेल्या एसटी महामंडळाला सोसावा लागत आहे.

ड्रायव्हरचा तुटवडा

राज्य परिवहन महामंडळ म्हणजेच एसटीकडे ड्रायव्हरचा तुटवडा आहे. त्यातच राज्य सरकारने कायमस्वरूपी सेवेत ड्रायव्हर घेण्याची परवानगी न दिल्याने एसटी प्रशासनाने 12 ते 13 हजार ड्रायव्हर कंत्राटी पद्धतीने घेण्याचा निर्णय घेतला आहे.

एसटीसंदर्भातील आकडेवारी चर्चेत

लालपरीसंदर्भातील थक्क करणारी माहिती समोर आली आहे. नेमका हा प्रकार आहे काय, जाणून घेऊयात...