कोकण रेल्वेचे नवे वेळापत्रक, वंदे भारत, तेजससह प्रमुख गाड्यांच्या वेळेत बदल

कोकण रेल्वेचे नवे वेळापत्रक, वंदे भारत, तेजससह प्रमुख गाड्यांच्या वेळेत बदल

कोकण रेल्वेचे पावसाळ्यानंतरचे नवे वेळापत्रक लागू झाले आहे. वंदे भारत, तेजससह प्रमुख गाड्यांच्या वेळेत बदल होणार आहे.

नवे वेळापत्रक

कोकण रेल्वे वंदे भारत, तेजस, कोकणकन्या, जनशताब्दी आणि मांडवी यांसारख्या प्रमुख गाड्यांच्या वेळांमध्ये महत्त्वाचे बदल करण्यात आले आहेत.

57 गाड्यांच्या सेवांचा समावेश

मुंबईहून कोकण आणि गोव्याच्या दिशेने प्रवास करणाऱ्या प्रवाशांनी प्रवासापूर्वी सुधारित वेळापत्रक तपासून घ्यावे,असे आवाहन रेल्वे प्रशासनातर्फे करण्यात आले आहे. नव्या वेळापत्रकात एकूण 57 गाड्यांच्या सेवांचा समावेश करण्यात आला आहे.

वंदे भारत एक्स्प्रेस

ट्रेन क्रमांक 22229/30 - सीएसएमटी-मडगाव वंदे भारत एक्स्प्रेस सीएसएमटीहून सकाळी 5.25 वाजता सुटून दुपारी 1.10 वाजता मडगावला पोहोचेल. परतीच्या प्रवासात मडगावहून दुपारी 2.40 वाजता सुटून रात्री 10.25 वाजता सीएसएमटीला पोहोचेल.

तेजस एक्स्प्रेस

ट्रेन क्रमांक 22119/20 - सीएसएमटी-मडगाव तेजस एक्स्प्रेस सीएसएमटीहून सकाळी 5.50 वाजता सुटून दुपारी 3 वाजता मडगावला पोहोचेल. ही गाडी सोमवार आणि गुरुवार वगळता आठवड्यातून पाच दिवस धावेल.

कोकणकन्या एक्स्प्रेस

ट्रेन क्रमांक 20111/12 - सीएसएमटी-मडगाव कोकणकन्या एक्स्प्रेस सीएसएमटीहून रात्री 11.02 वाजता सुटून दुसऱ्या दिवशी सकाळी 9.45 वाजता मडगावला पोहोचेल. ही गाडी दररोज धावेल.

सीएसएमटी-मडगाव

ट्रेन क्रमांक 12051/52 - सीएसएमटी-मडगाव जनशताब्दी एक्स्प्रेस सीएएमटीहून सकाळी 5.10 वाजता सुटून दुपारी 2.30 वाजता मडगावला पोहोचेल. ही गाडी दररोज धावेल.

कोकण रेल्वे

ट्रेन क्रमांक 10103/04 - सीएसएमटी-मडगाव मांडवी एक्स्प्रेस सीएसएमटीहून सकाळी 7.10 वाजता सुटून सायंकाळी 7.30 वाजता मडगावला पोहोचेल.