भारतीयांना आता iPhone ही नकोसा! ग्राहकच नसल्याने रिटेलर्सकडे साठा पडून; आयफोनकडे पाठ फिरवण्याची कारणं कोणती? एकदा वाचाच

Published: Oct 28, 2026, 09:04 AM IST|Updated: Oct 28, 2026, 09:31 AM IST

आयफोन हल्ली अनेकांकडे पाहायला मिळतो, असं अनेकदा चर्चेत सहज ऐकायला मिळणारं वाक्य तसं आपल्यासाठी नवं नाही. मात्र आता भारतीयांना आयफोनचा कंटाळा आलाय की काय? भारतीयांनी या फोनकडे पाठ फिरवलंय की काय अशी शंका उपस्थित करण्यासारखा प्रकार समोर आलाय. त्याबद्दलच...

आयफोनच्या विक्रीमध्ये भारतात सणासुदीदरम्यान मोठी घट झाल्याचं दिसून आलंय. असं नक्की का झालं आहे आणि यामागील कारणं काय ते पाहूयात...

1/8

आयफोनला घरघर

आयफोनच्या विक्रीमध्ये भारतात तरी फार मोठी घट झाली आहे. प्रचंड क्रेझ असलेल्या या फोनकडे भारतीयांनी अचानक पाठ का फिरवलीये जाणून घेऊयात...

2/8

अॅपलला भारतात मोठा फटका

ऐन सणासुदीच्या काळात जागतिक तंत्रज्ञान क्षेत्रातील अव्वल कंपनी अॅपलला भारतात मोठा फटका बसला आहे.

3/8

जुन्या मॉडेल्सच्या भक्कम कामगिरीमुळे टिकून

जागतिक स्तरावर 'आयफोन ड्युओ'च्या आतील स्क्रीनला तडे जात असल्याच्या तक्रारी समोर आल्या आहेत त्यामुळे ग्राहकांमध्ये भीतीचे वातावरण आहे. मात्र, जुन्या मॉडेल्सच्या भक्कम कामगिरीमुळे दबदबा कायम आहे.

4/8

बाजारपेठ संशोधन संस्थेनं जारी केली माहिती

अॅपलची ही घसरण चिंतेचा विषय ठरली आहे. बाजारपेठ संशोधन संस्था 'आयडीसी' आणि 'काउंटरपॉइंट' यांनी जारी केलेल्या अहवालातून ही माहिती समोर आली आहे.

5/8

आयफोनच्या विक्रीत घट

किमतींमधील वाढ, नगण्य सवलती आणि नवीन फोन खरेदीतील ग्राहकांची अनास्था यामुळे भारतातील दसरा आणि दिवाळीच्या काळात आयफोनच्या विक्रीत तब्बल 30 टक्क्यांपर्यंत घट झाली आहे.

6/8

विक्रेत्यांकडे साठा पडून

'ऑल इंडिया मोबाइल रिटेलर्स असोसिएशन' दिलेल्या माहितीनुसार, यंदा सणासुदीच्या काळात मोठ्या विक्रीच्या अपेक्षेने व्यापाऱ्यांनी आयफोन्सचा मोठा साठा करून ठेवला होता.

7/8

रिटेलर्सच्या अंगाशी आला साठा

मात्र, किमतींमधील वाढ, नगण्य सवलतींमुळे मंदावलेल्या मागणी आता रिटेलर्सच्याच अंगाशी आली आहे. सणासुदीनिमित्त मागवलेला आयफोनचा हा साठा आता रिटेलर्सकडे पडून आहे.

8/8

'आयफोन ड्युओ'ला मागणी

दुसरीकडे, 2.99 लाख रुपये किंमत असलेल्या नव्या 'आयफोन ड्युओ'च्या मागणीच्या तुलनेत नगण्य पुरवठ्यामुळे दुकानांमध्ये तुटवडा निर्माण झाला आहे. याचा फायदा घेत दुबईहून बेकायदेशीररीत्या फोन आयात करून ग्रे-मार्केटमध्ये विकल्याचा आरोप आहे.

TAGS:

Technology News

india