SOCIAL MEDIA

Newsletter

PARTNER SITES
Select Language Select State

तुळशी विवाह कधीपासून? यंदा असणार फार कमी दिवस! फक्त 'हा' शुभ मुहूर्त चुकवू नका!

दिवाळीनंतर वेध लागतात ते तुळशी विवाह सोहळ्याचे. देवउठनी एकादशीपासून तुळशी विवाहाला सुरुवात होते. यंदा तुळशी विवाह कधीपर्यंत आणि शुभ मुहूर्त जाणून घ्या.

Written By Neha Chaudhari Edited By Neha Chaudhari
Published: Nov 17, 2026, 22:15 IST | Updated: Nov 17, 2026, 22:19 IST
Image Credit: Tulsi Vivah 2026
Join

हिंदू धर्मशास्त्रात तुळशी विवाहाला अतिशय महत्त्व आहे. दिवाळीचा सण झाल्यावर प्रतीक्षा असते ती तुळशी विवाह सोहळ्याची... तुळशी विवाहानंतर लग्नाचे मुहूर्त सुरु होतात. हिंदूचा हा अत्यंत पवित्र आणि मंगलमय सण भागवत एकादशी किंवा देवउठनी एकादशीपासून सुरु होता. तर कार्तिक पौर्णिमेपर्यंत असतो. यंदा कधीपासून कधीपर्यंत हा सोहळा असणार आहे. तुळशी विवाह सोहळ्याचा शुभ मुहूर्त काय, सर्व माहिती एका क्लिकवर जाणून घ्या.

तुळशी विवाह कधीपासून?


पंचांगानुसार कार्तिक महिन्यातील शुक्ल पक्षाच्या द्वादशी तिथीला म्हणजे एकादशी तिथीला तुळशी विवाह प्रारंभ होतो. यंदा शनिवार, 21 नोव्हेंबर 2026 रोजी तुळशी विवाहाला सुरुवात होणार आहे. तर कार्तिकी पौर्णिमा किंवा त्रिपुरारी पौर्णिमेपर्यंत तुळशी विवाह करता येतात. खरंतर असंख्य लोक एकादशीलाच तुळशीविवाह करतात. पण काही लोक आपल्या सोयीनुसार एकादशी ते पौर्णिमेपर्यंत हा सोहळा साजरा करतात. तर यंदा पौर्णिमा तिथी 24 नोव्हेंबर 2026 ला असणार आहे. याचा अर्थ यंदा तुळशीविवाहसाठी चार दिवस असणार आहे.

21 नोव्हेंबर 2026 ला तुळशी विवाहाचा शुभ मुहूर्त संध्याकाळी  5:25 मिनिटांपासून रात्री 7:49 मिनिटांपर्यंत असणार आहे.

तुळशी विवाह पूजा 


तुळशीच्या शेजारी पाटावर भगवान शाळिग्राम किंवा श्रीकृष्णाची मूर्ती स्थापित करा. त्यांना पिवळे वस्त्र, फुले आणि चंदन अर्पण करा. तुळशी माता आणि भगवान विष्णू यांची हळद, कुंकू, अक्षता, फुले, धूप, दीप आणि नैवेद्य दाखवून पूजा करा. कुटुंबाच्या सुख-समृद्धीसाठी प्रार्थना करा. तुळशी माता आणि शाळिग्राम यांच्यामध्ये अंतरपाट धरून मंगलाष्टके म्हणा. त्यानंतर अक्षता टाकून विवाह सोहळा पार पाडा. पारंपरिक पद्धतीने तुळशीला शालिग्रामासोबत सात फेरेही दिले जातात. विवाहानंतर तुळशी माता आणि भगवान विष्णू यांची आरती करा. गोड पदार्थांचा नैवेद्य दाखवा आणि प्रसाद वाटा.

(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. झी 24 तास या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)

Add Zee News as a Preferred Source
TAGS:

About the Author

नेहा चौधरी या 'झी 24 तास डिजीटल'मध्ये सिनियर सब एडिटर (वरिष्ठ उपसंपादक) पदावर कार्यरत आहे. त्यांना पत्रकारिता क्षेत्रातील 20 वर्षांचा अनुभव आहे. इलेक्ट्रॉनिक आणि ऑनलाइन मीडियामध्ये प्रदीर्घ अनुभव आहे. त्यांनी पत्रकाराची सुरुवात रिपोर्टर म्हणून देशोन्नती वृत्तपत्रातून केली. राजकारणापासून मनोरंजनापर्यंत बातम्यांचा आढावा त्यांनी घेतला. 2006 मधील मुंबई लोकल ट्रेन बॉम्बस्फोट हल्ला, 26/11 मुंबई हल्ला, प्रमोद महाजन हत्या अशा अनेक घटनांचे कव्हरेज त्यांनी केलं आहे. त्यानंतर ई टीव्ही मराठीमध्येही रिपोर्टर म्हणून काम केलं. त्यानंतर मी मराठी, साम मराठी, जय महाराष्ट्र, न्यूज 18 लोकमतमध्ये अनेक वर्ष त्यांनी आऊटपूटमध्ये रनडाउन प्रोड्यूसर म्हणून काम केलं. आता त्या 'झी 24 तास डिजीटल'मध्ये कार्यरत आहेत.शैक्षणिक पात्रतानेहा चौधरी यांनी बॅचरल ऑफ कम्युनिकेशन आणि जर्नालिझम ही पदवी घेतली आहे. संरक्षण शास्त्रातून बीए, नाशिक भोसला मिलटरी कॉलेजमधून केलं आहे. डिजिटल मार्केटिंग या विषयाचा सुद्धा अभ्यास केलाय.व्हिडीओ कंटेटझी 24 तास सोशल मीडियासाठी  त्या ज्योतिषशास्त्र, सणवार, विज्ञान, ट्रेंडिंग विषय आणि आरोग्याशी संबंधित तज्ज्ञांच्या मुलाखत घेतात.  यातून लेखनासोबतच व्हिडीओच्या माध्यमातून पोहोचण्यास मदत होते.या विषयांमध्ये हातखंडत्या राजकारण, गुन्हेगारीपासून मनोरंजनापर्यंत ग्रामीण भागातील बातम्यांमध्ये आपलं योगदान देतात. त्यासोबत सोशल मीडियावरील व्हायरल आणि ट्रेंडिंगवरही लिखाण करतात.  ज्योतिष, अंकशास्त्र, टॅरो कार्ड आणि धर्म यावर लिखणा करतात. त्यांनी हस्तरेषाशास्त्र, वास्तु आणि फेंगशुईसह वैदिक ज्योतिष, अंकशास्त्र आणि टॅरोचाही पुस्तकाच वाचन करुन आणि तज्ज्ञांनी बोलून लोकांना माहितीपूर्ण बातम्या देतात. सण, उत्सवाचे धार्मिक आणि वैज्ञानिक महत्त्व, याबद्दल बातम्यांमधून समतोल राखतात. मोकळ्या वेळेत त्यांना धार्मिक ग्रंथांच वाचन तसंच प्रवास, खाद्य पदार्थ बनवणे, संगीताची आवड आहे.
Read More

ZEENEWS TRENDING STORIES