मुलीच्या जन्मदिवशी लिटन दासने ठोकलं शतक, कॅमेऱ्यावर दाखवलं पानावर लिहिलेला खास संदेश
Litton Das Century : दक्षिण आफ्रिकेविरुद्धच्या टेस्ट सामन्यात शतक झळकावणारा तो केवळ तिसरा बांगलादेशी फलंदाज ठरला. शतक ठोकल्यावर लिटन दासने खिशातून एक चिठ्ठी बाहेर काढली आणि कॅमेऱ्याच्या समोर दाखवली, त्यावर खास संदेश लिहिलेला होता.
Litton Das Century : बांगलादेशचा स्टार फलंदाज लिटन दासने दक्षिण आफ्रिका विरुद्ध पहिल्या टेस्ट सामन्यात जबरदस्त शतक ठोकलं आहे. या शतकासह त्याने फक्त आपल्या संघालाच कठीण परिस्थितीतून बाहेर काढलं नाही तर आपल्या मुलीसाठी सुद्धा हे शतक न विसरता येण्यासारखं बनवलं. जोहान्सबर्गमधील वांडरर्स स्टेडियमवर सुरू असलेल्या सामन्याच्या दुसऱ्या दिवशी सोमवारी 16 नोव्हेंबर रोजी लिटनने आपले शतक पूर्ण केल्यानंतर ज्या पद्धतीने जल्लोष केला त्याने सर्वांची मने जिंकून घेतली.
लिटन दासने शतक ठोकून केलं अनोखं सेमीब्रेशन :
दक्षिण आफ्रिकेचा वेगवान गोलंदाज मार्को यान्सेनने टाकलेल्या 88 व्या ओव्हरमध्ये पाचव्या बॉलवर चौकार मारून लिटन दासने 154 बॉलमध्ये आपलं शतक पूर्ण केलं. टेस्ट क्रिकेटमधील हे आठवे शतक होते. दक्षिण आफ्रिकेविरुद्धच्या टेस्ट सामन्यात शतक झळकावणारा तो केवळ तिसरा बांगलादेशी फलंदाज ठरला. शतक ठोकल्यावर लिटन दासने खिशातून एक चिठ्ठी बाहेर काढली आणि कॅमेऱ्याच्या समोर दाखवली. या चिठ्ठीच्या कागदावर त्यांनी आपल्या मुलीच्या जन्म दिवसानिमित्त एक खास संदेश लिहिला होता. लिटनने लिहिलं होतं की 'माझ्या राजकुमाराला जन्मदिवसाच्या शुभेच्छा. हे शतक तुझ्यासाठी'. या भावूक क्षणाचा एक व्हिडिओ सोशल मीडियावर व्हायरल होत आहे. पहिल्या दिवसाचा खेळ संपला तेव्हा लिटन दास 92 धावांवर नाबाद होता. सोमवारी त्याला शतक पूर्ण करण्यासाठी केवळ आठ धावांची गरज होती आणि त्याने चार ओव्हरपेक्षा कमी ओव्हरमध्ये हा टप्पा गाठला. तो वर्ल्ड टेस्ट चॅम्पियनशिपमध्ये बांगलादेशसाठी सर्वाधिक धावा करणारा फलंदाजही आहे.
शतक पूर्ण केल्यावर लिटन दास जास्त वेळ मैदानावर राहू शकला नाही आणि 179 बॉलमध्ये 120 धावा करून बाद झाला. इनिंगच्या 96 व्या ओव्हरच्या तिसऱ्या बॉलवर डॅन पॅटरसनने त्याला तंबूत परत पाठवले. या सामन्यातील पॅटरसनची ही दुसरी विकेट होती; याआधी सोमवारी त्याने मेहदी हसन मिराजची विकेट घेतली होती. मिराजने 16 बॉल 10 धावा केल्या होत्या, त्यानंतर विआन मुल्डरने त्याला कॅच आउट झाला.
पूजा सुनील पवार या 'झी २४ तास' डिजिटलमध्ये सब एडिटर पदावर कार्यरत असून पत्रकारिता क्षेत्रात त्यांना 6 वर्षांहून अधिक काळाचा अनुभव आहे. प्रिंट मीडियापासून सुरु झालेला त्यांचा पत्रकारितेतील प्रवास हा टेलिव्हिजन आणि डिजिटल मीडिया पर्यंत येऊन पोहोचला आहे. सध्या त्या झी 24 तासमध्ये डिजिटल विभागात काम करताना विशेषतः क्रीडा क्षेत्रातील घडामोडींच्या अपडेट्स आणि विश्लेषणात्मक लेख वाचकांपर्यंत पोहोचवतात. पूजा पवार या बीसीसीआयच्या मान्यताप्राप्त पत्रकार असून आयसीसी वर्ल्ड कप, इंडियन प्रीमियर लीग सारख्या क्रिकेट स्पर्धा मान्यताप्राप्त पत्रकार म्हणून कव्हर केल्या आहेत. याशिवाय मनोरंजन, राजकीय, क्राईम, लाईफस्टाईल क्षेत्राशी निगडित बातम्यांमध्ये सुद्धा त्यांचा हातखंड आहे.प्रिंट मीडिया ते डिजिटल पर्यंतची कारकीर्द:पूजा यांनी 'सकाळ' वृत्तपत्रापासून त्यांच्या पत्रकारितेला सुरुवात केली. यात त्यांना सांस्कृतिक, शैक्षणिक, सामाजिक समस्या इत्यादी विषयांमध्ये फिल्ड रिपोर्टींगचा अनुभव मिळाला. त्यांनी आपल्या लेखनाच्या माध्यमातून अनेक सामाजिक समस्यांना वाचा फोडली ज्याचा इम्पॅक्ट सुद्धा प्रशासनाच्या कारभारावर पाहायला मिळाला. पूजा यांनी 'न्यूज १८ लोकमत' पासून डिजिटल पत्रकारितेत पाऊल टाकले. येथे त्यांना विशेषतः क्रीडा पत्रकारितेमध्ये भक्कम अनुभव मिळाला शिवाय मनोरंजन आणि लाईफस्टाईलशी निगडित विषयांवर देखील त्यांनी लेखन केले. त्यानंतर आता पूजा या झी २४ तास मध्ये मुख्यत्वे क्रीडा विभागासाठी काम करत आहेत. पूजा यांना लेखनासोबतच, ट्रॅव्हलिंगची खूप आवड आहे. नवनवीन विषय, ठिकाण तेथील संस्कृती, जीवनशैली इत्यादी विषयांवर अधिकाधिक माहिती घ्यायला त्यांना विशेष रस आहे. तसेच क्रीडा क्षेत्रातही त्यांना विशेष आवड असून त्या स्वतः बॉक्स क्रिकेटमध्ये एक ऑलराऊंडर खेळाडू आहेत.शैक्षणिक पात्रतापूजा पवार यांची शैक्षणिक पात्रता पाहायची झाल्यास त्यांनी बॅचलर ऑफ मास मीडिया (BMM) मध्ये पदवी घेतली असून मास्टर ऑफ आर्ट्स इन कम्युनिकेशन अँड जर्नालिझम (MACJ) असे पदव्यूत्तर शिक्षण घेतलं आहे. शिवाय डिजिटल मार्केटिंग या विषयाचा सुद्धा त्यांचा अभ्यास आहे. डिजिटल मीडियातील बदलते ट्रेंड तसेच बदलती वाचकवृत्ती लक्षात घेऊन बातमी अथवा लेखांचे सादरीकरण कशा प्रकारे करू शकतो याचा अभ्यास करून त्या आपल्या कामात काळानुरुप बदल करतात.