टीम इंडियासोबत काम करण्याची सुवर्णसंधी, 'या' पदांसाठी निघाली भरती, तुम्हीही करू शकता अर्ज
Team India Vacancy : टीम इंडिया सोबत काम करण्याची सुवर्णसंधी चालून आली आहे. बीसीसीआयने दोन पदांसाठी भरती काढली असून यासाठी 16 नोव्हेंबरपर्यंत अर्ज करता येणार आहेत.
Team India Vacancy : बीसीसीआयने महिला क्रिकेट संघाच्या फिल्डिंग कोच आणि पुरुष संघाच्या हेड फिजियोथेरेपिस्ट या पदांसाठी अर्ज मागवले आहेत. बोर्डाकडून प्रेस रिलीज जाहीर करण्यात आली असून या पदांसाठी अर्ज करण्याची अंतिम तारीख ही 16 नोव्हेंबर आहे. मुनीश बाली यांनी अलीकडेच महिला संघाच्या फिल्डिंग प्रशिक्षकपदाची जबाबदारी स्वीकारली होती. याआधी झिम्बाब्वेविरुद्धच्या मायदेशातील वनडे आणि टी20 सीरिज दरम्यान त्यांनी ही भूमिका बजावली होती.
महिला संघ फिल्डिंग कोचच्या शोधात :
भारतीय महिला संघात विशेषकरून कॅच सोडण्याची समस्या खूप काळापासून चिंतेचा विषय बनली आहे. बीसीसीआयने फिल्डिंग कोच बीसीसीआयने फील्डिंग युनिट तयार करण्यासाठी एक सर्वसमावेशक कार्यक्रम विकसित करणे आणि त्याची अंमलबजावणी करणे ही फील्डिंग कोच मुख्य जबाबदाऱ्यांपैकी एक म्हणून निश्चित केली आहे. याव्यतिरिक्त सराव सत्रांदरम्यान आणि सामन्यांच्या वेळी क्षेत्ररक्षणाशी संबंधित सरावांवर देखरेख ठेवणे तसेच खेळाडूंचे कौशल्य सुधारण्यासाठी त्यांना वैयक्तिक मार्गदर्शन देणे हे देखील त्यांच्या कर्तव्यांचा भाग असेल.
हेही वाचा : 38 व्या वर्षी विराट कोहलीचा कमाल फिटनेस, डाइव्ह मारून पकडला कॅच, प्रेक्षक पाहतच राहिले
पुरुष संघासाठी हवाय हेड फिजिओ :
उमेदवाराला प्रत्येक खेळाडूच्या क्षेत्ररक्षणातील कामगिरीचे आणि विविध सामन्यांमधील परिस्थितीनुसार त्यांच्या योगदानाचे मूल्यमापन करावे लागेल. दरम्यान, पुरुष संघाचे मुख्य फिजिओ कमलेश जैन यांच्या जागी बोर्ड आता नवीन उमेदवाराच्या शोधात आहे. जैन यांनी सप्टेंबर महिन्यात आपल्या पदाचा राजीनामा दिला होता. बीसीसीआयने या पदासाठी उमेदवाराला कमीत कमी 10 वर्षांचा अनुभव असावा अशी अट घातली आहे. याशिवाय उमेदवाराला उच्चस्तरीय खेळाडू किंवा संघांसोबत काम करण्याचा अनुभव असणे आवश्यक आहे. ज्या उमेदवारांनी उच्च कार्यक्षमता असलेल्या संघांसोबत काम केले आहे त्यांना प्राधान्य दिले जाईल.
