भुवनेश्वर कुमारला शेवटच्या सामन्यात संधी मिळणार, कशी असेल भारताची प्लेइंग 11?

भारत विरुद्ध न्यूझीलंड यांच्यामध्ये झालेल्या चौथ्या सामन्यामध्ये टीम इंडियाच्या गोलंदाजांची त्याचबरोबर फलंदाजांची देखील निराशाजनक कामगिरी पाहायला मिळाली. भारताचा कर्णधार श्रेयस अय्यर याने चौथ्या सामन्यामध्ये प्लेइंग 11 मध्ये काही महत्त्वाचे बदल केले होते. यामध्ये टीम इंडियाचा 36 वर्षांचा सर्वात अनुभवी गोलंदाज भुवनेश्वर कुमार याला प्लेइंग 11 मधून वगळण्यात आले होते, तर वैभव सूर्यवंशी देखील बेंचवर होता. आता पाचव्या सामन्यात मालिकेचा शेवटच्या सामन्यामध्ये भारत विजयाच्या उद्देशाने मैदानात उतरतील. पाचव्या सामन्यामध्ये भारताचे कोच गौतम गंभीर आणि कर्णधार श्रेयस अय्यर प्लेइंग 11 मध्ये बदल करणार की नाही याकडे सर्वांचे लक्ष लागले आहे. 

भारताचा अनुभवी गोलंदाज भुवनेश्वर कुमार याने भारतीय संघामध्ये 4 वर्षानंतर पुनरागमन केले पण तो या संधीचे सोने करु शकला नाही. त्याने खेळलेल्या या तीन सामन्यांमध्ये 139 च्या सरासरीने गोलंदाजी करुन फक्त एक विकेट घेतला. त्याला चौथ्या टी20 सामन्यामधून देखील वगळण्यात आले होते. जर भुवनेश्वर कुमारला अंतिम टी20 सामन्यात खेळण्याची संधी मिळाली, तर त्याला चांगली गोलंदाजी करून स्वतःला सिद्ध करावे लागेल. जर तो असे करण्यात अपयशी ठरला, तर त्याला श्रीलंकेविरुद्धच्या आगामी टी20 मालिकेतून वगळले जाऊ शकते. आता भुवनेश्वर कुमारसाठी पुन्हा भारतीय संघाकडून खेळणे खूप कठीण होईल. 

हे ही वाचा

IND vs NZ शेवटच्या टी20 सामन्यात कोण मारणार बाजी? सामन्याची संपूर्ण माहिती वाचा एका क्लिकवर

इशान किशन दुखापतीमुळे कुमार कुशाग्रला संघामध्ये स्थान मिळाले होते पण त्याला एकही खेळण्याची संधी मिळालेली नाही. आतापर्यत चार सामने झाले पण वरुण चक्रवर्ती मागील चारही सामन्यांमध्ये बेंचवर बसला आहे, त्याला आतापर्यत एकही सामना खेळण्याची संधी देण्यात आलेली नाही. परिणामी, कुमार कुशाग्रला स्वतःला सिद्ध करण्याची संधी मिळणे जवळपास अशक्य झाले आहे. संघ व्यवस्थापनाने कुशाग्रला 'इंडिया ए' संघाकडून खेळण्यासाठी पाठवले आहे. मात्र, भारतीय संघात या भूमिकेसाठी आधीच किशन आणि संजू सॅमसन आहेत. 

भारतीय संघाचा स्टार गोलंदाज कुलदीप यादवला मागील काही काळापासून सातत्याने वगळले जात होते, त्याच्याबद्दल सांगायचे झाले तर त्याला मागील 9 सामन्यांमध्ये फक्त 2 सामन्यांमध्ये खेळण्याची संधी मिळाली आहे. न्यूझीलंडविरुद्धच्या चार सामन्यांमध्ये त्याला एकही संधी मिळाली नाही. अंतिम सामन्यातही तो खेळेल याची शक्यता फारच कमी वाटते. अशा परिस्थितीत, कुलदीप यादवला न खेळताच टी20 संघातून वगळले जाऊ शकते.