'सुपरमॅन' फिन अ‍ॅलन! हवेत उडून रोखला षटकार, डेरिल मिचेलने पूर्ण केला भन्नाट कॅच
मधल्या फळीतील फलंदाज म्हणजेच वैभव सूर्यवंशी, श्रेयस अय्यर आणि अक्षर पटेल हे तीनही फलंदाज पूर्णपणे फेल झाले, या सामन्यातील अक्षर पटेलचा कॅच सध्या चर्चेत आहे. डॅरिल मिचेलने घेतलेल्या कॅचचा व्हिडिओ सध्या सोशल मिडियावर व्हायरल होत आहे.
न्यूझीलंडविरुद्ध सुरु असलेल्या भारत विरुद्ध न्यूझीलंड सामन्यामध्ये भारताच्या संघाने 4 विकेट्सने विजय मिळवला आणि पाच सामन्यांच्या मालिकेमध्ये 2-0 अशी आघाडी घेतली आहे. या मालिकेमध्ये न्यूझीलंडच्या संघाने अनेक कॅच भारतीय फलंदाजांचे सोडले त्यामुळे भारताला त्याचा मोठा फायदा झाला. भारताच्या संघाने पावर प्लेमध्ये तीन विकेट्स गमावले होते, पण सलामीवीर फलंदाजांनी या सामन्यामध्ये कमालीची सुरुवात करुन दिली पण त्यानंतर मधल्या फळीतील फलंदाज म्हणजेच वैभव सूर्यवंशी, श्रेयस अय्यर आणि अक्षर पटेल हे तीनही फलंदाज पूर्णपणे फेल झाले, या सामन्यातील अक्षर पटेलचा कॅच सध्या चर्चेत आहे.
भारतीय डावादरम्यान हे नेत्रदीपक दृश्य पाहायला मिळाले, जेव्हा अक्षर पटेल पुढे सरसावला आणि त्याने सँटनरच्या एका जोरदार चेंडूवर फटका मारला. चेंडू उंच उडाला आणि सहजपणे सीमारेषेबाहेर जाईल असे वाटत होते. मात्र, लॉन्ग ऑनला उभा असलेला फिन ॲलन हार मानण्याऐवजी, वेगाने चेंडूच्या दिशेने धावला. सीमारेषेच्या अगदी जवळ असलेल्या ॲलनने हवेत उडी मारून चेंडू पकडला. पण त्याच्यासमोर एक मोठे आव्हान होते. त्याचा तोल जात होता आणि तो सीमारेषेच्या पलीकडे जाणार होता. त्याने विलक्षण प्रसंगावधान दाखवले. चेंडू घेण्याऐवजी, त्याने तो परत मैदानात फेकला. जवळच असलेल्या डॅरिल मिचेलने योग्य वेळी चेंडू पकडला, या कॅचचा व्हिडिओ सध्या सोशल मिडियावर व्हायरल होत आहे.
मालिकेच्या दुसऱ्या सामन्यातील अहवालाबद्दल सांगायचे झाले तर श्रेयस अय्यरने दुसऱ्या सामन्यात नाणेफेक जिंकून पहिले गोलंदाजी करण्याचा निर्णय घेतला होता. या सामन्यात न्यूझीलंडच्या संघाने पहिले फलंदाजी करत 20 ओव्हरमध्ये 180 धावा केल्या आणि 5 विकेट्स गमावले. प्रत्युत्तरात भारताच्या संघाने हे लक्ष 19.5 ओव्हरमध्ये पूर्ण केले, या सामन्याचे मॅचविनर तिलक वर्मा, नमन धीर आणि नितीश कुमार रेड्डी हे ठरले आहेत. या सामन्यामध्ये तिलक वर्माने अर्धशतक झळकावले.
हे ही वाचा
तिलक-नितीशच्या जोडीने न्यूझीलंडकडून हिसकावला विजयाचा घास, टीम इंडियाचा 4 विकेट्सने विजय
तिलक वर्माने संघासाठी आजच्या सामन्यामध्ये 26 चेंडूंमध्ये नाबाद 51 धावा केल्या यामध्ये त्याने 1 षटकार आणि 6 चौकार मारले. तर नितीशने 13 चेंडूंमध्ये नाबाद २६26 धावा केल्या. ग्लेन फिलिप्सने 43 चेंडूंमध्ये शानदार 70 धावा करून डावाची धुरा सांभाळली. बेव्हॉन जेकब्सनेही 46 चेंडूंमध्ये 58 धावा केल्या.
