ODI मालिका संपली, टीम इंडिया आता पुढील सामना कधी आणि कुठे खेळणार? वाचा सविस्तर माहिती
आता एकदिवसीय मालिका झाल्यानंतर टीम इंडिया पुढील सामना कधी आणि कोणाविरुद्ध खेळणार आहे यासंदर्भात सर्व माहिती तुम्हाला या लेखामध्ये मिळेल. एकदिवसीय आणि टी20 मालिका झाल्यानंतर टीम इंडिया आणि क्रिकेट चाहत्यांना कसोटी क्रिकेटचा चस्का पाहायला मिळणार आहे.
टीम इंडिया न्यूझीलंड दौऱ्यावर आहे भारताच्या संघाने श्रेयस अय्यरच्या नेतृत्वाखाली टी20 मालिका न्यूझीलंडविरुद्ध 3-2 ने जिंकली. तर आज नुकतीच एकिदिवसीय मालिका संपली आहे या मालिकेमध्ये भारताच्या संघाने दोन सामने शुभमन गिलच्या नेतृत्वात तर एक सामना श्रेयस अय्यरच्या नेतृत्वात जिंकून मालिका नावावर केली आहे. आता एकदिवसीय मालिका झाल्यानंतर टीम इंडिया पुढील सामना कधी आणि कोणाविरुद्ध खेळणार आहे यासंदर्भात सर्व माहिती तुम्हाला या लेखामध्ये मिळेल. एकदिवसीय आणि टी20 मालिका झाल्यानंतर टीम इंडिया आणि क्रिकेट चाहत्यांना कसोटी क्रिकेटचा चस्का पाहायला मिळणार आहे.
भारत विरुद्ध न्यूझीलंड यांच्यामध्ये एकदिवसीय आणि टी20 मालिका झाल्यानंतर आता कसोटी क्रिकेटचा संग्राम पाहायला मिळणार आहे. भारताचा संघ न्यूझीलंड दौऱ्यावर दोन सामन्यांची कसोटी मालिका खेळणार आहे. शुभमन गिलच्या नेतृत्वात भारताचा संघ ही मालिका खेळेल, या मालिकेमध्ये भारतीय संघाचे अनेक दिग्गज आणि स्टार खेळाडू संघामध्ये पुनरागमन करणार आहेत. जसप्रीत बुमराह, रिषभ पंत मागील काही काळापासून सातत्याने दुखापतीशी झुंजत आहेत त्यामुळे हे खेळाडू या मालिकेमध्ये पुनरागमन करु शकतात. भारताच्या संघासाठी वर्ल्ड टेस्ट चॅम्पियनशीप फायनलच्या सामन्यामध्ये स्थान मिळवण्यासाठी ही मालिका जिंकणे अनिवार्य आहे.
हे ही वाचा
टीम इंडियाने घरच्या मैदानावर न्यूझीलंड संघाला हरवलं, भारताचा 22 धावांनी विजय!
भारत विरुद्ध न्यूझीलंड यांच्यामध्ये कसोटी मालिकेचा पहिला सामना हा 19 नोव्हेंबर रोजी सुरु होणार आहे. बेसिन रिझर्व्ह येथे या सामन्याचे आयोजन करण्यात आले आहे, भारतीय चाहत्यांना हा सामना पाहण्यासाठी पहाटे 3.30 वाजता उठावे लागणार आहे. पहिला सामना 19-23 नोव्हेंबर यादरम्यान पहिला सामना खेळवला जाईल. दुसरा मालिकेचा सामना हा हॅगली ओव्हल येथे खेळवला जाणार आहे, या सामन्याचे आयोजन 27 नोव्हेंबर ते 1 डिसेंबर यादरम्यान खेळवला जाणार आहे.
न्यूझीलंड आणि भारत यांच्यातील वेळेच्या फरकामुळे, भारतीय प्रेक्षकांना हा सामना पाहण्यासाठी लवकर उठावे लागेल. दोन्ही कसोटी सामन्यांची नाणेफेक भारतीय प्रमाणवेळेनुसार पहाटे 3.00 वाजता होईल आणि पहिला चेंडू पहाटे 3.30 वाजता टाकला जाईल. न्यूझीलंडमधील स्थानिक वेळेनुसार सकाळी 11.00 वाजता सामने सुरू होतील.
टीव्हीवर थेट प्रक्षेपण: तुम्ही सोनी स्पोर्ट्स 1, सोनी स्पोर्ट्स 3 (हिंदी समालोचन) आणि इतर प्रादेशिक वाहिन्यांवर सामने थेट पाहू शकता.
मोबाईल आणि लॅपटॉपवर: डिजिटल प्लॅटफॉर्मवर, या मालिकेचे थेट प्रक्षेपण सोनी लिव्ह ॲप आणि वेबसाइटवर उपलब्ध असेल.
