गुरनूर ब्रार विरुद्ध न्यूझीलंडचा फलंदाज, मैदानावरच एकमेकांशी भिडले! पहा Video
टीम इंडियाचा गोलंदाज गुरनुर ब्रारने संघासाठी तीन विकेट्स घेतले, त्याच्या या प्रभावी कामगिरीच्या दरम्यान सोशल मिडियावर एक व्हिडिओ व्हायरल होत आहे यामध्ये तो न्यूझीलंडच्या फलंदाजाशी वाद घालताना दिसत आहे.
भारत विरुद्ध न्यूझीलंड यांच्यामध्ये एकदिवसीय मालिकेचा पहिला सामना आज पार पडला, या सामन्यामध्ये भारताच्या संघाने 5 विकेट्सने विजय मिळवला. या सामन्यामध्ये टीम इंडियाच्या गोलंदाजांची प्रभावी कामगिरी पाहायला मिळाली. टीम इंडियाचा गोलंदाज गुरनुर ब्रारने संघासाठी तीन विकेट्स घेतले, त्याच्या या प्रभावी कामगिरीच्या दरम्यान सोशल मिडियावर एक व्हिडिओ व्हायरल होत आहे यामध्ये तो न्यूझीलंडच्या फलंदाजाशी वाद घालताना दिसत आहे. न्यूझीलंडच्या फलंदाजाला टीम इंडियाचा गोलंदाज सामन्यादरम्यान फलंदाजीचा सल्ला देताना दिसला नक्की झाले काय यासंदर्भात सविस्तर वाचा.
भारत विरुद्ध न्यूझीलंड सामन्यात भारताच्या विजयासोबतच एक मजेशीर प्रसंगही घडला, ज्याचा व्हिडिओ सोशल मीडियावर वेगाने पसरत आहे. भारतीय गोलंदाज गुरनूर ब्रार आणि न्यूझीलंडचा फलंदाज ब्लेअर टिकनर यांच्यातील मैदानावरच्या शाब्दिक चकमकीने सर्वांची मने जिंकली. न्यूझीलंडच्या डावाच्या 40 व्या ओव्हरमध्ये हा गमतीशीर प्रसंग घडला. भारतीय वेगवान गोलंदाज गुरनूर ब्रार किवी फलंदाज ब्लेअर टिकनरला एकापाठोपाठ एक आखूड चेंडू टाकून त्याची परीक्षा घेत होता. पहिल्याच चेंडूवर जेव्हा टिकनरचा पुल शॉट चुकला, तेव्हा त्याने एक अतिशय मनोरंजक आणि विनोदी युक्ती अवलंबली.
हे ही वाचा
ODI मध्ये टीम इंडियाची विजयी सुरुवात, कोहलीने ठोकले अर्धशतक!
जेव्हा टिकनरचा पुल शॉट चुकला त्यानंतर गुरनूरने त्याच्याकडे पाहून, फलंदाजी कशी करावी याचे मार्गदर्शन करत असल्यासारखे काहीतरी म्हटले. टिकनरने प्रत्युत्तर दिले आणि दोघांमध्ये काही काळ शाब्दिक चकमक झाली. मात्र, पुढच्याच चेंडूवर गुरनूरने आपले कौशल्य दाखवले. त्याने टिकनरला बाद करून सामन्यातील आपली तिसरी विकेट मिळवली. अशाप्रकारे, एका जोरदार वादानंतर, या भारतीय गोलंदाजाने मैदानावर आपले वर्चस्व सिद्ध केले. हा घटनेचा व्हिडिओ सध्या सोशल मिडियावर मोठ्या प्रमाणात व्हायरल होत आहे.
सामन्याबद्दल सांगायचे झाले तर न्यूझीलंडच्या संघाने पहिले फलंदाजी केली पण संघ मोठी धावसंख्या उभारण्यात अपयशी पडला. न्यूझीलंडच्या संघ 185 धावांवर सर्वबाद झाला, भारताच्या संघाला डीएलएस मेथडनुसार 5 विकेट्सने विजयी घोषित करण्यात आले. या विजयासह भारताच्या संघाने या मालिकेमध्ये 1-0 अशी आघाडी घेतली आहे. भारत विरुद्ध न्यूझीलंड यांच्यामध्ये एकदिवसीय मालिकेचा दुसरा सामना हा 7 नोव्हेंबर रोजी खेळवला जाणार आहे.
