IPL 2027 मध्ये ही हार्दिक पांड्या मुंबई इंडियन्स सोबतच राहणार? ऑक्शनपूर्वी मोठी अपडेट समोर

IPL 2027 Hardik Pandya Mumbai Indians : आयपीएल 2027 च्या पूर्वी हार्दिक पांड्या हा मुंबई इंडियन्समधून बाहेर पडणार अशी शक्यता 19 व्या सीजनच्या मध्यापासूनच सुरु झालेली होती. मागच्या टीम सीजनपासून हार्दिक पांड्या या संघाचं नेतृत्व करत आहे. गुजरात टायटन्समधून पुन्हा मुंबई संघात आल्यावर रोहित शर्माला बाजूला करून हार्दिक पांड्याकडे कर्णधारपदाची सूत्र देण्यात आलेली होती. मात्र त्याच्या नेतृत्वात मुंबई इंडियन्सचा संघ चांगली कामगिरी करू शकला नाही. यानंतर हार्दिक पांड्या हा आयपीएल 2027 पूर्वी मुंबई इंडियन्सचा संघ सोडणार अशी माहिती समोर येत असतानाच आता मीडिया रिपोर्ट्समध्ये समोर येत असलेल्या माहितीनुसार जर मुंबईला ट्रेडमध्ये हार्दिकच्या बदल्यात कोणता योग्य खेळाडू मिळाला नाही तर हार्दिक हा पुढील सीजनसाठी सुद्धा मुंबई इंडियन्समध्येच राहू शकतो. मात्र त्याच्याकडे संघाचं नेतृत्व राहणार की नाही हे पाहणं अधिक महत्वाचं असणार आहे.

हार्दिककडून कर्णधारपद जाणार :

हार्दिक पांड्याच्या ट्रेडबाबत मुंबई इंडियन्सकडून अद्याप कोणतीही अधिकृत माहिती देण्यात आली नाही. रिपोर्ट्सनुसार हार्दिक पांड्या हा दुसऱ्या संघात जाण्याची शक्यता आहे. मात्र जर फ्रेंचायझीला योग्य असा ट्रेड प्रस्ताव मिळाला नाही तर ते हार्दिकला कायम ठेऊ शकतात. कदाचित हार्दिककडे संघाचं कर्णधारपद नसू शकतं मात्र तो संघासाठी पूर्ण योगदान देणं सुरु ठेऊ शकतो. त्याच्या भविष्याबाबत निर्णय मुंबई इंडियन्सची मॅनेजमेंट घेईल.

हेही वाचा : मुंबई इंडियन्सने ऑक्शनमध्ये 5 अनकॅप्ड खेळाडूंना खरेदी केलं, पाहा 2027 साठी MI चा संपूर्ण संघ

रोहित शर्माला पुन्हा मिळू शकतं नेतृत्व :

मुंबई इंडियन्स आगामी सीजनसाठी कोणत्या खेळाडूची निवड करते हे पाहणं महत्वाचं असणार आहे. चर्चांनुसार सध्या दोन नावं समोर येत आहेत. पहिलं म्हणजे तिलक वर्मा आणि दुसरं म्हणजे रोहित शर्मा. रोहित शर्माच्या नेतृत्वात संघाने आतापर्यंत एकूण 5 ट्रॉफी जिंकल्या आहेत तर भविष्याचा विचार करून तिलक वर्माकडे सुद्धा मुंबई इंडियन्स नेतृत्व सोपवू शकते.

कायरन पोलार्डची भूमिका महत्वाची ठरणार :

मुंबई इंडियन्सचा नवा हेड कोच असणाऱ्या कायरन पोलार्डचा संघाच्या कर्णधाराबाबतचा निर्णय अत्यंत महत्वाचा ठरेल. त्याने रोहितसोबत अनेक संघाने जिंकलेले अनेक सीजन खेळले आहेत. 2027 च्या आयपीएलनंतर होणारा मेगा ऑक्शन लक्षात घेता, मुंबई इंडियन्सला केवळ आगामी सीजनवर नाही तर भविष्यासाठी संघ उभारण्यावरही लक्ष केंद्रित करावे लागेल.