हॅरी ब्रुकने मोडला शुभमन गिलचा रेकॅार्ड, श्रीलंकेविरुद्ध सामन्यात ठोकले सर्वात जलद द्विशतक

इंग्लंड, श्रीलंका आणि पाकिस्तान यांच्यामध्ये ट्राय सिरीज खेळवली जात आहे, या मालिकेचा तिसरा एकदिवसीय सामना आज इंग्लंड विरुद्ध श्रीलंका या दोन संघामध्ये खेळवला जात आहे. या दोन संघामध्ये सध्या सामना सुरु आहे, या सामन्यात श्रीलंकेच्या संघाने नाणेफेक जिंकून पहिले गोलंदाजी करण्याचा निर्णय घेतला आणि इंग्लंडच्या संघाने पहिले फलंदाजी करत धावांचा डोंगर उभा केला. या सामन्यामध्ये इंग्लंडचा कर्णधार हॅरी ब्रुक याने या सामन्यात ऐतिहासिक कामगिरी केली आहे आणि त्याच्या नावावर नवा विक्रम प्रस्थापित केला आहे. श्रीलंकेविरुद्धच्या तिरंगी मालिकेतील सामन्यात ब्रुकने अवघ्या 114 चेंडूंमध्ये आपले द्विशतक पूर्ण केले. यासोबतच त्याने शुभमन गिलचा विश्वविक्रम मोडला.

गुरुवारी 22 ऑक्टोबर, 2026 रोजी रावळपिंडी येथे खेळल्या जाणाऱ्या सामन्यात श्रीलंकेने नाणेफेक जिंकून प्रथम गोलंदाजी करण्याचा निर्णय घेतला . ब्रुकने 116 चेंडूंमध्ये 202 धावा केल्या, त्याच्या खेळीत 21 चौकार आणि 10 षटकारांचा समावेश होता. एकदिवसीय क्रिकेटमध्ये द्विशतक झळकावणारा ब्रुक इंग्लंडचा पहिला फलंदाज ठरला. त्याच्या झंझटक्या खेळीमुळे इंग्लंडने 50 षटकांत चार गडी गमावून 429 धावांचा डोंगर उभा केला. ग्लेन मॅक्सवेलनंतर, एकदिवसीय सामन्यांमध्ये द्विशतक झळकावणारा ब्रुक हा सलामीवीर नसलेला दुसरा फलंदाज आहे. यापूर्वी शुभमन गिलच्या नावावर एकदिवसीय क्रिकेटमध्ये चेंडूंच्या संख्येनुसार सर्वात जलद द्विशतकाचा विक्रम होता. 

WOW!  Harry Brook, that was sensational. https://t.co/F7A5t0g5P5

— England Cricket (@englandcricket) October 22, 2026

हॅरी ब्रुकने 174.13 च्या स्ट्राईक रेटने धावा केल्या आहेत आणि 159 मिनिटे त्यांनी फलंदाजी केली. त्याने केलेले हे द्विशतक क्रिकेटच्या एकदिवसीय इतिहासातील सर्वात जलद द्विशतक ठरले आहे. इंग्लंडने टॉम बँटन आणि बेन डकेट यांच्यासह डावाची सुरुवात केली. बँटनने नऊ चौकारांसह 51 चेंडूंमध्ये 50 धावा केल्या. तो डुनिथ वेलालागेच्या गोलंदाजीवर बाद झाला. डकेटने 39 चेंडूंमध्ये 29 धावा केल्या आणि तोही वेलालागेच्या गोलंदाजीवर बाद झाला. इंग्लंडने 85 धावांत दोन गडी गमावले होते.

हे ही वाचा

किवीला टीम इंडियाने घरच्या मैदानावर केलं पराभूत, भारताचा 4 विकेट्सने विजय

हॅरी ब्रुक व्यतिरिक्त इंग्लंडच्या इतर फलंदाजांनीही उत्कृष्ट कामगिरी केली. विल जॅक्सने अवघ्या 30 चेंडूंमध्ये 66 धावा ठोकल्या. त्याच्या या खेळीत आठ चौकार आणि तीन षटकारांचा समावेश होता. टॉम बँटनने 51 चेंडूंमध्ये 50 धावा केल्या. ब्रुकच्या ऐतिहासिक खेळीमुळे धावांचा डोंगर उभा केला. विशेष म्हणजे, ब्रुक वगळता इतर कोणताही फलंदाज शतक पूर्ण करू शकला नाही, परंतु कर्णधाराच्या धडाकेबाज खेळीने सामन्याचे चित्र पूर्णपणे पालटून टाकले.