SOCIAL MEDIA

Newsletter

PARTNER SITES
Select Language Select State

WTC फायनलमध्ये पोहोचण्यासाठी टीम इंडियाला किती विजयाची गरज? वाचा संपूर्ण समीकरण

आता वर्ल्ड टेस्ट चॅम्पियनशीप फायनलमध्ये पोहोचण्यासाठी भारताच्या संघाला किती विजयाची गरज आहे, गुणतालिकेचे समीकरण काय यासंदर्भात सविस्तर माहिती तुम्हाला देणार आहोत.

Written By Shubhangi Mere Edited By Shubhangi Mere
Published: Nov 18, 2026, 19:00 IST | Updated: Nov 18, 2026, 19:20 IST
Join

भारतीय संघाची कसोटी मालिका काही तासांमध्ये सुरु होणार आहे, न्यूझीलंडविरुद्ध सुरु होणाऱ्या कसोटी मालिकेत टीम इंडियासमोर मोठे आव्हान असणार आहे. भारताच्या संघाला या उर्वरित सामन्यांमध्ये विजय मिळवणे गरजेचे असणार आहे. शुभमन गिलच्या नेतृत्वाखाली भारताच्या संघाची आगामी काही कसोटी सामने करो या मरो असणार आहे. टीम इंडियाला कसोटी सामने जिंकणे अनिवार्य असणार आहे, आता वर्ल्ड टेस्ट चॅम्पियनशीप फायनलमध्ये पोहोचण्यासाठी किती विजयाची गरज आहे, गुणतालिकेचे समीकरण काय यासंदर्भात सविस्तर माहिती तुम्हाला देणार आहोत.

2025-27 च्या जागतिक कसोटी चॅम्पियनशिप चक्रात टीम इंडियाची कामगिरी अपेक्षेप्रमाणे झालेली नाही, त्यामुळे आता भारताच्या संघासाठी आगामी सामने हे महत्त्वाचे असणार आहेत. टीम इंडियाने काही मोठ्या मालिका गमावल्या आहेत, ज्यामुळे त्यांचा अंतिम सामन्यापर्यंतचा मार्ग काहीसा कठीण झाला आहे. तथापि, सध्याच्या डब्ल्यूटीसी चक्रात त्यांचे अजून सात सामने शिल्लक आहेत आणि ते अंतिम सामन्यात आपले स्थान निश्चित करू शकतात. न्यूझीलंड आणि ऑस्ट्रेलियाविरुद्धची आगामी कसोटी मालिका टीम इंडियाचे भविष्य ठरवेल.

हे ही वाचा

सामन्याची वेळ बदलली, चाहत्यांना झोप मोड करावी लागणार! वाचा कधी आणि कुठे पाहता येणार Live Streaming?

जागतिक कसोटी चॅम्पियनशिपच्या सध्याच्या चक्रात भारतीय संघाचे अजून सात सामने बाकी आहेत आणि जर त्यांनी हे सर्व सामने जिंकले, तर त्यांना थेट अंतिम फेरीत प्रवेश मिळेल. जरी भारतीय संघाने सातपैकी सहा सामने जिंकले, तरीही त्यांना डब्ल्यूटीसीच्या अंतिम फेरीसाठी पात्र ठरण्याची संधी असेल. मात्र, जर भारतीय संघ दोन सामने हरला, तर भारताला इतर संघांच्या कामगिरीवर अवलंबून राहावे लागेल. भारतीय संघाची ऑस्ट्रेलियाविरुद्धची कसोटी मालिका भारतातच आहे. भारतीय संघ घरच्या मैदानावर चांगली कामगिरी करू शकतो, पण त्याआधी न्यूझीलंडविरुद्धची दोन कसोटी सामन्यांची मालिकाच भारतीय संघाचे भवितव्य ठरवेल.

जागतिक कसोटी चॅम्पियनशिप गुणतालिकेबद्दल सांगायचे झाले तर न्यूझीलंडचा संघ सध्या कसोटी गुणतालिकेमध्ये पहिल्या स्थानावर आहे तर दुसऱ्या स्थानावर दक्षिण आफ्रिकेचा संघ आहे. न्यूझीलंडचा संघ मजबूत स्थितीमध्ये आहे त्याचे 72.22 गुण आहेत तर दक्षिण आफ्रिका 71.43 गुणांसह दुसऱ्या स्थानावर आहे. ऑस्ट्रेलियाचा संघ या गुणातिलेमध्ये तिसऱ्या स्थानावर आहे ऑस्ट्रेलियाचे सध्या 69.23 गुण आहेत. भारताचा संघ 51.52 गुणांसह चौथ्या स्थानावर आहे. 

Add Zee News as a Preferred Source
TAGS:

About the Author

शुभांगी संतोष मेरे या 'झी २४ तास' डिजिटलमध्ये सब एडिटर पदावर कार्यरत असून पत्रकारिता क्षेत्रात त्यांना 3.5 वर्षांहून अधिक काळाचा अनुभव आहे. सध्या झी 24 तासमध्ये डिजिटल विभागात काम करताना विशेषतः क्रीडा क्षेत्रातील घडामोडींच्या अपडेट्स आणि विश्लेषणात्मक लेख वाचकांपर्यंत पोहोचवतात. कारकीर्दमध्ये आयसीसी वर्ल्ड कप, इंडियन प्रीमियर लीग सारख्या क्रिकेट स्पर्धा, इतर आंतरराष्ट्रीय स्पर्धा पत्रकार म्हणून कव्हर केल्या आहेत. याशिवाय मनोरंजन क्षेत्रातील काही महत्त्वाच्या बातम्या त्याचबरोबर लाईफस्टाईल आणि टेक त्राशी निगडित बातम्यांमध्ये सुद्धा त्यांचा हातखंड आहे.डिजिटल मीडियाची कारकीर्द:2023 मध्ये टाईम महाराष्ट्र मधून कामाला सुरूवात केली आहे. काही महिने मीडिया क्षेत्राचा अनुभव घेतल्यानंतर 2023 ते 2026 पर्यंत नवराष्ट्र डिजिटल येथे क्रीडा संबंधी बातम्यांवर, विश्लेषण आणि संशोधनावर काम केले आहे, नवराष्ट्र वेबसाईटसाठी 2.5 वर्ष क्रीडा क्षेत्रातील घडामोडी आवडीने मांडल्या. मागील काही वर्ष क्रीडा पत्रकारीतेमध्ये काम केल्यानंतर आता झी 24 तासमध्ये कंटेन्ट सब एडिटर म्हणून क्रीडा विभागात काम करत आहे.भारत क्रीडा पत्रकारिता ही केवळ क्रिकेट पुरतीच मर्यादीत आहे. पण मला या खेरीज टेनिस, कब्बडी, फुटबॉल, आर्चरी, कुस्ती, बॉक्सिंग या विषयात विशेष रुची आहे. या क्षेत्रातील बातम्यांवर प्रभुत्त्व मिळविण्याचा प्रयत्न सुरू आहे. शुभांगी यांना लेखनासोबतच, ट्रॅव्हलिंगची खूप आवड आहे. नवनवीन विषय, ठिकाण तेथील संस्कृती, जीवनशैली इत्यादी विषयांवर अधिकाधिक माहिती घ्यायला त्यांना विशेष रस आहे. तसेच क्रीडा क्षेत्रातही त्यांना विशेष आवड असून त्यांनी आधी स्वत: मैदानावर धावपट्टू धावल्या आहेत.शैक्षणिक पात्रताशुभांगी मेरे यांची शैक्षणिक पात्रता पाहायची झाल्यास त्यांनी बॅचलर ऑफ मास मीडिया (BMM) मध्ये पदवी घेतली असून मास्टर ऑफ आर्ट्स इन कम्युनिकेशन अँड जर्नालिझम (MACJ) असे पदव्यूत्तर शिक्षण घेतलं आहे. डिजिटल मीडियातील बदलते ट्रेंड तसेच बदलती वाचकवृत्ती लक्षात घेऊन बातमी अथवा लेखांचे सादरीकरण कशा प्रकारे करू शकतो याचा अभ्यास करून त्या आपल्या कामात काळानुरुप बदल करतात.
Read More

ZEENEWS TRENDING STORIES