वर्ल्ड कप फायनलच्या तिकिटांपेक्षा IND vs PAK सामन्याला जास्त मागणी, ICC कडे आली 8.4 मिलियन तिकिटांसाठी रिक्वेस्ट
ICC ODI World Cup 2027 Ticket : आंतरराष्ट्रीय क्रिकेट काउन्सिलच्या माहितीनुसार पुढील वर्षी 2027 मध्ये होणाऱ्या वनडे वर्ल्ड कपमधील भारत - पाकिस्तान सामन्याच्या तिकिटांची डिमांड खूप वाढली आहे. 34 हजार सीट्ससाठी जवळपास 8.4 मिलियन तिकिटांसाठी रिक्वेस्ट आली आहे.
ICC ODI World Cup 2027 Ticket : भारत विरुद्ध पाकिस्तान यांच्यात क्रिकेट सामन्याची क्रेज पुन्हा एकदा पाहायला मिळाली आहे. पुढील वर्षी होणाऱ्या वनडे वर्ल्ड कपमध्ये दोन्ही संघ १० ऑक्टोबर रोजी आमने सामने येणार आहेत. मात्र या सामन्याला पाहण्यासाठी आतापासूनच तिकिटांची जबरदस्त मागणी सुरु झाली आहे. आंतरराष्ट्रीय क्रिकेट काउन्सिलच्या नुसार या सामन्यात तिकिटांसाठी जवळपास 84 लाख रिक्वेस्ट आलेल्या आहेत. खास गोष्टी अशी की वर्ल्ड कप फायनल सामन्यासाठी सुद्धा त्याच्या त्यापेक्षा कमी रिक्वेस्ट आलेल्या आहेत.
काही हजार सीट्ससाठी लाखो रिक्वेस्ट :
भारत आणि पाकिस्तान यांच्यातील सामना जोहान्सबर्गमधील वँडरर्स स्टेडियमवर होणार आहे. या स्टेडियममध्ये सुमारे 34000 प्रेक्षक बसू शकतात, परंतु तिकिटांसाठी 84 लाखांहून अधिक अर्ज आले आहेत. याचा अर्थ असा की, सामना पाहू इच्छिणाऱ्या लोकांची संख्या स्टेडियमच्या क्षमतेपेक्षा कितीतरी पटीने जास्त आहे. विशेष म्हणजे वर्ल्ड कपच्या अंतिम सामनाही याच मैदानावर खेळवला जाणार आहे, ज्यासाठी सुमारे 80 लाख तिकिटांचे अर्ज प्राप्त झाले आहेत. आयसीसीच्या माहितीनुसार सुमारे 193 देशांतील चाहत्यांनी तिकिटांसाठी अर्ज केले आहेत. संपूर्ण स्पर्धेसाठी आतापर्यंत 12 कोटींहून अधिक तिकिटांच्या विनंत्या प्राप्त झाल्या आहेत. तिकीट अर्ज प्रक्रिया 21 नोव्हेंबरपर्यंत सुरू राहील.
हेही वाचा : सूर्यकुमार यादव KKR मध्ये जाण्याची चर्चा असतानाच समोर आला 'हा' Video, अखेर शिक्कामोर्तब
वर्ल्ड कपमध्ये एकापेक्षा जास्त वेळा होऊ शकतात भारत - पाक सामने :
वर्ल्ड कप 2027 मध्ये दोन्ही संघ हे एकापेक्षा जास्तवेळा समोरासमोर येऊ शकतात. ग्रुप स्टेजमध्ये १० ऑक्टोबर रोजी भारत - पाक सामना होणार आहे. याशिवाय जर भारत आणि पाकिस्तान 'सुपर 7' टप्प्यात पोहोचले, तर तिथे त्यांच्यात दुसऱ्यांदा सामना होऊ शकतो. इतकेच नाही तर दोन्ही संघ अंतिम फेरीपर्यंत पोहोचले, तर तिसऱ्यांदा आमनेसामने येण्याची संधीही निर्माण होईल. थोडक्यात सांगायचे तर या स्पर्धेत चाहत्यांना भारत आणि पाकिस्तान यांच्यातील एकापेक्षा जास्त सामने पाहायला मिळू शकतात.
