भारत विरुद्ध न्यूझीलंड तिसऱ्या सामन्यावर पावसाचं संकट, वेलिंग्टनमधील हवामानाचा मॅचवर कसा होणार परिणाम?

IND VS NZ : भारत विरुद्ध न्यूझीलंड यांच्यात पाच सामन्यांची टी20 सीरिज सुरु असून यातील तिसरा सामना हा 27 ऑक्टोबर मंगळवारी वेलिंग्टन येथे होणार आहे. सुरुवातीच्या दोन सामन्यात टीम इंडियाने जबरदस्त परफॉर्मन्स देऊन सामने जिंकले. हे दोन्ही सामने क्राइस्टचर्च येथे झाले, मात्र आता वेलिंग्टनमधील मैदानावर टीम इंडियाला खेळ कसा असणार हे पाहणं महत्वाच ठरणार आहे. ही सीरिज जरी पाच सामन्यांची असली तरी आधीचे दोन सामने जिंकल्याने भारताला तिसरा सामना जिंकून सीरिजमध्ये आघाडी घेण्याची संधी आहे. तर न्यूझीलंडने हा सामना जिंकल्यास ते सीरिजमध्ये पुनरागमन करू शकतात. मात्र वेलिंग्टनमधील हवामान हे दोन्ही संघांसाठी डोकेदुखी ठरू शकते.

कसं असणार हवामान?

चाहत्यांसाठी आनंदाची बातमी अशी की पावसामुळे सामना विस्कळीत होण्याची शक्यता अत्यंत कमी आहे. वेलिंग्टनमध्ये मंगळवारी सकाळी मुसळधार पावसाचा अंदाज वर्तवण्यात आला असला, तरी संध्याकाळी सामना सुरू होईपर्यंत हवामान पूर्णपणे निरभ्र होण्याची शक्यता आहे. संध्याकाळी पाऊस पडण्याची शक्यता 10 टक्क्यांपेक्षा कमी आहे. वेलिंग्टनचे प्रसिद्ध जोरदार वारे शांत असतील परंतु खेळाडूंना तीव्र थंडीचा सामना करावा लागेल.

कसं असणार सामन्याच्या दरम्यानचं तापमान?

सामन्यादरम्यान तापमान 9 से 12अंश सेल्सिअसपर्यंत खाली येऊ शकते. जर पाऊस पडला तर 'डकवर्थ-लुईस' नियमानुसार निकाल लागण्यासाठी दोन्ही संघांना किमान प्रत्येकी 5-5 ओव्हर खेळणे आवश्यक असेल. जर सामना रद्द झाला तर त्याचा फायदा भारताला होईल, कारण सीरिज गमावण्याचा धोका पूर्णपणे टळेल.

हेही वाचा : IPL 2027 पूर्वी CSK मध्ये मोठे बदल, मायकल हसी सह 5 कोचने सोडला संघ

किती वाजता सुरु होणार सामना?

भारत विरुद्ध न्यूझीलंड यांच्यात तिसरा टी20 सामना हा मंगळवार 27 ऑक्टोबर 2026 रोजी सुरु होणार आहे. वेलिंग्टनमधील स्काय स्टेडियममध्ये हा सामना खेळवला जाणार असून भारतीय प्रमाणवेळेनुसार दुपारी 12 वाजता या सामन्याला सुरुवात होणार आहे.

भारत विरुद्ध न्यूझीलंड टी20 सीरिजचं वेळापत्रक :

भारत विरुद्ध न्यूझीलंड - तिसरा सामना - 27ऑक्टोबर 
भारत विरुद्ध न्यूझीलंड - चौथा सामना - 30 ऑक्टोबर 
भारत विरुद्ध न्यूझीलंड - पाचवा सामना - 1 नोव्हेंबर

भारतीय संघ :

श्रेयस अय्यर (कर्णधार), अभिषेक शर्मा, संजू सॅमसन (विकेटकिपर), वैभव सूर्यवंशी, इशान किशन (विकेटकिपर), टिळक वर्मा (उपकर्णधार कर्णधार), अक्षर पटेल, शिवम दुबे, नितीश कुमार रेड्डी, नमन धीर, प्रिन्स यादव, मयंक यादव, अर्शदीप सिंग, भुवनेश्वर कुमार, वरूण कुमार, वरूण कुमार, अभिषेक शर्मा.