SOCIAL MEDIA

Newsletter

PARTNER SITES
Select Language Select State

विराट कोहलीचा सल्ला न ऐकून श्रेयसने स्वतः केली मनमानी, Video पाहून फॅन्स नाराज

IND VS NZ ODI : भारत विरुद्ध न्यूझीलंड यांच्यात वनडे सीरिजमधील पाचव्या सामन्यातील कर्णधार श्रेयस अय्यर आणि विराट कोहली या दोघांचा एक व्हिडीओ सोशल मीडियावर व्हायरल होतोय. या व्हिडीओमध्ये श्रेयसने विराट कोहलीला दिलेल्या वागणुकीवरून विराट फॅन्स त्याला ट्रोल करत आहेत.

Reported By pooja pawar Written By pooja pawar
Published: Nov 16, 2026, 07:52 AM IST | Updated: Nov 16, 2026, 08:43 AM IST
Image Credit: विराट कोहलीचा सल्ला न ऐकून श्रेयसने स्वतः केली मनमानी
Join

IND VS NZ ODI : भारत विरुद्ध न्यूझीलंड यांच्यात वनडे सीरिजमधील पाचवा सामना हा रविवारी 15 नोव्हेंबर रोजी खेळवला गेला. वनडे सामन्यातील एक व्हिडीओ सोशल मीडियावर व्हायरल होत आहे. ज्यामुळे फॅन्स कर्णधार श्रेयस अय्यरवर नाराज झाले असून त्याच्यावर टीका करत आहेत. सध्या व्हायरल होत असलेल्या एका व्हिडीओमध्ये श्रेयस अय्यर सामन्याच्या दरम्यान विराट कोहलीने गोलंदाजी संदर्भात दिलेल्या एका सल्ल्याकडे दुर्लक्ष करताना दिसतो. या घटनेनंतर क्रिकेट फॅन्समध्ये नाराजी असून सोशल मीडियावर ते श्रेयसच्या या वागणुकीवर टीका करत आहेत.

विराटकडे कर्णधार श्रेयसने केलं दुर्लक्ष :

सदर घटना सामन्यादरम्यान भारताची गोलंदाजी सुरु असताना ओव्हर्समध्ये झालेल्या ब्रेक दरम्यान पाहायला मिळाली. व्हिडीओमध्ये पाहायला मिळाले की श्रेयस अय्यर मैदानावर विकेटकिपर फलंदाज ईशान किशन सोबत एका विषयावर चर्चा करत होता. याच दरम्यान विराट कोहली सुद्धा या दोन खेळाडूंकडे गेला आणि असं दिसत होतं की विराट सामन्यादरम्यान कर्णधार श्रेयस अय्यरला काहीतरी सल्ला देताना दिसत होता. विराट कोहलीचं बोलणं पूर्ण होण्यापूर्वीच श्रेयस अय्यर त्याच्याकडे दुर्लक्ष करून तेथून निघून गेला. त्यानंतर विराट कोहली काहीसा नाराज दिसला. हा व्हिडीओ व्हायरल झाल्यावर विराटचे फॅन्स श्रेयस अय्यरवर टीका करत आहेत.

काय म्हणाले फॅन्स?

सोशल मीडियावर हा व्हिडीओ व्हायरल झाल्यावर विराटाचे फॅन्सनी विविध प्रतिक्रिया दिल्या. काहीजण म्हणाले की श्रेयसला कर्णधारपदाचा अहंकार आलाय. तर काही म्हणाले की विराट हा एक अनुभवी खेळाडू आहे, सामना अटीतटीचा सुरु असताना त्याचा अनुभवपूर्ण सल्ला हा श्रेयस अय्यरने ऐकायला हवा होता. तर काही फॅन्सचं मत आहे की, केवळ काही सेकंदांचा हा छोटा व्हिडिओ खेळाडूंमधील संवादाचा पूर्ण संदर्भ किंवा परिस्थिती स्पष्ट करत नाही त्यामुळे, कोणताही निष्कर्ष काढणे घाईचे ठरेल.

हेही वाचा : भारताला अंडर-19 आशिया कपमध्ये चॅम्पियन बनवणाऱ्या मोहित उल्वाला लागली लॉटरी, वरिष्ठ संघात मिळाली संधी

टीम इंडियाने जिंकली सीरिज :

भारत विरुद्ध न्यूझीलंड यांच्यात वनडे सीरिजच्या पाचव्या सामन्यात भारतीय संघाची फलंदाजी पुन्हा एकदा पट्ट्यांसारखी कोसळली. भारतीय फलंदाज केवळ 209 धावा करून ऑल आउट झाले. मात्र त्यानंतर भारतीय गोलंदाजांनी चांगली कामगिरी करून न्यूझीलंड संघाला ऑलआउट केलं आणि 22 धावांनी सामना जिंकला. पाच सामन्यांच्या सीरिजमधील तीन सामने जिंकल्यामुळे भारताने 3-1 ने आघाडी घेऊन सामना जिंकला. 

Add Zee News as a Preferred Source
TAGS:

About the Author

पूजा सुनील पवार या 'झी २४ तास' डिजिटलमध्ये सब एडिटर पदावर कार्यरत असून पत्रकारिता क्षेत्रात त्यांना 6 वर्षांहून अधिक काळाचा अनुभव आहे. प्रिंट मीडियापासून सुरु झालेला त्यांचा पत्रकारितेतील प्रवास हा टेलिव्हिजन आणि डिजिटल मीडिया पर्यंत येऊन पोहोचला आहे. सध्या त्या झी 24 तासमध्ये डिजिटल विभागात काम करताना विशेषतः क्रीडा क्षेत्रातील घडामोडींच्या अपडेट्स आणि विश्लेषणात्मक लेख वाचकांपर्यंत पोहोचवतात. पूजा पवार या बीसीसीआयच्या मान्यताप्राप्त पत्रकार असून आयसीसी वर्ल्ड कप, इंडियन प्रीमियर लीग सारख्या क्रिकेट स्पर्धा मान्यताप्राप्त पत्रकार म्हणून कव्हर केल्या आहेत. याशिवाय मनोरंजन, राजकीय, क्राईम, लाईफस्टाईल क्षेत्राशी निगडित बातम्यांमध्ये सुद्धा त्यांचा हातखंड आहे.प्रिंट मीडिया ते डिजिटल पर्यंतची कारकीर्द:पूजा यांनी 'सकाळ' वृत्तपत्रापासून त्यांच्या पत्रकारितेला सुरुवात केली. यात त्यांना सांस्कृतिक, शैक्षणिक, सामाजिक समस्या इत्यादी विषयांमध्ये फिल्ड रिपोर्टींगचा अनुभव मिळाला. त्यांनी आपल्या लेखनाच्या माध्यमातून अनेक सामाजिक समस्यांना वाचा फोडली ज्याचा इम्पॅक्ट सुद्धा प्रशासनाच्या कारभारावर पाहायला मिळाला. पूजा यांनी 'न्यूज १८ लोकमत' पासून डिजिटल पत्रकारितेत पाऊल टाकले. येथे त्यांना विशेषतः क्रीडा पत्रकारितेमध्ये भक्कम अनुभव मिळाला शिवाय मनोरंजन आणि लाईफस्टाईलशी निगडित विषयांवर देखील त्यांनी लेखन केले. त्यानंतर आता पूजा या झी २४ तास मध्ये मुख्यत्वे क्रीडा विभागासाठी काम करत आहेत.  पूजा यांना लेखनासोबतच, ट्रॅव्हलिंगची खूप आवड आहे. नवनवीन विषय, ठिकाण तेथील संस्कृती, जीवनशैली इत्यादी विषयांवर अधिकाधिक माहिती घ्यायला त्यांना विशेष रस आहे. तसेच क्रीडा क्षेत्रातही त्यांना विशेष आवड असून त्या स्वतः बॉक्स क्रिकेटमध्ये एक ऑलराऊंडर खेळाडू आहेत.शैक्षणिक पात्रतापूजा पवार यांची शैक्षणिक पात्रता पाहायची झाल्यास त्यांनी बॅचलर ऑफ मास मीडिया (BMM) मध्ये पदवी घेतली असून मास्टर ऑफ आर्ट्स इन कम्युनिकेशन अँड जर्नालिझम (MACJ) असे पदव्यूत्तर शिक्षण घेतलं आहे. शिवाय डिजिटल मार्केटिंग या विषयाचा सुद्धा त्यांचा अभ्यास आहे. डिजिटल मीडियातील बदलते ट्रेंड तसेच बदलती वाचकवृत्ती लक्षात घेऊन बातमी अथवा लेखांचे सादरीकरण कशा प्रकारे करू शकतो याचा अभ्यास करून त्या आपल्या कामात काळानुरुप बदल करतात.
Read More

ZEENEWS TRENDING STORIES