टीम इंडियासाठी गुडन्यूज! फिट झाला स्टार गोलंदाज, लवकरच न्यूझीलंडसाठी निघणार
IND VS NZ : भारताचा स्टार गोलंदाज प्रसिद्ध कृष्णा हा पुन्हा मैदानावर पुनरागमनासाठी सज्ज झालेला आहे. टेस्ट, वनडे आणि टी20 अशा तीन वनडे फॉरमॅटमध्ये खेळण्यासाठी त्याला फिट घोषित करण्यात आलं असून तो लवकरच मैदानात उतरू शकतो.
IND VS NZ : भारताचा स्टार वेगवान गोलंदाज प्रसिद्ध कृष्णाला बीसीसीआयच्या सेंटर एक्सीलेंसमधून फिट घोषित करण्यात आलं आहे. बंगळुरूमध्ये 1 आणि 2 नोव्हेंबरमध्ये झालेल्या सामन्याच्या सिम्युलेशन टेस्टमध्ये यशस्वी झाल्यावर प्रसिद्ध कृष्णाला मैदानावर पुनरागमन करण्यासाठी परवानगी दिली आहे. टेस्ट, वनडे आणि टी20 अशा तीन वनडे फॉरमॅटमध्ये खेळण्यासाठी त्याला फिट घोषित करण्यात आलं आहे.
फिट असूनही खेळणार नाही वनडे सीरिज :
पूर्णपणे तंदुरुस्त असूनही भारत विरुद्ध न्यूझीलंड विरुद्धच्या पाच सामन्यांच्या वनडे सीरिजमध्ये खेळणार नाही ही सीरिज 4 नोव्हेंबरपासून सुरू होत आहे. प्रसिद्ध कृष्णा हा लवकरच न्यूझीलंडला रवाना होऊ शकतो, जिथे 7 नोव्हेंबरपासून सुरू होणाऱ्या भारत अ आणि न्यूझीलंड अ यांच्यातील तिसऱ्या आणि अंतिम अनोफिशिअल टेस्ट सामन्यात खेळण्याचा त्याचा मानस आहे.
प्रसिद्ध कृष्णाला 30 सप्टेंबर रोजी वेस्टइंडीज विरुद्ध गुवाहाटी सामन्यात खेळवण्यात आलेल्या दुसऱ्या वनडे दरम्यान त्याला दुखापत झाली होती. तो या सामन्यात फक्त 5 ओव्हर गोलंदाजी करू शकला. त्यानंतर तो मैदानाच्या बाहेर पडला. आता त्याला हॅमस्ट्रिंगची दुखापत झालेली आहे.
हेही वाचा : सूर्यकुमार यादव KKR मध्ये जाण्याची चर्चा असतानाच समोर आला 'हा' Video, अखेर शिक्कामोर्तब
इंडिया अ सामन्यात करू शकतो पुनरागमन :
प्रसिद्धला न्यूझीलंड विरुद्ध पाच वनडे सामन्यांच्या सीरिजच्या सुरुवातीला संघात निवड करण्यात आली होती, परंतु त्याचे खेळणे हे तो पूर्णपणे तंदुरुस्त आहे की नाही, यावर अवलंबून होते. दुखातून सावरल्यानंतरही, सामन्यासाठी पूर्णपणे सज्ज होण्याकरिता आवश्यक असलेला गोलंदाजीचा सराव पूर्ण करण्यासाठी त्याला अधिक वेळेची गरज होती. याच कारणामुळे त्याला या वनडे सीरिजमधून वगळण्यात आले.
