IND vs WI निर्णायक सामन्यात कोण मारणार बाजी? कशी असेल बंगळूरुची खेळपट्टी?

भारत विरुद्ध वेस्ट इंडिज यांच्यामध्ये टी20 मालिकेचा शेवटचा आणि निर्णायक सामना आज खेळवला जाणार आहे. या मालिकेमध्ये आतापर्यत वेस्ट इंडिजच्या संघाने दोन सामने जिंकले आहेत तर भारताने दोन सामने जिंकले आहेत त्यामुळे मालिका बरोबरीत संपली आहे. पाचवा सामना दोन्ही संघासाठी महत्त्वाचा असणार आहे, दोन्ही संघ विजयाच्या उदेशाने मैदानात उतरतील. भारताच्या प्लेइंग 11 मध्ये आज बदल होण्याची शक्यता आहे कारण अर्शदीप सिंग मालिकेतून बाहेर झाला आहे त्याच्या जागेवर भुवनेश्वर कुमार संघात स्थान मिळाले आहे. आजच्या सामन्यात खेळपट्टी कशी असणार या सामन्याची लाईव्ह स्ट्रिमिंग कधी आणि कुठे पाहता येणार यासंदर्भात वाचा.

भारत विरुद्ध वेस्ट इंडिज यांच्यामध्ये 17 ऑक्टोबर रोजी सामना खेळवला जाणार आहे, या सामन्याचे आयोजन बंगळूरु येथील एम. चिन्नास्वामी स्टेडियमवर खेळला जाणार आहे. भारताचा अनुभवी गोलंदाज भुवनेश्वर कुमार टीम इंडियामध्ये पुन्हा एन्ट्री झाली आहे, भारतीय वेळेनुसार या निर्णायक सामन्याला 7.00 वाजता सुरुवात होणार आहे. तर या सामन्याच्या दोन्ही कर्णधार - श्रेयस अय्यर आणि शाई होप - नाणेफेकीसाठी अर्धा तास आधी, सायंकाळी 6.30 वाजता मैदानात उतरतील. या सामन्याचे थेट प्रक्षेपण हे सोनी स्पोर्ट्स नेटवर्कवर पाहता येणार आहे तर या सामन्याची लाईव्ह स्ट्रिमिंग ही जिओहॅाटस्टारवर चाहत्यांना पाहायला मिळणार आहे.

हे ही वाचा

न्यूझीलंड ODI अन् कसोटी मालिकेसाठी भारतीय संघाची घोषणा, विराट-रोहित पुन्हा दिसणार खेळताना!

जाणून घ्या बंगळूरुच्या खेळपट्टीचा अहवाल

भारत विरुद्ध वेस्ट इंडिज यांच्यामध्ये टी20 मालिकेचा पाचवा सामना बंगळुरूमध्ये खेळवला जाणार आहे. बंगळूरुच्या एम. चिन्नास्वामी स्टेडियमवर शेवटचा टी20 आंतरराष्ट्रीय सामना 2023-24 हंगामात झाला होता, ज्यातील दोन सामन्यांचे निकाल वेगवेगळे लागले. डिसेंबर 2023 मध्ये भारताने ऑस्ट्रेलियाविरुद्ध 160 धावांचा बचाव केला, तर एका महिन्यानंतर, 212 धावा करणाऱ्या अफगाणिस्तानला रोखण्यासाठी भारताला दोन सुपर ओव्हर्सची गरज लागली. दोन्ही सामन्यांमधील एक समान वैशिष्ट्य म्हणजे पहिल्या डावात सुरुवातीलाच विकेट्स पडणे, ज्यात भारताने 55/4 आणि 22/4 अशा स्थितीतून पुनरागमन केले.

गेल्या दोन हंगामातील आयपीएल सामन्यांमध्ये, फलंदाजीसाठी परिस्थिती अनुकूल होण्यापूर्वी, वेगवान गोलंदाजांना चांगल्या लांबीच्या थोड्या कमी लांबीच्या चेंडूंचा फायदा झाला आहे. 2025 पासून येथे खेळल्या गेलेल्या दहा आयपीएल सामन्यांपैकी सात सामने लक्ष्याचा पाठलाग करणाऱ्या संघांनी जिंकले आहेत आणि या दौऱ्यातील लक्ष्याचा पाठलाग करण्याचा हा ट्रेंड कायम राहील अशी अपेक्षा आहे. सामन्याच्या आदल्या दिवशी पाऊस पडल्याने संघांना सराव करता आला नाही आणि शनिवारी नियोजित सामन्याच्या वेळी 70% पावसाची शक्यता वर्तवण्यात आली आहे.