आशिया कपसाठी भारतीय संघात मोठा फेरबदल... रजत पाटीदार बाहेर, 'या' अनुभवी खेळाडूला मिळाले संघात स्थान
बीसीसीआयने सोशल मिडियावर आगामी स्पर्धेसाठी भारतीय संघात झालेल्या मोठ्या बदलाची घोषणा केली आहे, आता रजत पाटीदारची जागा कोण घेणार यासंदर्भात सविस्तर वाचा.
बीसीसीआयने काही दिवसांपूर्वी रायझिंग आशिया कप 2026 च्या स्पर्धेसाठी भारतीय संघाची घोषणा केली होती. तिलक वर्माच्या नेतृत्वाखाली भारताच्या संघ ही स्पर्धा खेळणार आहे तर रजत पाटीदार याला भारतीय संघाचे उपकर्णधारपद सोपवण्यात आले होते. आता बीसीसीआयने एक पोस्ट शेअर केली आहे आणि रायझिंग आशिया कप 2026 मध्ये सहभागी होणाऱ्या संघाबद्दल मोठी अपडेट दिली आहे. रजत पाटीदार याने बीसीसीआयला माहिती दिली आहे आणि दुखापतीचे कारण देत 50 षटकांच्या या स्पर्धेत सहभागी होण्यास नकार दिला आहे. रजत पाटीदारचा बदली खेळाडूची घोषणा करण्यात आली सर्व माहिती सविस्तर वाचा.
बीसीसीआयने सोशल मिडियावर एक पोस्ट शेअर केली आहे यामध्ये त्यांनी लिहीले आहे की, इंडिया 'ए' रायझिंग स्टार्स आशिया कप संघ अपडेट दिली आहे, रजत पाटीदारने बीसीसीआयला कळवले आहे की, तो त्याच्या सध्याच्या दुखापतींवर उपचार घेत असल्याने 50 षटकांच्या फॉरमॅटसाठी त्याच्या नावाचा विचार करू नये. पुढे लिहीले आहे की, रिंकू सिंगची नवीन उपकर्णधार म्हणून नियुक्ती करण्यात आली आहे तर आयुष बडोनी हा रजत पाटीदारची जागा घेणार आहे.
भारताचा संघ हा आशिया कपच्या मोहिमेला सुरुवात 20 नोव्हेंबर रोजी सुरुवात करणार आहे. टीम इंडियाचा पहिला सामना हा नेपाळविरुद्ध खेळवला जाणार आहे, तर दुसरा सामना टीम इंडियाचा पाकिस्तान ए शी होणार आहे. भारत विरुद्ध पाकिस्तान यांच्यामध्ये 22 नोव्हेंबर रोजी खेळवला जाणार आहे. स्पर्धेचा टीम इंडियाचा तिसरा सामना हा यूएईविरुद्ध खेळवला जाणार आहे.
हे ही वाचा
सेहवाग आणि द्रविड फेल, पाकिस्तानविरुद्ध शतक ठोकणार कोण आहे अर्जुन राजपूत?
आशिया कपसाठी भारत 'अ' संघाचा अपडेटेड संघ
अभिषेक शर्मा, वैभव सूर्यवंशी, प्रभसिमरन सिंग (विकेटकिपर), तिलक वर्मा (कर्णधार), रिंकू सिंग (उपकर्णधार), कुमार कुशाग्रा (विकेटकिपर), सूर्यांश शेडगे, शाहबाज अहमद, विपराज निगम, हर्ष दुबे, तनुष कोटियान, हर्षित राणा, प्रिंस यादव, अरशद खान, आयुष बडोनी