भारत विरुद्ध पाकिस्तान अंडर 19 संघाचा आज सामना सुरु आहे, या सामन्यामध्ये टीम इंडियाची निराशाजनक कामगिरी पाहायला मिळाली. भारताचा कर्णधार लक्ष्य रायचंदानी हा त्याच्या दुसऱ्याच चेंडूवर बाद झाला, त्यानंतर वीरेंद्र सेहवागचा मुलगा आर्यवीर सेहवागने टीम इंडियासाठी लहान भागीदारी केली पण तो मोठी धावसंख्या उभारु शकला नाही. आर्यवीर सेहवागने संघासाठी 22 धावांची खेळी खेळली आणि विकेट गमावला, त्यानंतर सेहवागचा मुलगा बाद झाल्यानंतर द्रविडचा मुलगा फलंदाजीला आल्यानंतर तो फार काही जास्त वेळ क्रिजवर टिकला नाही. त्याने 10 धावा केल्या आणि विकेट गमावली.
भारतीय फलंदाज पूर्णपणे डगमगल्यानंतर टीम इंडियासाठी अर्जुन राजपूतने संघासाठी कमालीची खेळी खेळली आणि त्याने संघासाठी शतक झळकावले. एके वेळी भारताची धावसंख्या 4 विकेट्स बाद 42 होती. अशा कठीण परिस्थितीत, अर्जुन राजपूत क्रीजवर आला आणि त्याने पाकिस्तानी गोलंदाजांविरुद्ध लगेचच आक्रमक पवित्रा घेतला. तो सावधपणे खेळत राहिला आणि खराब चेंडूंवरही मोठे फटके मारत राहिला. त्याच्या शानदार फलंदाजीमुळे त्याने अवघ्या 80 चेंडूंमध्ये आपले शतक पूर्ण केले.
हे ही वाचा
पंजाबमधील जालंधरचा रहिवासी असलेल्या अर्जुन राजपूतने देशांतर्गत क्रिकेटमधील आपल्या सातत्यपूर्ण कामगिरीने नाव कमावले आहे. तो डावखुरा फलंदाज असून गरजेनुसार उजव्या हाताने ऑफ-स्पिन गोलंदाजीही करतो. पंजाबच्या वयोगट क्रिकेट स्पर्धांमध्ये त्याने आपल्या फलंदाजी आणि गोलंदाजी या दोन्हीने प्रभावित केले. कूचबिहार ट्रॉफी आणि विनू मांकड ट्रॉफीमधील त्याच्या कामगिरीने निवड समितीचे लक्ष वेधून घेतले.
WHAT A WAY TO ANNOUNCE YOURSELF! Arjun Rajput has taken on the challenge, owned the occasion and conquered the big stage! A magnificent maiden hundred for India U19! Watch India vs Pakistan in the DP World Men's U19 Asia Cup, LIVE NOW on Sony Sports Network TV channels & Sony LIV. #SonySportsNetwork #SonyLIV #INDvPAK
— Sony Sports Network (@SonySportsNetwk) November 8, 2026
पाकिस्तानच्या भेदक गोलंदाजीसमोर व्ही. के. विनीत (8) आणि यशवर्धन चौहान (1) जास्त वेळ क्रीजवर टिकू शकले नाहीत. 40 चेंडू खेळलेला आर्यवीर सेहवागही 17 व्या षटकात चौकार मारण्याच्या प्रयत्नात २२ धावांवर बाद झाला. भारताने 50 धावांत 4 गडी गमावले. अन्वय द्रविडही अपयशी ठरला, तो 10 धावा करून बाद झाला. काव्या पटेलने 23 धावा केल्या. पाकिस्तानकडून अली रझा, रिझवानुल्ला आणि निकब शफीक यांनी प्रत्येकी तीन बळी घेतले. मोहम्मद सय्यामला एक बळी मिळाला.