एकिकडे भारताच्या संघाचा कसोटी सामना सुरु आहे तर भारत अ संघ आाज पाकिस्तानविरुद्ध सामना खेळणार आहे. त्याव्यतिरिक्त भारतामध्ये सय्यद मुश्ताक अली ट्रॉफीचे सामने खेळवले जात आहेत. या स्पर्धेमध्ये भारतीय संघाची कमालीची कामगिरी पाहायला मिळत आहे, आता एक खेळाडूने त्याच्या कामगिरीने सर्वांचे लक्ष वेधले आहे. टी20 क्रिकेटमध्ये हॅट्रीक घेणे हे प्रत्येक गोलंदाजाचे स्वप्न असते, पण जमशेद आलमने आपल्या पदार्पणाच्या सामन्यातच अशी कामगिरी केली की तो क्रिकेट वर्तुळात चर्चेचा विषय बनला. जमशेद आलमने सय्यद मुश्ताक अली ट्रॉफीमध्ये कशी कामगिरी केली यासंदर्भात सविस्तर वाचा.
23 वर्षीय वेगवान गोलंदाज जमशेद आलमने सय्यद मुश्ताक अली ट्रॉफीमध्ये सौराष्ट्रविरुद्ध सलग चार चेंडूंवर चार बळी घेऊन इतिहास रचला. टी20 क्रिकेटमध्ये ही कामगिरी करणारा तो तिसरा भारतीय गोलंदाज ठरला आहे. इतकेच नाही, तर त्याने अवघ्या नऊ चेंडूंमध्ये पाच बळी घेऊन आपले पदार्पण संस्मरणीय केले. पुरुष टी20 क्रिकेटमध्ये पदार्पणातच पाच बळी घेणारा तो सहावा भारतीय गोलंदाज आहे. याआधी देखील अशी कामगिरी गोलंदाजांनी केली आहे, यापूर्वी केवळ अभिमन्यू मिथुन आणि दर्शन नळकांडे यांनीच हा पराक्रम केला होता. मिथुनने 2019 च्या उपांत्य सामन्यात हरियाणाविरुद्ध कर्नाटककडून खेळताना हा पराक्रम केला होता. त्याने डावाच्या शेवटच्या षटकात पाच बळी घेतले होते.
हे ही वाचा
2021 च्या उपांत्य सामन्यामध्ये विदर्भाच्या दर्शन नळकांडेने कर्नाटकविरुद्ध सलग चार चेंडूंवर चार बळी घेतले. त्याने 4/28 अशी कामगिरी नोंदवली. मात्र, विदर्भ तो सामना चार धावांनी हरला. जमशेद आलमच्या प्रभावी गोलंदाजीमुळे सौराष्ट्रचा संघ 8 गडी गमावून 153 धावांवर बाद झाला आणि त्यांना 29 धावांनी पराभव पत्करावा लागला. यापूर्वी रेल्वेने 5 गडी गमावून 182 धावा केल्या होत्या. जयंत लखनने 47, रवी सिंगने 32 आणि झुबेर अलीने नाबाद 27 धावा केल्या. सौराष्ट्रकडून प्रेरक मानकड आणि मोहित उल्वा यांनी प्रत्येकी दोन बळी घेतले.
Railways pacer Jamshed Alam became the third bowler after Abhimanyu Mithun and Darshan Nalkande to take four wickets in four balls in the Syed Mushtaq Ali Trophy. Jamshed picked up 5/38 as Railways beat Saurashtra by 29 runs. #SMAT #SMAT2026 https://t.co/WEVR58sSRC
— Circle of Cricket (@circleofcricket) November 22, 2026
उत्तर प्रदेशचा रहिवासी असलेला जमशेद आलम हा एक उजव्या हाताचा वेगवान गोलंदाज असून तो देशांतर्गत क्रिकेटमध्ये रेल्वेचे प्रतिनिधित्व करतो. त्याने उत्तर प्रदेश टी२० लीगमध्ये मेरठ मॅव्हरिक्सकडूनही खेळला आहे. त्याने रेल्वेसाठी २३ वर्षांखालील गटात सीके नायडू ट्रॉफीमध्येही सहभाग घेतला होता. यावर्षी तो टी20 मुंबई लीगमध्ये आकाश टायगर्स एमडब्ल्यूएसकडूनही खेळला. तो सध्या सय्यद मुश्ताक अली टी20 मध्ये उत्तर प्रदेशकडून खेळत आहे.