'मी तुला माझ्या पत्नी सोबत...', LIVE मॅचमध्ये स्टार क्रिकेटरला मिळाली अश्लील ऑफर, Video Viral

SA VS AUS : दक्षिण आफ्रिका विरुद्ध ऑस्ट्रेलिया यांच्यात खेळवण्यात आलेल्या टेस्ट सीरिजच्या तिसऱ्या सामन्यात 176 धावांनी दक्षिण आफ्रिकेने विजय मिळवला. दक्षिण आफ्रिकेने फक्त सीरिज नावावर केली नाही तर टेस्ट क्रिकेटमधील ऑस्ट्रेलियाची बादशाहत सुद्धा हिसकावून घेतली. दक्षिण आफ्रिकेने 2-1 च्या आघाडीने सीरिज जिंकली आणि टेस्ट क्रिकेटमध्ये नंबर 1 चं स्थान पटकावलं. मात्र या सामन्याच्या शेवटच्या दिवशी असं दृश्य मैदानात पाहायला मिळालं ज्याचा व्हिडीओ सध्या सोशल मीडियावर व्हायरल होत आहे. फॅन्सने दक्षिण आफ्रिका ऑलराऊंडर वियान मुल्डरसाठी एक असं गाणं गायलं जे ऐकून क्रिकेटर लाजेनं लाल झाला.

क्रिकेटरला मिळाली अश्लील ऑफर व्हिडीओ व्हायरल :

वियान मुल्डरने दक्षिण आफ्रिकेच्या केपटाऊन टेस्टमध्ये मिळालेल्या विजयात अतिशय महत्वाची भूमिका निभावली. त्याने दुसऱ्या इनिंगमध्ये 115 धावा केल्या. मुल्डरने खेळलेल्या या इनिंग्सचं कौतुक फॅन्सने एक विचित्र आणि अश्लील गाणं गाऊन केलं. घडले असे की बाउंड्रीजवळ फिल्डिंग करत असताना प्रेक्षकांमधील काही चाहत्यांनी त्याला उद्देशून एक गाणे गायला सुरुवात केली. ही कृती पाहून हा क्रिकेटर हसू रोखू शकला नाही. त्याची ही प्रतिक्रिया आता सोशल मीडियावर व्हायरल झाली आहे.

व्हायरल व्हिडीओमध्ये पाहायला मिळतंय की स्टॅन्डमध्ये बसलेले फॅन्स  वियान मुल्डरसाठी एक इंग्रजी गाणं गात आहेत. याचे शब्द असे आहेत की, 'ओह वियान मुल्डर तू माझ्या आयुष्यातील माझं प्रेम आहेस. ओह वियान मुल्डर मी तुला माझ्या पत्नी सोबत झोपू देईन, ओह वियान मुल्डर मला तुझ्या सारखा लाल  केसांचं मुलं हवं आहे'.  स्पष्टपणे चाहते मुल्डरसोबत थोडी मजा करत होते. गाणे ऐकल्यावर मुल्डरची प्रतिक्रिया उमटल्याशिवाय राहिली नाही; तो हसताना आणि मान डोलवताना दिसला. यामुळे चाहते अधिकच आनंदित झाले, कारण हे गाणे गाण्यामागचा त्यांचा मुख्य उद्देशच त्या क्रिकेटपटूकडून काहीतरी प्रतिक्रिया मिळवणे हा होता.

दक्षिण आफ्रिका टेस्टमध्ये नंबर 1 वर :

दक्षिण आफ्रिका ऑस्ट्रेलिया विरुद्ध टेस्ट सामन्यापूर्वी टेस्ट रँकिंगमध्ये तिसऱ्या स्थानावर होती. केप टाऊनमधील विजयासह दक्षिण आफ्रिकेने अव्वल स्थान पटकावले आहे. ऑस्ट्रेलिया आता दुसऱ्या क्रमांकावर घसरला आहे. सध्या ऑस्ट्रेलियाकडे 124 रेटिंग पॉइंट्स आहेत, तर दक्षिण आफ्रिकेकडे 122 रेटिंग पॉइंट्स आहेत. न्यूझीलंड 106 रेटिंग पॉइंट्ससह तिसऱ्या क्रमांकावर पोहोचला आहे.