राजस्थान रॉयल्सच्या हेड कोचच्या कुटुंबासोबत गैरवर्तवणूक, क्रिकेटरने स्वतः पोस्ट करून केले गंभीर आरोप

Cricketer Kumar Sangakara Family : श्रीलंकेचा माजी कर्णधार आणि इंडियन प्रीमियर लीगमध्ये राजस्थान रॉयल्सचा हेड कोच कुमार संगकारा याच्या कुटुंबाशी गैरवर्तवणूक आणि भेदभाव झाल्याचा आरोप लावला आहे. दिग्गज क्रिकेटरच्या म्हणण्यानुसार त्याच्या कुटुंबाला गैरवागणूक देण्यात आली, तसेच धमकी दिल्याप्रमाणे संवाद साधला गेला. कुमार संगकाराने एक्स अकाउंटवर स्वतः या घटनेबाबत माहिती दिली.

कुमार संगकारा एक्सवर काय लिहिले?

कुमार संगकारा यांनी एक्सवर लिहिले की, 'डब्लिनमध्ये रायनएअरच्या गेटवरील कर्मचाऱ्यांकडून भेदभावपूर्ण वागणूक मिळाल्याचा अनुभव कोणाला आला आहे का? माझ्यासोबत आणि माझ्या कुटुंबासोबत नुकताच असा प्रकार घडला, जो अत्यंत धक्कादायक होता'.

श्रीलंकेचा माजी क्रिकेटर कुमार संगकारा म्हणाला की त्यांची बोलण्याची टोन अशी होती की जसं ते धमकी देत आहेत. त्यांनी लिहिले की, 'त्यांची बोलण्याची पद्धत, कार्यपद्धतींची चुकीच्या पद्धतीने अंमलबजावणी आणि त्यांची धमकीवजा वर्तणूक हे सर्व कोणत्याही प्रवाशासाठी पूर्णपणे अस्वीकार्य आहे.डब्लिनमधील माझा हा पहिलाच नकारात्मक अनुभव आहे'.

Has anyone experienced discriminatory gate personnel Ryanair in Dublin ? I with my family just did and it was shocking. The tone of adress and the mishandling of procedure and threatening behavior. Unacceptable for any passenger. First bad experience in Dublin

Kumar Sangakkara (KumarSanga2) October 28, 2026

हेही वाचा : WPL 2027 ऑक्शननंतर सर्व 5 संघातील खेळाडूंची संपूर्ण लिस्ट, पहा एका क्लिकवर

कुमार संगकारा कारकीर्द :

श्रीलंकेचा माजी कर्णधार कुमार संगकाराने त्याच्या आंतरराष्ट्रीय क्रिकेट कारकिर्दीत 134 टेस्ट, 404 वनडे आणि 56 टी20 सामने खेळले आहेत. त्याच्या नावावर टेस्ट क्रिकेटमध्ये 12400 धावा, एकदिवसीय सामन्यांत 14234 धावा आणि टी20 सामन्यांत 1382 धावा आहेत. त्याने टेस्ट 38 शतके आणि वनडे सामन्यांत 25 शतक ठोकली आहेत. राजस्थान रॉयल्सचे मुख्य प्रशिक्षक असलेले संगकारा यांनी आयपीएलमध्ये तीन संघांचे प्रतिनिधित्व केले आहे. आयपीएलमध्ये पहिल्या सीजनपासून ते 2010 पर्यंत कुमार संगकारा हा पंजाब किंग्ससाठी खेळला होता. त्यानंतर तो डेक्कन चार्जेससाठी खेळला. त्यानंतर दोन सीजन तो दिल्ली कॅपिटल्ससाठी खेळला आणि 2013 मध्ये सनरायजर्स हैदराबादमध्ये गेला. कुमार संगकारा 2021 ते 2024 दरम्यान राजस्थान रॉयल्सचा हेड कोच होता. त्यानंतर आयपीएल 2026 मध्ये त्याला पुन्हा एकदा अपॉईंट करण्यात आले.