W,W,W... तुषार देशपांडेची हॅट्रीक! मुंबईसाठी रचला इतिहास

मुंबईतील वानखेडे स्टेडियमवर खेळल्या गेलेल्या सामन्यात प्रथम फलंदाजी करताना मुंबईने ४२९ धावा केल्या आणि त्यानंतर तुषार देशपांडेने पाहुण्या चंदीगड संघाला धक्का दिला. दुसऱ्याच दिवशी त्याने ऐतिहासिक कामगिरी केली आहे.

Written ByShubhangi MereEdited ByShubhangi Mere

Published: Oct 12, 2026, 07:01 PM IST|Updated: Oct 12, 2026, 07:11 PM IST

join share

W,W,W... तुषार देशपांडेची हॅट्रीक! मुंबईसाठी रचला इतिहास

रणजी ट्रॅाफीच्या नव्या सिझनला सुरुवात झाली आहे, आता या स्पर्धेमध्ये काही खेळाडूंची दमदार कामगिरी पाहायला मिळाली आहे. मुंबईतील वानखेडे स्टेडियम या रणजी ट्रॅाफी सामन्याचे आयोजन करण्यात आले होते. सर्वाधिक रणजी ट्रॉफी विजेतेपदे पटकावणाऱ्या मुंबई संघाने या स्पर्धेच्या नव्या हंगामात शानदार सुरुवात केली आहे. मुंबईतील वानखेडे स्टेडियमवर खेळल्या गेलेल्या सामन्यात प्रथम फलंदाजी करताना मुंबईने ४२९ धावा केल्या आणि त्यानंतर तुषार देशपांडेने पाहुण्या चंदीगड संघाला धक्का दिला. चंदीगडने अवघ्या 37 धावांत 7 गडी गमावले, ज्यात तुषार देशपांडेने कहर करत शानदार हॅट-ट्रिक घेत इतिहास रचला. रणजी ट्रॉफीमध्ये हॅट-ट्रिक घेणारा तो मुंबईचा सहावा गोलंदाज ठरला.

मुंबईच्या तुषार देशपांडेने सामन्यावर वर्चस्व गाजवले. त्याने हॅट-ट्रिक घेत चंदीगडच्या फलंदाजांना चकित केले. देशपांडे आता रणजी ट्रॉफीमध्ये हॅट-ट्रिक घेणारा मुंबईचा सहावा गोलंदाज ठरला आहे. एक प्रकारे, देशपांडेने आपल्या देशांतर्गत क्रिकेट कारकिर्दीत इतिहास रचला आहे. आयपीएलमध्ये 2026 च्या सिझनला तो राजस्थान रॅायल्सच्या संघाकडून खेळला होता. तुषार देशपांडेच्या या ऐतिहासिक कामगिरीनंतर विरोधी संघाच्या फलंदाजांनी पूर्णपण गुडघे टेकले होते. वेगवान गोलंदाज तुषार देशपांडेच्या भेदक गोलंदाजीसमोर चंदीगडचे फलंदाज पूर्णपणे हतबल झाले होते. त्याने आपल्या सहाव्या षटकात अर्जुन आझाद, शिवम भांब्री आणि दीपेंद्र कुश यांना सलग तीन चेंडूंवर बाद करून हॅट-ट्रिक घेतली.

एका क्षणी, चंदीगडने 37 धावांत सात गडी गमावले होते. देशपांडेने आधी सलामीवीर अर्जुनला, मग शिवमला बाद केले. त्यानंतर त्याने तिसऱ्याच चेंडूवर दीपेंद्र कुशला बाद करून आपली हॅट-ट्रिक पूर्ण केली. देशपांडेने सामन्यात सात षटके गोलंदाजी करत 17 धावांत पाच बळी घेतले. त्याच्या भेदक गोलंदाजीमुळे चंदीगडचा संघ पहिल्या डावात 78 धावांवर गारद झाला. देशपांडेने पहिल्या डावात फलंदाजीनेही महत्त्वपूर्ण योगदान दिले, त्याने 47 चेंडूंमध्ये 44 धावा केल्या. फॉलो-ऑन दिल्यानंतर , मुंबईच्या 429 धावांच्या प्रत्युत्तरात चंदीगडचा संघ 75 धावांवर सर्वबाद झाला. तुषार देशपांडेने हॅट-ट्रिकसह प्रथम-श्रेणी सामन्यात सहाव्यांदा पाच बळी घेतले. मुंबईने फॉलो-ऑन दिल्यानंतर, दिवसाचा खेळ संपला तेव्हा चंदीगडने आपल्या दुसऱ्या डावात एकही धाव न काढता एक गडी गमावला होता.

मुंबईचे रणजी गोलंदाज ज्यांनी हॅट-ट्रिक घेतली

जहांगीर खोत वि बडोदा (1943-44)
उमेश कुलकर्णी विरुद्ध गुजरात (1963-64)
अब्दुल इस्माईल विरुद्ध सौराष्ट्र (1973-74)
रॉयस्टन डायस वि बिहार (2023-24)
शार्दुल ठाकूर वि मेघालय (2024-25)

Add Zee News as a Preferred Source

TAGS:

Cricket News

Sports News

About the Author

Shubhangi Mere

शुभांगी संतोष मेरे या 'झी २४ तास' डिजिटलमध्ये सब एडिटर पदावर कार्यरत असून पत्रकारिता क्षेत्रात त्यांना 3.5 वर्षांहून अधिक काळाचा अनुभव आहे. सध्या झी 24 तासमध्ये डिजिटल विभागात काम करताना विशेषतः क्रीडा क्षेत्रातील घडामोडींच्या अपडेट्स आणि विश्लेषणात्मक लेख वाचकांपर्यंत पोहोचवतात. कारकीर्दमध्ये आयसीसी वर्ल्ड कप, इंडियन प्रीमियर लीग सारख्या क्रिकेट स्पर्धा, इतर आंतरराष्ट्रीय स्पर्धा पत्रकार म्हणून कव्हर केल्या आहेत. याशिवाय मनोरंजन क्षेत्रातील काही महत्त्वाच्या बातम्या त्याचबरोबर लाईफस्टाईल आणि टेक त्राशी निगडित बातम्यांमध्ये सुद्धा त्यांचा हातखंड आहे.डिजिटल मीडियाची कारकीर्द:2023 मध्ये टाईम महाराष्ट्र मधून कामाला सुरूवात केली आहे. काही महिने मीडिया क्षेत्राचा अनुभव घेतल्यानंतर 2023 ते 2026 पर्यंत नवराष्ट्र डिजिटल येथे क्रीडा संबंधी बातम्यांवर, विश्लेषण आणि संशोधनावर काम केले आहे, नवराष्ट्र वेबसाईटसाठी 2.5 वर्ष क्रीडा क्षेत्रातील घडामोडी आवडीने मांडल्या. मागील काही वर्ष क्रीडा पत्रकारीतेमध्ये काम केल्यानंतर आता झी 24 तासमध्ये कंटेन्ट सब एडिटर म्हणून क्रीडा विभागात काम करत आहे.भारत क्रीडा पत्रकारिता ही केवळ क्रिकेट पुरतीच मर्यादीत आहे. पण मला या खेरीज टेनिस, कब्बडी, फुटबॉल, आर्चरी, कुस्ती, बॉक्सिंग या विषयात विशेष रुची आहे. या क्षेत्रातील बातम्यांवर प्रभुत्त्व मिळविण्याचा प्रयत्न सुरू आहे. शुभांगी यांना लेखनासोबतच, ट्रॅव्हलिंगची खूप आवड आहे. नवनवीन विषय, ठिकाण तेथील संस्कृती, जीवनशैली इत्यादी विषयांवर अधिकाधिक माहिती घ्यायला त्यांना विशेष रस आहे. तसेच क्रीडा क्षेत्रातही त्यांना विशेष आवड असून त्यांनी आधी स्वत: मैदानावर धावपट्टू धावल्या आहेत.शैक्षणिक पात्रताशुभांगी मेरे यांची शैक्षणिक पात्रता पाहायची झाल्यास त्यांनी बॅचलर ऑफ मास मीडिया (BMM) मध्ये पदवी घेतली असून मास्टर ऑफ आर्ट्स इन कम्युनिकेशन अँड जर्नालिझम (MACJ) असे पदव्यूत्तर शिक्षण घेतलं आहे. डिजिटल मीडियातील बदलते ट्रेंड तसेच बदलती वाचकवृत्ती लक्षात घेऊन बातमी अथवा लेखांचे सादरीकरण कशा प्रकारे करू शकतो याचा अभ्यास करून त्या आपल्या कामात काळानुरुप बदल करतात.