अंपायरच्या एका चुकीने तुटलं देवदत्त पडिक्कलचं स्वप्न; 1 धावेने मुकलं द्विशतक! पहा व्हिडिओ

भारताचा पुरुष संघ सध्या न्यूझीलंड दौऱ्यावर आहे, तर भारताचा अ संघ देखील या दौऱ्यावर न्यूझीलंड अ संघाविरुद्ध मालिका खेळत आहे. टीम इंडियाने मागील काही दिवसांपासून ही मालिका सुरु झाली आहे. पहिल्या दिवशी भारताची कामगिरी फार काही चांगली राहिली नाही पण दुसऱ्या दिवशी देवदत्त पडिक्कलने संघासाठी कमालीची कामगिरी केली पण त्याचे द्विशतक एक धावेने हुकले. 199 धावांवर देवदत्त पडिक्कल बाद झाल्यानंतर त्याचा विकेट हा वादग्रस्त ठरला आहे. भारत अ विरुद्ध न्यूझीलंड अ यांच्यामध्ये सुरु असलेल्या मालिकेमध्ये नक्की काय वाद झाला यासंदर्भात सविस्तर माहिती वाचा.

भारताचा स्टार कसोटी क्रिकेटमधील खेळाडू देवदत्त पडिक्कल मागील दोन दिवसांपासून कमालीची कामगिरी करत आहे. 199 धावांवर देवदत्त पडिक्कल हा फलंदाजी करत होता आणि यावेळी मध्यमगती गोलंदाज झॅक गिब्सनच्या गोलंदाजीवर लेग साईडला यष्टीमागे झेलबाद झाल्यामुळे पडिक्कलचे द्विशतक हुकले. जेव्हा पंचांनी बोट वर केले, तेव्हा पडिक्कलला धक्का बसला आणि चेंडू त्याच्या बॅटला लागला नसल्याचे दर्शवण्यासाठी त्याने हातवारे केले. तो तिथेच निःशब्द उभा राहिला आणि नंतर डगआऊटमध्ये परत गेला. त्यानंतर ज्याप्रकारे खेळाडू चकित झाला त्याचप्रमाणे क्रिकेट चाहते देखील थक्क होते.

हे ही वाचा

W,W,W,W,W,W,W... सारांश जैनच्या फिरकीची जादू! बिहारच्या संघाला 99 धावांवर गुंडाळलं

या सामन्यामध्ये डिसिजन रिव्ह्यू सिस्टीम (DRS) किंवा स्निकोमीटरचा वापर केला जात नव्हता, त्यामुळे पडिक्कलकडे मैदानाबाहेर जाण्याशिवाय कोणताही पर्याय नव्हता. पडिक्कलने आपल्या 248 चेंडूंच्या खेळीत 23 चौकार आणि तीन षटकार मारले. भारतीय संघात तिसऱ्या क्रमांकाच्या जागेसाठी पडिक्कलचा दावा प्रबळ आहे. श्रीलंकेत सलग दोन कसोटी शतके झळकावून पडिक्कलने तिसऱ्या क्रमांकावरील आपले स्थान जवळपास पक्के केले होते, परंतु न्यूझीलंडविरुद्धच्या दोन सामन्यांच्या मालिकेपूर्वी संघ व्यवस्थापनाला तंदुरुस्त असलेल्या साई सुदर्शनलाही संधी द्यायची होती, ज्याने प्रभावी 91 धावा केल्या. त्याने पडिक्कलसोबत तिसऱ्या विकेटसाठी 210 धावांची भागीदारी केली.

या सामन्यामध्ये सामन्याच्या तिसऱ्या दिनाच्या समाप्तीनंतर भारताच्या संघाने 284 धावांची आघाडी घेतली आहे. तिसऱ्या दिनाच्या समाप्तीनंतर टीम इंडियाने 488 धावा करत 8 विकेट्स गमावून 119 ओव्हरचा खेळ झाला आहे. या सामन्यामध्ये देवदत्त पडिक्कल व्यतिरिक्त साई सुदर्शनने 91 धावांची खेळी खेळली. तर यश राठोड याने संघासाठी 66 धावा केल्या आणि वॅाशिंग्टन सुंदरने संघासाठी 51 धावांची खेळी खेळली.