इमर्जिंग आशिया कप 2026 पहिल्या सामन्यात वैभव सूर्यवंशीला संधी मिळणार? कशी असेल भारताची Playing 11
बीसीसीआयने इमर्जिंग आशिया कप 2026 साठी एक मजबूत संघ पाठवला आहे. भारताचा संघ पहिला सामना नेपाळविरुद्ध खेळणार या सामन्यामध्ये भारतीय संघाचा प्लेइंग 11 कशी असणार यासंदर्भात सविस्तर वाचा.
एकिकडे भारताचा संघ न्यूझीलंडविरुद्ध कसोटी मालिका खेळत आहे तर भारताचा अ संघ इमर्जिंग आशिया कप 2026 खेळण्यासाठी सज्ज झाला आहे. इमर्जिंग आशिया कप 2026 टीम इंडिया तिलक वर्माच्या नेतृत्वाखाली खेळताना दिसणार आहेत, बीसीसीआयने इमर्जिंग आशिया कप 2026 साठी एक मजबूत संघ पाठवला आहे. यामध्ये अभिषेक शर्मा, वैभव सूर्यवंशी, सूर्यांश शेंडगे, तनुष कोटीयान यांसारखे मजबूत खेळाडूंचा संघामध्ये स्थान देण्यात आले आहे. भारत अ संघ ग्रुप अ मध्ये तीन सामने खेळणार आहे, भारताचा संघ पहिला सामना नेपाळविरुद्ध खेळणार या सामन्यामध्ये भारतीय संघाचा प्लेइंग 11 कशी असणार यासंदर्भात सविस्तर वाचा.
इमर्जिंग आशिया कप 2026 ही स्पर्धा एकदिवसीय म्हणजेच 50 ओव्हरच्या फॅारमॅटमध्ये खेळवली जाणार आहे. भारताच्या प्लेइंग 11 बद्दल सांगायचे झाले तर टीम इंडियाचा टी20 संघातील स्टार अभिषेक शर्माचे स्थान पक्के असेल. या स्पर्धेमध्ये अभिषेक शर्माला एकदिवसीय क्रिकेटमध्ये स्वत:ला सिद्ध करण्याची संधी असणार आहे. तर त्याच्या जोडीला वैभव सूर्यवंशीला प्लेइंग 11 मध्ये स्थान दिले जाऊ शकते. सूर्यवंशी, जो सध्या एकदिवसीय क्रिकेटमध्येही स्वतःला सिद्ध करू पाहत आहे, त्याने टी-२० संघात स्वतःला सिद्ध केले आहे. वैभवदेखील पहिल्या सामन्यात चांगली कामगिरी करण्याच्या प्रयत्नात असेल.
हे ही वाचा
धक्कादायक! ग्रीनच्या तोंडावर चेंडू लागला अन् मैदानावर कोसळला; तोंडातून रक्त येताच सोडले मैदान
आयपीएलमध्ये पंजाबच्या संघाकडून खेळणारा प्रभसिमरण सिंगला विकेटकिपर म्हणून संधी दिली जाऊ शकते. भारत अ संघासाठी प्रभसिमरनने चांगली कामगिरी केली आहे, टीम इंडियाचा कर्णधार तिलक वर्मा हा चौथ्या क्रमांकावर फलंदाजीला येऊ शकतो. पकर्णधार रिंकू सिंग पाचव्या क्रमांकावर खेळेल. रिंकू सिंग चांगल्या फॉर्ममध्ये दिसत असून त्याचे संघात पुनरागमन होण्याची दाट शक्यता आहे. आयुष बडोनीला सहाव्या क्रमांकावर खेळण्याची संधी मिळू शकते. शहबाज अहमदला फिरकी अष्टपैलू म्हणून खेळण्याची संधी दिली जाऊ शकते. संघ व्यवस्थापन सध्या विप्रज निगमपेक्षा त्याला प्राधान्य देऊ शकते. हर्ष दुबेलाही अंतिम 11 मध्ये स्थान मिळू शकते.
तनुष कोटियनलाही सध्या बेंचवरच बसावे लागू शकते. अर्शद खानला वेगवान गोलंदाजी अष्टपैलू म्हणून संधी मिळू शकते. अर्शद खानने भारत 'अ' संघासाठी सातत्याने चांगली कामगिरी केली आहे. दुखापतीतून पुनरागमन करणाऱ्या हर्षित राणालाही या सामन्यात खेळण्याची संधी मिळू शकते. वेगवान गोलंदाजी विभागात प्रिन्स यादवही दिसेल, जो एकदिवसीय सामन्यांमध्ये स्वतःला सिद्ध करण्याच्या प्रयत्नात आहे.
भारतीय अ संघाची संभाव्य प्लेइंग 11
वैभव सूर्यवंशी, अभिषेक शर्मा, प्रभसिमरन सिंह (विकेटकीपर), तिलक वर्मा (कर्णधार), रिंकू सिंह (उपकर्णधार), आयुष बदोनी, शाहबाज अहमद, हर्ष दुबे, अरशद खान, हर्षित राणा, प्रिंस यादव