SOCIAL MEDIA

Newsletter

PARTNER SITES
Select Language Select State

विराट कोहलीने पकडली फॅन्सची हुशारी, ऑटोग्राफ देण्यास दिला नकार, नेमकं काय झालं? Video व्हायरल

Virat Kohli Autograph Incident IND VS NZ : भारत विरुद्ध न्यूझीलंड यांच्यात होणाऱ्या चौथ्या सामन्याच्या आधी सराव सुरु असताना काही फॅन्स विराट कोहलीचा ऑटोग्राफ घेण्यासाठी उभे होते. मात्र विराटने त्याचा एका फॅनला ऑटोग्राफ देण्यास नकार दिला. त्याचं नेमकं कारण काय होतं याविषयी जाणून घेऊयात.

Reported By pooja pawar Written By pooja pawar
Published: Nov 13, 2026, 06:40 AM IST | Updated: Nov 13, 2026, 07:20 AM IST
Image Credit: विराट कोहलीने पकडली फॅन्सची हुशारी, ऑटोग्राफ देण्यास दिला नकार, नेमकं काय झालं? Video व्हायरल
Join

Virat Kohli Autograph Incident IND VS NZ : भारत विरुद्ध न्यूझीलंड यांच्यात पाच सामन्यांची वनडे सीरिज खेळवली जाणार आहे. यातील चौथा वनडे सामना हा शुक्रवार १३ नोव्हेंबर रोजी खेळवला जाणार आहे. यापूर्वी भारतीय संघ आदल्यादिवशी सामना होणाऱ्या माउंट माउंगानुईच्या बे ओवल मैदानावर सराव करत होते. यात रोहित विराट अशा दिग्गज स्टार खेळाडूंचा समावेश होता. सराव पूर्ण झाल्यावर अनेक फॅन्स विराट कोहलीला भेटण्यासाठी त्याचा ऑटोग्राफ घेण्यासाठी तेथे पोहोचले. काहींनी आपलं पुस्तक, कपडे, क्रिकेट बॅट, बॉल इत्यादींवर विराट कोहलीचा ऑटोग्राफ घेतला. यादरम्यान एक व्यक्ती हुशारीने विराटकडे आला आणि त्याला आपल्या एका वस्तूवर विराटचा ऑटोग्राफ हवा होता, मात्र विराटने त्यावर ऑटोग्राफ देण्यास नकार दिला.

सोशल मीडियावर व्हायरल व्हिडीओमध्ये विराट सर्व संपल्यावर आपल्या फॅन्सला ऑटोग्राफ देताना दिसत आहे. एका व्यक्तीला विराट त्याच्या टोपीवर ऑटोग्राफ देतो. त्यानंतर एक फॅन त्याच्याजवळील एक वस्तू पुढे करून विराटला त्यावर ऑटोग्राफ द्यायला सांगतो. विराट ती वस्तू काळजीपूर्वक पाहतो आणि हळूच स्मितहास्य करून त्यावस्तूवर ऑटोग्राफ न देता ती पुन्हा त्याव्यक्तीकडे सोपवतो.

विराटने ऑटोग्राफ देणं का टाळलं?

सर्वांना ऑटोग्राफ देणारा विराट कोहली एका विशिष्ट व्यक्तीला ऑटोग्राफ देण्यास का नकार देतो? सोशल मीडियावर व्हायरल होत असलेल्या एका व्हिडिओनुसार, विराटने त्या व्यक्तीला म्हटले, 'तू हा ऑटोग्राफ घेशील आणि नंतर ती वस्तू चढ्या किंमतीत विकून टाकशील'. फॅनला ज्या वस्तूवर त्याचा ऑटोग्राफ हवा होता ती वस्तू कोहलीच्या लहान पुतळ्यासारखी प्रतिकृती असल्याचे दिसते. अशा प्रकारची उत्पादने बाजारात विक्रीसाठीही उपलब्ध असतात. विराटला शंका होती की हा फॅन यावर त्याचा ऑटोग्राफ घेऊन तो पुढे चढ्या दराने विकेल, त्यामुळे विराटने त्यावर ऑटोग्राफ देण्यास नकार दिला.

हेही वाचा : IPL 2027 पूर्वी दिल्ली कॅपिटल्सला मिळणार नवा कर्णधार? अक्षर पटेल स्वतः कर्णधारपदावरून घेतोय माघार?

 

भारत न्यूझीलंड वनडे सीरिज :

भारत विरुद्ध न्यूझीलंड यांच्यात पाच सामन्यांची वनडे सीरिज  खेळवली जात असून यातील तीन सामन्यांपैकी दोन सामने हे भारताने जिंकलेत तर तिसरा सामना हा पावसामुळे रद्द झाला. त्यामुळे सध्या टीम इंडिया सीरिजमध्ये  2-0 अशा आघाडीवर आहे. तिसरा सामना पावसामुळे रद्द झाल्याने न्यूझीलंडकडे सीरिजमध्ये आघाडी घेऊन ती जिंकण्याची संधी नाहीये. मात्र उर्वरित दोन्ही सामने जिंकून न्यूझीलंड संघ सीरिजमध्ये बरोबरी साधू शकतो. तर भारताने उर्वरित दोन पैकी एक सामना जिंकून सीरिजमध्ये विजयी आघाडी घेण्याची संधी आहे.

 

Add Zee News as a Preferred Source
TAGS:

About the Author

पूजा सुनील पवार या 'झी २४ तास' डिजिटलमध्ये सब एडिटर पदावर कार्यरत असून पत्रकारिता क्षेत्रात त्यांना 6 वर्षांहून अधिक काळाचा अनुभव आहे. प्रिंट मीडियापासून सुरु झालेला त्यांचा पत्रकारितेतील प्रवास हा टेलिव्हिजन आणि डिजिटल मीडिया पर्यंत येऊन पोहोचला आहे. सध्या त्या झी 24 तासमध्ये डिजिटल विभागात काम करताना विशेषतः क्रीडा क्षेत्रातील घडामोडींच्या अपडेट्स आणि विश्लेषणात्मक लेख वाचकांपर्यंत पोहोचवतात. पूजा पवार या बीसीसीआयच्या मान्यताप्राप्त पत्रकार असून आयसीसी वर्ल्ड कप, इंडियन प्रीमियर लीग सारख्या क्रिकेट स्पर्धा मान्यताप्राप्त पत्रकार म्हणून कव्हर केल्या आहेत. याशिवाय मनोरंजन, राजकीय, क्राईम, लाईफस्टाईल क्षेत्राशी निगडित बातम्यांमध्ये सुद्धा त्यांचा हातखंड आहे.प्रिंट मीडिया ते डिजिटल पर्यंतची कारकीर्द:पूजा यांनी 'सकाळ' वृत्तपत्रापासून त्यांच्या पत्रकारितेला सुरुवात केली. यात त्यांना सांस्कृतिक, शैक्षणिक, सामाजिक समस्या इत्यादी विषयांमध्ये फिल्ड रिपोर्टींगचा अनुभव मिळाला. त्यांनी आपल्या लेखनाच्या माध्यमातून अनेक सामाजिक समस्यांना वाचा फोडली ज्याचा इम्पॅक्ट सुद्धा प्रशासनाच्या कारभारावर पाहायला मिळाला. पूजा यांनी 'न्यूज १८ लोकमत' पासून डिजिटल पत्रकारितेत पाऊल टाकले. येथे त्यांना विशेषतः क्रीडा पत्रकारितेमध्ये भक्कम अनुभव मिळाला शिवाय मनोरंजन आणि लाईफस्टाईलशी निगडित विषयांवर देखील त्यांनी लेखन केले. त्यानंतर आता पूजा या झी २४ तास मध्ये मुख्यत्वे क्रीडा विभागासाठी काम करत आहेत.  पूजा यांना लेखनासोबतच, ट्रॅव्हलिंगची खूप आवड आहे. नवनवीन विषय, ठिकाण तेथील संस्कृती, जीवनशैली इत्यादी विषयांवर अधिकाधिक माहिती घ्यायला त्यांना विशेष रस आहे. तसेच क्रीडा क्षेत्रातही त्यांना विशेष आवड असून त्या स्वतः बॉक्स क्रिकेटमध्ये एक ऑलराऊंडर खेळाडू आहेत.शैक्षणिक पात्रतापूजा पवार यांची शैक्षणिक पात्रता पाहायची झाल्यास त्यांनी बॅचलर ऑफ मास मीडिया (BMM) मध्ये पदवी घेतली असून मास्टर ऑफ आर्ट्स इन कम्युनिकेशन अँड जर्नालिझम (MACJ) असे पदव्यूत्तर शिक्षण घेतलं आहे. शिवाय डिजिटल मार्केटिंग या विषयाचा सुद्धा त्यांचा अभ्यास आहे. डिजिटल मीडियातील बदलते ट्रेंड तसेच बदलती वाचकवृत्ती लक्षात घेऊन बातमी अथवा लेखांचे सादरीकरण कशा प्रकारे करू शकतो याचा अभ्यास करून त्या आपल्या कामात काळानुरुप बदल करतात.
Read More

ZEENEWS TRENDING STORIES