दिल्ली कॅपिटल्सचा मास्टरस्ट्रोक, मुंबई इंडियन्सला 3 IPL ट्रॉफी जिंकवून देणाऱ्या दिग्गजाची एंट्री
WPL 2027 Delhi Capitals : महिला प्रीमियर लीगमध्ये आतापर्यंत जवळपास तीनवेळा दिल्ली कॅपिटल्सचा संघ फायनलमध्ये पोहोचला, मात्र एकदाही त्यांना विजेतेपद जिंकता आले नाही. तेव्हा आता आयपीएलमधील मुंबई इंडियन्सचा माजी हेड कोच असलेल्या व्यक्तीवर मोठी जबाबदारी देण्यात आलेली आहे.
WPL 2027 Mumbai Indians : महिला प्रीमियर लीगमध्ये आतापर्यंत दिल्ली कॅपिटल्सचा संघ अनेकदा फायनलमध्ये पोहोचला, मात्र त्यांना विजेतेपदाच्या ट्रॉफीने नेहमी हुलकावणी दिली. तेव्हा आता फ्रेंचायझीने पुढील सीजनच्या आधी एका अशा दिग्गजाला आपल्या सोबत जोडले आहे ज्यांचा आयपीएलमध्ये चांगला अनुभव असून मुंबई इंडियन्सला 3 आयपीएल ट्रॉफी जिंकवून देण्यात महत्वाचं योगदान दिलं आहे. श्रीलंकेचा माजी कर्णधार आणि दिग्गज फलंदाज महेला जयवर्धने आता दिल्ली कॅपिटल्सला नवी दिशा देताना दिसणार असून त्यांना आगामी सीजनसाठी दिल्ली कॅपिटल्सने डायरेक्टर ऑफ क्रिकेट म्हणून नियुक्त केलं आहे.
दिल्ली कॅपिटल्सचे सहमालक JSW आणि GMR यांनी महेला जयवर्धनेच्या नियुक्तीची अधिकृतपणे घोषणा केली. जयवर्धने हे क्रिकेट संचालनाची जबादारी सांभाळणार असून याअंतर्गत संघाची रणनीती तयार करणे, नवं टॅलेंट शोधणे, खेळाडूंसोबतच कोचिंग स्टाफच्या विकासावर काम करणं इत्यादीचा यात समावेश आहे. दिल्ली कॅपिटल्सच्या महिला संघाचा हेड कोच जोनाथन बॅटी आणि कर्णधार जेमिमा रोड्रिग्स यांच्यासोबत महेला जयवर्धने दिल्ली कॅपिटल्सची योजना पुढे नेईल.
मुंबई इंडियन्सला तीनवेळा बनवलं IPL चॅम्पियन :
महेला जयवर्धनेला सर्वात यशस्वी कोचमध्ये गणलं जातं असून मुंबई इंडियन्स सोबत त्याचा रेकॉर्ड चांगला आहे. 2017 मध्ये पहिल्यांदा महेला जयवर्धने हा मुंबई इंडियन्सचा हेड कोच झाला होता. त्याच्या मार्गदर्शनात संघाने 2017, 2019 आणि 2020 मध्ये आयपीएलचा खिताब नावावर केला आहे. या दरम्यान मुंबईने फायनलमध्ये राइजिंग पुणे सुपरजायंट, चेन्नई सुपरकिंग्स आणि दिल्ली कॅपिटल्सला पराभूत केले.
हेही वाचा : आज आशिया कपमध्ये किती वाजता सुरु होणार टीम इंडियाचा सामना? कुठे पाहता येणार? अभिषेक आणि वैभव करणार ओपनिंग
2022 मध्ये हेड कोचचं पद सोडल्यावर मुंबई इंडिन्सचा ग्लोबल हेड ऑफ परफॉर्मेंस बनवले होते. या भूमिकेत त्यांनी विविध देशांमधील लीगमध्ये खेळणाऱ्या फ्रँचायझीच्या संघांच्या क्रिकेट कामकाजावर देखरेख ठेवली. 2025 मध्ये महेला जयवर्धने पुन्हा एकदा मार्क बाउचरच्या जागी मुंबई इंडियन्सचा हेड कोच बनला. मात्र त्यांचा हा दुसरा कार्यकाळ फारसा यशस्वी ठरला नाही. 2025 मध्ये मुंबई संघ 'क्वालिफायर 2' पर्यंत पोहोचला होता. परंतु 2026 मध्ये तो नवव्या स्थानावर राहिले. त्यानंतर फ्रँचायझीने त्यांच्याशी असलेले संबंध संपवण्याचा निर्णय घेतला.