आयफोन 3 लाखांचा पण दुरुस्तीचा खर्च पाहून ग्राहकांना फुटला घाम, डिस्प्ले खराब झाल्यास मोजावे लागतील इतके लाख

अलीकडेच अॅपलने आयफोन 18 सिरीज लाँच केली आहे. iPhone 18 Pro आणि iPhone 18 Pro Max हे आपले नवे प्रीमियम स्मार्टफोन असून मार्च 2027 पर्यंत ते विक्रीसाठी उपलब्ध होण्याची शक्यता आहे. तर, अॅपलचा पहिला फोल्डेबल स्मार्टफोन आयफोन ड्युओच्या बुकिंगला सुरुवात झाली आहे. सर्वात महागडा असलेल्या या फोनच्या दुरुस्ती खर्चाबाबत सध्या जोरदार चर्चा सुरू आहे.

अॅपलचा पहिला फोल्डेबल स्मार्टफोन आयफोन ड्युओची किंमत 2 लाख 99 हजार 900  रुपये आहे. या फोनच्या किंमतीवरून आणि त्याच्या दुरुस्तीवरून सध्या जोरदार चर्चा सुरू आहे. हा फोन बिघडल्यास दुरुस्त करायचा असेल तर त्यासाठी तब्बल सवादोन लाख रुपये खर्च करावे लागतील, असे समोर आले आहे.

आयफोन ड्युओची तीन लाख रुपये किंमत पाहून आधीच ग्राहकांना घाम फुटला आहे. आता या फोनच्या दुरुस्तीसाठी लागणारा खर्च अन्य 
पाहून ग्राहकांचे डोळे पांढरे होण्याची वेळ आली आहे. विना अॅपल केअर प्लस, बाहेरचा डिस्प्ले बदलण्यासाठी 1 लाख 19 हजार 900 रुपये खर्च येऊ शकतो.

तसंच, फोनसाठी अॅपल केअर प्लस प्लॅन घ्यायचा असेल तर यासाठी एकाच वेळी 51,900 रुपये किंवा दर महिन्याला 4,709 रुपये द्यावे लागतील. जर एखादा ग्राहक आयफोन ड्युओ सोबत अॅपल केअर प्लस प्लॅन घेत असेल तर त्या ग्राहकाला एकूण खर्च 3,51,800  रुपये द्यावे लागतील. फोनला काही झाल्यास त्यासाठी 2,24,900 रुपये खर्च येईल.

iPhone Duo (आईफोन ड्युओ) हा Apple चा पहिला फोल्डेबल स्मार्टफोन आहे, जो सप्टेंबर 2026 मध्ये लाँच झाला असून भारतात याची विक्री 23 ऑक्टोबर 2026 पासून सुरू होणार आहे. iPhone Duo ची खासियत म्हणजे या फोनमध्ये कंपनीने 7.6 इंचाचा सुपर रेटिना XDR डिस्प्ले दिला आहे. इतक्या मोठ्या आकाराचा डिस्प्ले यापूर्वी कोणत्याही आयफोनमध्ये देण्यात आला नव्हता. तसंच, फोनच्या बाजूस 5.4 इंचाचा डिस्प्ले देखील देण्यात आला आहे.

iPhone Duo मध्ये ड्युअल बॅटरी सिस्टम दिली असून फिजिकल सिम स्लॉट नाही, हा फोन फक्त eSIM वर चालतो. तर  48 मेगापिक्सलचा ड्युअल कॅमेरा सेटअप (मेन आणि अल्ट्रा-वाईड लेन्स) दिला आहे. यात साइड-माउंटेड टच आयडी (Touch ID), Apple Pencil चे सपोर्ट, आणि ड्युअल 16-कोर न्यूरल इंजन आहे.