जगातील 5 सर्वात कठीण परीक्षा, ज्यात मोठं मोठे बुद्धिमानही होतात नापास

Toughest Exams : तुम्हाला जगातील अशा 5 सर्वात कठीण परीक्षांविषयी सांगणार आहोत ज्या पास करणं अनेक बुद्धिमान लोकांना देखील जमत नाही. ही केवळ उमेदवाराच्या बुद्धिमत्तेची नाही तर संयम आणि जिद्दीची सुद्धा परीक्षा असते.

Reported Bypooja pawar

Published: Oct 02, 2026, 10:54 AM IST|Updated: Oct 02, 2026, 11:41 AM IST

join share

जगातील 5 सर्वात कठीण परीक्षा, ज्यात मोठं मोठे बुद्धिमानही होतात नापास

Toughest Exams : जगातील सर्वात कठीण परीक्षा या केवळ अभ्यासच नाही तर स्टेटर्जी, टाइम मॅनेजमेंट, मेंटल प्रेशरशी लढून सुद्धा आपला आत्मविश्वास टिकवून ठेवणं खूप गरजेचं आहे. म्हणूनच ज्यांना या परीक्षांमध्ये यश मिळते त्यांना केवळ बुद्धिमानच मानले जात नाही, तर त्यांचा संयम आणि जिद्द इतरांसाठी प्रेरणादायी ठरतात. तेव्हा अशा जगातील 5 सर्वात कठीण परीक्षा कोणत्या आहेत याविषयी जाणून घेऊयात.

गाओकाओ परीक्षा :

चीनमधील राष्ट्रीय महाविद्यालय प्रवेश परीक्षा ही जगातील सर्वात कठीण परीक्षांपैकी आहे. 2025 मध्ये सुमारे 1 कोटी 33 लाख 50 हजार विद्यार्थ्यांनी ही परीक्षा दिली. चीनमधील महाविद्यालये आणि विद्यापीठांमधील प्रवेशाचे प्रमाण सुमारे 85% आहे आणि 16 लाखांहून अधिक विद्यार्थ्यांना नामांकित महाविद्यालयांमध्ये प्रवेश मिळाला आहे.

UPSC सिव्हिल सेवा परीक्षा :

UPSC सिव्हिल सेवा परीक्षा ही भारतातील सर्वात प्रतिष्ठित प्रशासकीय सेवा परीक्षा आहे. दरवर्षी जवळपास 13 लाख विद्यार्थी या यूपीएससी सीएसईसाठी अप्लिकेशन करतात, मात्र यातील सिलेक्शनची टक्केवारी 0.1 टक्के एवढीच असते. सुमारे 1000 पदांसाठी लाखो उमेदवार ही परीक्षा देतात.

जेईई एडवांस्ड :

JEE Main मध्ये पहिल्या 2.5 लाख उमेदवारांच्या यादीत स्थान मिळवणारे उमेदवार JEE Advanced साठी पात्र मानले जातात. IITs आणि इतर नामांकित अभियांत्रिकी महाविद्यालयांमधील प्रवेशासाठी ही परीक्षा उत्तीर्ण होणे आवश्यक आहे. 2025 मध्ये 1,87,223 अर्ज आले होते, 1,80,422 उमेदवार परीक्षेला बसले होते आणि 54,378 उमेदवार पात्र ठरले. याचा अर्थ यशाचे प्रमाण अंदाजे 30.1% इतके होते.

चार्टर्ड अकाउंटन्सी (CA) :

चार्टर्ड अकाउंटन्सीची परीक्षा 3 टप्प्यांमध्ये होते ज्यात सीपीटी, आयपीसीसी आणि फायनल यांचा समावेश आहे. दरवर्षी लाखो उमेदवारांपैकी केवळ काही मोजकेच उमेदवार या परीक्षेत यशस्वी होतात. साधारणपणे सीए (CA) परीक्षेचे उत्तीर्ण होण्याचे प्रमाण खूपच कमी असते. अनेक तरुण या परीक्षेच्या तयारीसाठी आपली अनेक वर्षे खर्ची घालतात.

सीएफए :

चार्टर्ड फायनान्शियल ॲनालिस्ट ही वित्त क्षेत्रातील एक आंतरराष्ट्रीय परीक्षा आहे. ही परीक्षा अमेरिकेतील एका संस्थेद्वारे आयोजित केली जाते आणि तिची परीक्षा केंद्रे जगभरात आहेत. पहिल्या पातळीसाठी उत्तीर्णतेचे प्रमाण सुमारे 45% आहे. परंतु सेकंड आणि थर्ड लेव्हलपर्यंत याचे प्रमाण कमी होते.

Add Zee News as a Preferred Source

TAGS:

About the Author

pooja pawar

पूजा सुनील पवार या 'झी २४ तास' डिजिटलमध्ये सब एडिटर पदावर कार्यरत असून पत्रकारिता क्षेत्रात त्यांना 6 वर्षांहून अधिक काळाचा अनुभव आहे. प्रिंट मीडियापासून सुरु झालेला त्यांचा पत्रकारितेतील प्रवास हा टेलिव्हिजन आणि डिजिटल मीडिया पर्यंत येऊन पोहोचला आहे. सध्या त्या झी 24 तासमध्ये डिजिटल विभागात काम करताना विशेषतः क्रीडा क्षेत्रातील घडामोडींच्या अपडेट्स आणि विश्लेषणात्मक लेख वाचकांपर्यंत पोहोचवतात. पूजा पवार या बीसीसीआयच्या मान्यताप्राप्त पत्रकार असून आयसीसी वर्ल्ड कप, इंडियन प्रीमियर लीग सारख्या क्रिकेट स्पर्धा मान्यताप्राप्त पत्रकार म्हणून कव्हर केल्या आहेत. याशिवाय मनोरंजन, राजकीय, क्राईम, लाईफस्टाईल क्षेत्राशी निगडित बातम्यांमध्ये सुद्धा त्यांचा हातखंड आहे.प्रिंट मीडिया ते डिजिटल पर्यंतची कारकीर्द:पूजा यांनी 'सकाळ' वृत्तपत्रापासून त्यांच्या पत्रकारितेला सुरुवात केली. यात त्यांना सांस्कृतिक, शैक्षणिक, सामाजिक समस्या इत्यादी विषयांमध्ये फिल्ड रिपोर्टींगचा अनुभव मिळाला. त्यांनी आपल्या लेखनाच्या माध्यमातून अनेक सामाजिक समस्यांना वाचा फोडली ज्याचा इम्पॅक्ट सुद्धा प्रशासनाच्या कारभारावर पाहायला मिळाला. पूजा यांनी 'न्यूज १८ लोकमत' पासून डिजिटल पत्रकारितेत पाऊल टाकले. येथे त्यांना विशेषतः क्रीडा पत्रकारितेमध्ये भक्कम अनुभव मिळाला शिवाय मनोरंजन आणि लाईफस्टाईलशी निगडित विषयांवर देखील त्यांनी लेखन केले. त्यानंतर आता पूजा या झी २४ तास मध्ये मुख्यत्वे क्रीडा विभागासाठी काम करत आहेत. पूजा यांना लेखनासोबतच, ट्रॅव्हलिंगची खूप आवड आहे. नवनवीन विषय, ठिकाण तेथील संस्कृती, जीवनशैली इत्यादी विषयांवर अधिकाधिक माहिती घ्यायला त्यांना विशेष रस आहे. तसेच क्रीडा क्षेत्रातही त्यांना विशेष आवड असून त्या स्वतः बॉक्स क्रिकेटमध्ये एक ऑलराऊंडर खेळाडू आहेत.शैक्षणिक पात्रतापूजा पवार यांची शैक्षणिक पात्रता पाहायची झाल्यास त्यांनी बॅचलर ऑफ मास मीडिया (BMM) मध्ये पदवी घेतली असून मास्टर ऑफ आर्ट्स इन कम्युनिकेशन अँड जर्नालिझम (MACJ) असे पदव्यूत्तर शिक्षण घेतलं आहे. शिवाय डिजिटल मार्केटिंग या विषयाचा सुद्धा त्यांचा अभ्यास आहे. डिजिटल मीडियातील बदलते ट्रेंड तसेच बदलती वाचकवृत्ती लक्षात घेऊन बातमी अथवा लेखांचे सादरीकरण कशा प्रकारे करू शकतो याचा अभ्यास करून त्या आपल्या कामात काळानुरुप बदल करतात.