'इथे आमच्या घरावर गोळ्या झाडल्या जातायंत...' रोहित शेट्टीने गोळीबाराच्या घटनेवर सोडलं मौन, गँगस्टर कल्‍चरबाबत स्पष्टच म्हणाला

Rohit Shetty : बॉलिवूडमधील सेलिब्रिटीना मागच्या काही काळात जीवानिशी मारण्याची धमकी मिळत आहे. नुकतंच बॉलिवूड अभिनेता असलेल्या टायगर श्रॉफवर कारवर गोळीबार करण्यात आला. त्यापूर्वी सलमान खान आणि रोहित शेट्टीच्या घरांवर सुद्धा गोळीबार करण्यात आलेला. यासगळ्या हल्ल्यांच्या मागे कथित रूपात लॉरेंस बिश्‍नोई गॅंगचा हात असल्याचं समोर आलं. बॉलिवूडमधील प्रसिद्ध दिग्दर्शक असलेल्या रोहित शेट्टीने 10 महिन्यांनी त्याच्या घरावर झालेल्या गोळीबाराच्या घटनेबाबत मौन सोडलं आहे. रोहित शेट्टी शनिवारी 'बिग बॉस 20' मध्ये विकेंडचा वार हा एपिसोड होस्ट करत होते. या दरम्यान स्पर्धकांशी संवाद साधताना त्यांनी आपल्या मनातील गोष्ट अप्रत्यक्षपणे व्यक्त केली. 31 जानेवारी आणि 1 फेब्रुवारीच्या मध्यरात्रीनंतर रोहित शेट्टी यांच्या निवासस्थानी गोळीबाराची एक घटना घडली.

रोहित शेट्टीने बिग बॉस 20 मध्ये सलमान खानच्या अनुपस्थितीत एक एपिसोड शूट केला. त्यांनी त्यातील स्पर्धकांना गँगस्टर सारखी प्रतिमा तयार करण्याबाबत फटकारले. त्यानेस्पर्धकांच्या वागणुकीवर आपली नाराजी व्यक्त केली. त्याने म्हटले की हे तिघे वारंवार 'काझी तौकीर' यांना लक्ष्य करत आहेत. या संदर्भात रोहितने बॉलिवूडमधील व्यक्तींशी संबंधित गोळीबाराच्या विविध घटनांचा उल्लेख करत म्हटले 'येथे आमच्या घरांवर गोळ्या झाडल्या जात आहेत आणि तुम्ही लोक गँगस्टरसारखे वागत फिरत आहात?'

रोहित शेट्टीच्या घरी सुद्धा झालेली फायरिंग :

1 फेब्रुवारी रोजी, मुंबईत रोहित शेट्टी ज्या निवासी इमारतीत राहतात, तिथे गोळीबाराची घटना घडली. मिळालेल्या माहितीनुसार, पहाटेच्या सुमारास इमारतीच्या पहिल्या मजल्यावर किमान पाच राऊंड गोळीबार करण्यात आला. यात कोणताही व्यक्ती दुखापतग्रस्त झाला नाही, मात्र या घटनेने बॉलिवूडमध्ये घाबराटीचं वातावरण पसरलं होतं. मुंबई पोलिसांनी या प्रकरणी अनेक आरोपींना अटक केली. या घटनेनंतर रोहित शेट्टीच्या सुरक्षेबाबत प्रश्न उपस्थित केले गेले होते. मात्र विषयावर या रोहित शेट्टीने सार्वजनिकरीत्या भाष्य केले नव्हते.

हेही वाचा : जीवघेणा हल्ल्यातून थोडक्यात बचावल्यानंतर टायगर श्रॉफचा मोठा निर्णय! आलिशान घरं विकलं, कितीला झाली डील?

टायगर श्रॉफच्या कारवर गोळीबार :

अभिनेता टायगर श्रॉफच्या कारवर 18 ऑक्टोबर रोजी गोळीबार करण्यात आला. संध्याकाळी 7 वाजता जुहू येथील एका विभागात ही घटना घडली. टायफार श्रॉफ हा फुटबॉल क्लबमधून बाहेर जात असताना त्याच्या कारवर गोळीबार करण्यात आला. या घटनेत अभिनेत्याच्या ड्रायव्हरला गोळी लागली आणि तो गंभीर जखमी झाला. आता टायगर श्रॉफला गंभीर दुखापत झाली नसली तरी या घटनेमुळे पुन्हा बॉलिवूड हादरलं. सध्या या प्रकरणाची तपासणी सुरु आहे.