• हिन्दीEnglishमराठीবাংলাதமிழ்മലയാളംગુજરાતીతెలుగుಕನ್ನಡଓଡ଼ିଶାZ BharatPHHBusinessWION
  • facebookyoutubetwitterwhatsapp
Zee News Marathi
  • न्यूज
  • व्हिडीओ
  • फोटो
  • व्हिडिओ रील्स
  • शहर

Add Zee Business As A Preferred Source
App
  • LIVE टीवी
  • महाराष्ट्र
  • भारत
  • विश्व
  • स्पोर्ट्स
  • मनोरंजन
  • लाइफस्टाइल
  • हेल्थ
  • धर्म
  • कामाची बातमी
  • करिअर
  • झी न्यूज मराठी
  • /विश्व
  • /दाऊदसंदर्भातील धक्कादायक खुलासे! FBI एंजटने उघड केली नवी गुपितं, तीन नवीन ठिकाणंही झाली उघड, घराखालीच मुजरा अन् कोकेन...

दाऊदसंदर्भातील धक्कादायक खुलासे! FBI एंजटने उघड केली नवी गुपितं, तीन नवीन ठिकाणंही झाली उघड, घराखालीच मुजरा अन् कोकेन...

भारतातील मोस्ट वॉण्टेड आणि अंडरवर्ल्ड डॉन दाऊद इब्राहिम याच्याबाबत एक मोठी माहिती समोर आली आहे. पाकिस्तानात त्याची एक-दोन नव्हे, तर तीन ठिकाण आहेत, जिथे तो आरामात राहत आहे.

Reported ByShivraj Yadav
Published: Nov 20, 2026, 17:51 IST|Updated: Nov 20, 2026, 17:57 IST
joinshare
दाऊदसंदर्भातील धक्कादायक खुलासे! FBI एंजटने उघड केली नवी गुपितं, तीन नवीन ठिकाणंही झाली उघड, घराखालीच मुजरा अन् कोकेन...
Image Credit: दाऊदची तीन नवी ठिकाणं झाली उघड!

About the Author

Shivraj Yadav

Shivraj Yadav

शिवराज यादव झी 24 तास डिजिटलमध्ये सीनिअर सब एडिटर म्हणून कार्यरत आहेत. राज्यासह देश, विदेशातील चालू घडामोडींसह राजकीय, गुन्हेगारी विषयांवरील लिखाण ते करतात. हे लिखाण करताना ते सखोल पद्धतीने करण्याकडे कल असतो. वाचकाला बातमी अत्यंत सहजपणे समजावी यासाठी ती समजेल अशा पद्धतीने लिहितात. याशिवाय क्रीडा, मनोरंजन यांचीही आवड असल्याने त्या क्षेत्राशी संबंधित घडामोडींवरही लिखाण करतात.करिअरशिवराज यांनी 2009 मध्ये आपल्या पत्रकारितेतील करिअरला सुरुवात केली. सर्वात आधी Fotocorp संस्थेत कॅप्शन रायटर म्हणून काम केल्यानंतर पुढील 7 वर्ष त्यांनी टीव्हीमध्ये प्रदीर्घ अनुभव घेतला. लोकमतमधून ऑनलाइन पत्रकारितेला त्यांनी सुरुवात केली. त्यानंतर लोकसत्ता आणि सध्या झी 24 तास अशाप्रकारे त्यांच्याकडे 9 वर्षांचा अनुभव आहे.शैक्षणिक पार्श्वभूमीशिवराज यादव यांनी मुंबईतच आपलं शिक्षण पूर्ण केलं. मुंबई विद्यापीठ मान्यताप्राप्त एमडी कॉलेजमध्ये त्यांनी आर्टसमधून 12 वी उत्तीर्ण केली. यानंतर पुढील 3 वर्षं BMM मधून शिक्षण घेत पत्रकारितेत पदवी घेतली. यादरम्यान बातम्यांचं जग, त्याची समाजाला असणारी गरज आणि त्याचं महत्व याबद्दल चांगली समज निर्माण झाली.लेखन शैली आणि दृष्टीकोणशिवराज यांचं म्हणणं आहे की, प्रत्येक व्यक्तीला आपल्या आजुबाजूला तसंच देश, विदेशात नेमक्या कोणत्या घडामोडी घडत आहेत हे माहिती असलं पाहिजे. ही जबाबदारी माध्यमांवर जास्त असून, त्यांनी ती अवितरपणे पार पडली पाहिजे. प्रत्येक माहिती जशीच्या तशी वाचकांपर्यंत पोहोचवताना माध्यमांच्या खांद्यावर मोठी जबाबदारी असते.कोणत्या विषयांची सखोल जाणराजकीय घडामोडीचालू घडामोडीमनोरंजनक्रीडा
Read More

ट्रेंडिंग

  • न्यूज
  • फोटो
  • व्हिडीओ
4,4,4,4,4,4,4,4,4,6,6... कुशाग्र-तिलकची खेळी भारतासाठी वरदान! टी20 चे स्टार नेपाळविरुद्ध फेल

4,4,4,4,4,4,4,4,4,6,6... कुशाग्र-तिलकची खेळी भारतासाठी वरदान! टी20 चे स्टार नेपाळविरुद्ध फेल

2

दाऊदसंदर्भातील धक्कादायक खुलासे! FBI एंजटने उघड केली नवी गुपितं, तीन नवीन ठिकाणंही झाली उघड, घराखालीच मुजरा अन् कोकेन...

3

लग्नाचे आमिष, 14 तरुणींसोबत शारीरिक संबंध अन् प्रायव्हेट व्हिडीओ...त्या सराईत आरोपीला भारतात आणण्यात CBI ला मोठं यश

4

'जर कोणी कारवाई थांबवायला फोन केला तर नाव जाहीर करणार,' अतिक्रमणविरोधी कारवाईदरम्यान पुणे आयुक्तांचा इशारा; रोज धडाडणार JCB

5

पंढरपूर राजा भिंगे हत्या प्रकरणात नवीन वळण, 9 वर्षांपूर्वीच्या नगरसेवक मित्राच्या हत्येचा बदला? काय आहे इनसाईट स्टोरी?

logo
  • contact us
  • privacy policy
  • legal
  • investor info
  • advertise with us
© 1998-2026 Indiadotcom Digital Private Limited, All Rights Reserved.

भारतातील मोस्ट वॉण्टेड आणि अंडरवर्ल्ड डॉन दाऊद इब्राहिम नेमका कुठे आहे किंवा कुठे लपला आहे? यासंदर्भात नेहमी वेगवेगळे दावे केले जातात. दाऊद इब्राहिम पाकिस्तानात लपला असून त्यांनीच त्याला आश्रय दिला असल्याचं सत्य संपूर्ण जगाला माहिती आहे. मात्र दहशतवादाला नेहमी पाठिंबा देणारा पाकिस्तान आपल्याला जणू काही माहिती नसल्यासारखंच दाखवत असतो. याआधी काही क्षणी जगासमोर बिनधास्त वावरणारा दाऊद इब्राहिम आता मात्र पाकिस्तानात कुठे लपला आहे याची नेमकी माहिती नाही. त्याच्या वेगवेगळ्या ठिकाणांची फक्त चर्चा होत असते.

यादरम्यान दाऊद इब्राहिमची ठिकाणं आणि त्याची जीवनशैली यासंदर्भात एक मोठा खुलासा झाला आहे. नुकतंच पाकिस्तानी पॉडकास्टमध्ये यासंदर्भात दावे करण्यात आले आहेत. अमेरिकन तपास संस्था एफबीआय (FBI) साठी पाकिस्तानात गुप्तहेर म्हणून काम केल्याचा दावा करणाऱ्या कामरान फरीदीने एक मोठा खुलासा केला आहे.

दाऊद इब्राहिमची तीन ठिकाणं

एका मुलाखतीत असा दावा करण्यात आला आहे की, अंडरवर्ल्ड डॉन दाऊद इब्राहिमची पाकिस्तानात तीन ठिकाणं आहेत. ज्यापैकी एक कराचीमधील '22 जमीजमा' येथे आहे. असे म्हटले जाते की, बाहेरून सामान्य दिसणाऱ्या या घरामध्ये एक साऊंडप्रूफ बेसमेंट क्लब तयार करण्यात आला आहे. या जागेचा वापर मुजरा, अमली पदार्थांचे सेवन आणि बिझनेस मीटिंगसाठी केला जातो. येथे येणाऱ्या नियमित व्यक्तींमध्ये पाकिस्तानी अधिकारी, छोटा शकील आणि फरीदी यांचा समावेश आहे.

या दाव्यांपैकी, कराचीमधील '22 जमीजमा' येथील कथित ठिकाणाने सर्वांचे लक्ष वेधून घेतलं आहे. फरीदीच्या म्हणण्यानुसार, हे बाहेरुन एक एक सामान्य निवासस्थान वाटतं, ज्यामुळे आत चाललेल्या हालचालींवर कोणालाही संशय येत नाही. असे सांगितले जाते की, तेथील अंडरवर्ल्डची कामं 'इस्लाम बाबा' नावाची व्यक्ती पाहते.

दाऊदच्या सुरक्षेची जबाबदारी कोणाची?

रिपोर्टमधील दाव्यानुसार, दाऊदच्या सुरक्षेची जबाबदारी छोटा शकीलकडे आहे. इतकंच नाही, असा दावा केला गेला आहे की दर शुक्रवारी सुरक्षेशी संबंधित अहवाल आयएसआय (ISI) मुख्यालयात जातो. दरम्यान, फरीदीच्या पॉडकास्टमध्ये एका 'फकीर'चाही उल्लेख आहे. असा आरोप आहे की दाऊद या व्यक्तीला मुंबईतून पाकिस्तानात घेऊन आला होता आणि टोळीतील सदस्य कोणतीही मोठी कृती किंवा मोहीम हाती घेण्यापूर्वी त्याची परवानगी किंवा संमती घेत असत.

दाऊद इब्राहिम आपण धार्मिक असल्याचं अनेकदा दाखवत असल्याचीही अनेकदा चर्चा होत असते. मात्र, कामरान फरीदीच्या मते, त्याच्या वैयक्तिक आयुष्याचे वास्तव पूर्णपणे वेगळं आहे. पॉडकास्टमध्ये फरीदी असा दावा करतो की, दाऊद असा व्यक्ती नाही जो दिवसातून पाच वेळा नमाज पढतो किंवा जो विशेष धार्मिक प्रवृत्तीचा आहे.

सतत नशेत असतो दाऊद

याव्यतिरिक्त, फरीदीने असा दावा केला की दाऊद मद्य आणि कोकेन या दोन्ही गोष्टींचे सेवन करायचा. तो स्वतः दाऊदसाठी मद्य विकत घेत असे. एकदा तर थायलंडमधून एक महागडी बाटली मागवण्यात आली होती, ज्याची किंमत सुमारे 1.68 लाख ते 1.78 लाख रुपयांच्या दरम्यान होती. मद्यपान सोडल्यानंतरही दाऊद कोकेनचे सेवन करत राहिला. यामध्ये 2018 मध्ये लंडनमध्ये अटक करण्यात आलेल्या दाऊदच्या जवळच्या सहकाऱ्याचा, जाबीर मोतीवाला याचाही उल्लेख आहे.

FBI च्या मोहिमेत सहभागी होता फरीदी

कामरान फरीदीच्या म्हणण्यानुसार, तो एफबीआयच्या एका मोहिमेत सहभागी होता. या मोहिमेचा उद्देश मोतीवालाला अमेरिकेत प्रत्यार्पित करणे हा होता, जेणेकरून दाऊद आणि लष्कर-ए-तैयबा यांच्यातील कथित संबंध न्यायालयात सिद्ध करता येतील. कामरान फरीदीचा दावा आहे की, आपल्या कुटुंबाच्या सुरक्षेची भीती आणि मिळालेल्या धमक्यांमुळे त्याने अमेरिकन न्यायालयात साक्ष देण्यास नकार दिला. पाकिस्तानात परतल्यावर त्याला अटक करण्यात आली आणि कारावास भोगावा लागला, तर दुसरीकडे मोतीवालाही अखेर पाकिस्तानात परतण्यात यशस्वी झाला.

हे लक्षात घेणे महत्त्वाचे आहे की, हे सर्व तपशील केवळ कामरान फरीदीच्या दाव्यांवर आधारित आहेत. जोपर्यंत या आरोपांची आणि संबंधित व्यक्तींच्या ठिकाणांची स्वतंत्र संस्था किंवा अधिकृत स्रोतांकडून पडताळणी होत नाही, तोपर्यंत याकडे केवळ 'दावे' म्हणूनच पाहिले पाहिजे. असे असले तरी, भारताच्या 'मोस्ट वॉन्टेड' फरार गुन्हेगारांशी संबंधित प्रश्न आणि चर्चा पुन्हा एकदा केंद्रस्थानी आल्या आहेत. (रिपोर्ट – झी मीडिया ब्युरो)
 

Add Zee News as a Preferred Source
TAGS:
Pakistan News
crime