आजकाल फास्टफूड खाण्याची सवय अनेकांना लागली आहे, सोशल मिडियावर देखील अनेक वेगवेगळे फास्टफूड पाहायला मिळतात. स्ट्रिटवर अनेक वडापाव, चायनीज फूड त्याचबरोबर अनेकांना आता सध्या मोमोजचा चस्का लागला आहे. मोमोज खायला कोणाला आवडत नाही, पातळ थर, चविष्ट सारण आणि मसालेदार लाल चटणी चाटात असली की मोमोज खाण्यात एक वेगळीच मजा असते. पण रोज जर आपण मैद्याचे मोमोज खाल्ल्याने आपण आपल्या आरोग्याशी खेळत आहोत असे वाटते. पण, जर तुम्हाला खरंच मोमोज खायचे असतील, तर तुम्ही रव्याचे मोमोज बनवून खाऊ शकता.
आज तुम्हाला या लेखामध्ये रव्याच्या मोमोजची रेसिपी सांगणार आहोत. रव्याचे मोमोज चवीला अगदी मैद्याच्या मोमोजसारखेच लागतात, पण ते मैद्याच्या मोमोजपेक्षा अधिक आरोग्यदायी असतात. हे मोमोज कसे आणि कोणकोणत्या साहित्यापासून तयार होतात या पदार्थाची रेसिपी सविस्तर वाचा.
रव्याचे मोमोज तयार करण्यासाठी सर्वात आधी एका भांड्यात रवा घ्या, त्यात थोडे मीठ आणि कोमट पाणी घालून पीठ मळून घ्या. पीठ मळताना पीठ मऊ आणि लवचिक असावे ही एक महत्त्वाची टीप आहे. आता ते एका ओल्या कापडाने झाकून ठेवा. जर पीठ एकत्र येत नसेल, तर तुम्ही त्यात थोडे दूध घालू शकता. त्यानंतर मोमोजचे सारण तयार करण्यासाठी सर्व भाज्या बारीक चिरुन घ्या किंवा खिसून घ्या. त्यानंतर एक पातेल्यामध्ये पाणी घालून सोया चंक्स उकळून घ्या. सोया चंक्स शिजल्यावर त्यातील सर्व पाणी पिळून काढा. त्यानंतर, सोया चंक्स वाटून त्याची पेस्ट बनवा.
हे ही वाचा
पॅनमध्ये सोया चंक्स घालून 1-2 मिनिटे शिजवा. त्यानंतर, सर्व भाज्या घालून 2 मिनिटे परता. त्या जास्त शिजू नयेत याची काळजी घ्या. चवीनुसार मीठ आणि काळी मिरी घाला. जर हे लहान मुलांसाठी नसेल, तर तुम्ही हिरव्या मिरच्यासुद्धा घालू शकता. हे मिश्रण खोलीच्या तापमानावर थंड होऊ द्या. मळलेला रव्याचा गोळा 15-20 मिनिटे बाजूला ठेवल्यानंतर, त्याचे छोटे गोळे बनवून मोमोज तयार करा. पीठ लाटून झाल्यावर त्यात सारण भरा आणि मोमोजचा आकार द्या. नंतर, मोमोज स्टीमरमध्ये ठेवून 15 ते 20 मिनिटे शिजवा. याऐवजी, तुम्ही हे मोमोज 20 मिनिटे पाण्यात उकळू शकता. उकळल्यास, पाणी गाळून घ्या आणि मोमोज वेगळे करा. तुमचे स्वादिष्ट रव्याचे मोमोज तयार आहेत.