निमोनियाकडे दुर्लक्ष करू नका! 'ही' लक्षणे दिसताच काय करावे, जाणून घ्या डॉक्टरांकडून

न्यूमोनिया या आजाराचे नाव आपण ऐकले आहे पण हा आजार नक्की कोणत्या विषाणूमुळे होते, त्याची लक्षणे कोणती आहेत यासंदर्भात फार जास्त माहिती नाही. न्यूमोनिया हा विषाणू किंवा जीवाणूंमुळे होणारा फुफ्फुसांचा एक प्रकारचा संसर्ग आहे. संसर्गामुळे होणाऱ्या मृत्यूंपैकी न्यूमोनिया हे एक प्रमुख कारण आहे. याचा सर्वाधिक परिणाम 5 वर्षांखालील मुलांवर आणि 65 वर्षांवरील वृद्धांवर होतो. या संदर्भात, नवी दिल्ली येथील एम्समधील फुफ्फुस विभागाचे सहयोगी प्राध्यापक डॉ. सौरभ मित्तल, न्यूमोनियाची लक्षणे, त्यावरील उपचार आणि तो कसा टाळता येईल हे स्पष्ट करतात. न्यूमोनियाची लक्षणे कोणकोणती आहे कोणत्या सवयींमुळे न्यूमोनिया होतो यासंदर्भात सविस्तर वाचा. 

कसा ओळखायचा न्यूमोनिया?

न्यूमोनियाची लक्षणे दिसल्यास, डॉक्टरांना भेटून तपासणी करून घेणे महत्त्वाचे आहे. तुम्हाला न्यूमोनिया आहे की नाही हे एक्स-रे आणि थुंकीच्या तपासणीतून निश्चित करता येते. त्यानंतर तुमच्या डॉक्टरांच्या सल्ल्यानुसार उपचार सुरू करता येतात.

न्यूमोनिया हा फुफ्फुसांचा एक संसर्ग आहे, जो प्रामुख्याने जीवाणू, विषाणू आणि काही प्रकरणांमध्ये बुरशीमुळे होतो. या आजारामुळे फुफ्फुसांमधील लहान हवेच्या पिशव्यांना (अल्व्हिओलाय) सूज येते. न्यूमोनिया झाल्यास, तीव्र ताप, खोकला, कफ, छातीत दुखणे, थंडी वाजणे आणि श्वास घेण्यास त्रास होणे यांसारख्या समस्या उद्भवू शकतात. काही रुग्णांना थकवा, अशक्तपणा आणि भूक न लागण्याची तक्रारही असते. संसर्ग झालेल्या व्यक्तीच्या खोकण्याने किंवा शिंकण्याने बाहेर पडणाऱ्या थुंकीच्या कणांमधून हा संसर्ग पसरू शकतो. लवकर निदान आणि योग्य उपचार आवश्यक आहेत, कारण गंभीर प्रकरणांमध्ये न्यूमोनियामुळे रक्तातील ऑक्सिजनची पातळी कमी होऊ शकते.

हे ही वाचा

थंडीच्या दिवसांत हृदयविकाराचा झटका अधिक का येतो? डॉक्टरांनी सांगितली लक्षणं

कसा टाळता येईल न्यूमोनिया

न्यूमोनिया टाळण्याचा सर्वात महत्त्वाचा मार्ग म्हणजे लसीकरण करून घेणे. इन्फ्लूएंझा आणि न्यूमोकोकल लसींमुळे न्यूमोनियाचा धोका कमी होतो. न्यूमोनिया टाळण्यासाठी दीर्घकालीन आजार असलेल्या व्यक्तींना, मुलांना आणि प्रौढांना या लसी दिल्या जातात. जर तुमच्या मुलाला दीर्घकालीन आजार, हृदयरोग, फुफ्फुसांचा आजार, यकृताचा आजार किंवा इतर कोणताही गंभीर आजार असेल, तर त्यांना न्यूमोनिया होण्याचा धोका वाढतो. अशा परिस्थितीत, न्यूमोनिया कसा टाळता येईल याबद्दल तुम्ही तुमच्या डॉक्टरांशी बोलू शकता.

लहान मुलांसाठी न्यूमोनिया ही एक गंभीर आरोग्य समस्या ठरू शकते. पाच वर्षांखालील मुलांना याचा विशेष धोका असतो, कारण त्यांची रोगप्रतिकारशक्ती पूर्णपणे विकसित झालेली नसते.

अस्वीकरण – ही बातमी केवळ सामान्य माहितीसाठी आहे. अधिक माहितीसाठी, तज्ञांचा सल्ला घ्या किंवा डॉक्टरांचा सल्ला घ्या.