उच्च रक्तदाबाचा त्रास आहे? या 7 सवयींनी रक्तदाब राहील नियंत्रणात

उच्च रक्तदाब ही एक सामान्य समस्या नाही तर एक गंभीर आरोग्याची समस्या आहे. या समस्या कोणत्याही वयामध्ये होते, त्यामुळे रक्तदाब नियंत्रणामध्ये ठेवणे गरजेचे आहे. काही काळापूर्वी जर या समस्येबद्दल विचार केला जात होता त्यावेळी ही समस्या वृद्धांमध्ये पाहायला मिळत होती पण आता ही गंभीर समस्या फक्त वृद्धांमध्येच नाही तर तरुणांमध्ये देखील मोठ्या प्रमाणात पाहायला मिळत आहे. या समस्येकडे दुर्लक्ष करणे हे तुम्हाला महागात पडू शकते,  जर तुम्हाला वाटत असेल की या समस्येकडे दुर्लक्ष करून आणि आरामशीर जीवन जगल्याने ती आपोआप बरी होईल, तर तुमचा खूप मोठा गैरसमज होईल. उच्च रक्तदाबामुळे कोणत्या समस्या होतात त्याच्यावर कोणते उपाय आहेत यासंदर्भात तुम्हाला सविस्तर सांगणार आहोत.

अनेक माध्यमांच्या वृत्तांनुसार, उच्च रक्तदाबामुळे दरवर्षी मोठ्या संख्येने लोकांचा मृत्यू होतो, कारण या वैद्यकीय समस्येचा थेट परिणाम हृदयाच्या आरोग्यावर होतो. आपल्या शरीरावर नियंत्रण कसे ठेवता येईल त्याचबरोबर रक्तदाब नियंत्रणामध्ये कसे ठेवता येईल यासंदर्भात सविस्तर तुम्हाला या लेखामध्ये सांगणार आहोत. उच्च रक्तदाब म्हणजे काय आणि तुम्ही त्यावर नियंत्रण कसे ठेवू शकता हे जाणून घेऊया.

उच्च रक्तदाब हा आजार का?

उच्च रक्तदाब ही एक अशी स्थिती आहे यामध्ये शरीरात असलेल्या धमन्यांमधील रक्तदाब सामान्यपेक्षा जास्त असतो. याला अनेकदा हायपरटेन्शन असे म्हटले जाते . कधीकधी, याची कोणतीही स्पष्ट लक्षणे दिसत नाहीत, म्हणूनच याला 'सायलेंट किलर' असेही म्हटले जाते. एखाद्याला दीर्घकाळ उच्च रक्तदाबाचा त्रास होत असेल तर हृदय, मेंदू, मूत्रपिंड आणि डोळ्यांवर परिणाम होऊ शकतो. अशावेळी नियमित तपासणी करणे गरजेचे आहे, सामान्य आणि उच्च रक्तदाब यामध्ये काय फरक आहे यासंदर्भात खालीलप्रमाणे समजून सांगा.

सामान्य रक्तदाब- 120/80 मिमी एचजी.
उच्च रक्तदाब - 130/80 मिमी एचजी.

उच्च रक्तदाबावर नियंत्रण कसे मिळवता येईल

उच्च रक्तदाबामागील तर्क असा आहे की, त्याचा चढ-उतार तुमच्यावर अवलंबून असतो. जर तुम्ही निरोगी जीवनशैली राखली, तर तुमचा रक्तदाब सामान्य राहील. मात्र, जर तुमची जीवनशैली खराब असेल, तर तो नियंत्रणाबाहेर जाईल आणि महत्त्वाच्या अवयवांवर गंभीर परिणाम करेल. रक्तदाब नियंत्रणात ठेवण्यासाठी, खालील पायऱ्यांचे नियमितपणे पालन केल्यास मदत होऊ शकते.

उच्च रक्तदाब नियंत्रणात ठेवण्याचा एक चांगला आणि सोपा मार्ग म्हणजे स्वच्छ आणि आरोग्यदायी आहार घेणे गरजेचे आहे. 
अतिरिक्त वजन हे उच्च रक्तदाबाचे एक प्रमुख कारण असू शकते.
उच्च रक्तदाबापासून सुटका मिळवण्यासाठी नियमित शारीरिक हालचाल करणे महत्त्वाचे आहे. 
धूम्रपान किंवा मद्यपानाची सवय असेल, तर त्या कमी करणे उत्तम. 
उच्च रक्तदाब कमी करण्यासाठी पुरेशी झोप घेणे आणि तणाव टाळणे आवश्यक आहे.