SOCIAL MEDIA

Newsletter

PARTNER SITES
Select Language Select State

महाराष्ट्र हादरला! दारासमोर लावलेली पणती ठरली जीवघेणी? एकाच घरातील 6 जणांचा होरपळून मृत्यू

धाराशिवमध्ये अत्यंत वाईट घटना घडली आहे. घराला लागलेल्या आगीत एकाच कुटुंबातील 6 जणांचा मृत्यू झाला आहे.

Written By Mansi Kshirsagar Edited By Mansi Kshirsagar
Published: Nov 09, 2026, 09:19 IST | Updated: Nov 09, 2026, 09:27 IST
Image Credit: dharashiv news Six people die in a house fire suspected to been caused by panti
Join

लक्ष्मीपूजन दिवाळीचा पहिला दिवस, या दिवशी घरासमोर रांगोळी अन् दिव्यांची आरास केली जाते. त्याचबरोबर मोठ्या प्रमाणात फटाक्यांची आतिषबाजीही केली जाते. धाराशिवच्या येडशीत दिवाळीच्याच दिवशी एक मोठी दुर्घटना घडली आहे. घराला आग लागून झालेल्या दुर्घटनेत सहा जणांचा दुर्दैवी मृत्यू झाला आहे. तर, एक जण मात्र सुदैवाने बचावला असल्याची प्राथमिक माहिती समोर येत आहे.

मिळालेल्या माहितीनुसार, धाराशिवमध्ये  गोविंद करंडे यांच्या घराला मध्यरात्री आग लागली. गोविंद करंडे यांचे किराणा अँड जनरल स्टोअर असे दुकान आहे. तर, त्यांचे कुटुंब किराणा दुकानाच्या वरच्या मजल्यावर ते राहतात. मध्यरात्री घराला आग लागल्याने घरात असलेल्या सहा जणांचा यामध्ये गुदमरून मृत्यू झाला.

किराणा दुकानाच्या वरच्या मजल्यावर कुटुंब राहत होते. त्यामुळे आगीतून बाहेर पडू न शकल्याने त्यांचा गुदमरून मृत्यू झाल्याची प्राथमिक माहिती आहे. तर, मध्यरात्रीपासून गावकरी आणि अग्निशामन दलाकडून आग विझवण्याचे प्रयत्न करण्यात येत होते. मात्र आगीने रौद्र रूप घेतल्याने ही भीषण घटना घडली आहे.

प्राथमिक माहितीनुसार, दिवाळीनिमित्त घरात लावलेल्या पणत्यामुळेच आग लागली असल्याची प्राथमिक माहिती समोर येतेय. मात्र आगीचे ठोस कारण अद्याप समजू शकलेलं नाही. पोलीस व अग्निशमन दल घटनास्थळी असून आग विझवण्याचे शर्तीचे प्रयत्न सुरू आहेत.

सोलार प्लांटला लागली आग

धाराशिव तालुक्यातील कवडगाव येथे अडीचशे एकर वरती असलेल्या सोलार प्लांटला लागल्याची घटना घडली आहे. 
आगीमध्ये 25 ते 30 कोटी रुपयांचं नुकसान झाल्याची प्रार्थमिक माहिती समोर येतेय. अडीचशे एकर पैकी 100 एकर वरील सोलर प्लांट जळून खाक झाला आहे. शॉर्टसर्किटमुळे आग लागून प्लांटमध्ये असलेल्या गवतामुळे आग पसरल्याची माहिती समोर येतेय. तसंच, आगीमध्ये कोणतीही जिवीतहानी झाली नाहीये.

फटाक्यांमुळं अग्नीतांडव

मुंबईत फटाक्यांच्या आतषबाजीने अनेक दुर्घटनांची नोंद झाली आहे. मुंबईत दोन दिवसांत आगीच्या 89 घटना घडल्या असून, त्यापैकी 28 घटनांना फटाके कारणीभूत ठरल्याची नोंद अग्निशमन दलाकडे झाली आहे. आगीच्या घटनांमध्ये एका व्यक्तीचा मृत्यू झाला असून, तीन जण जखमी झाले आहेत.

उच्च न्यायालयाने सार्वजनिक ठिकाणे, रस्ते, गल्ल्या आणि फुटपाथवर फटाके फोडण्यास बंदी घातली आहे. न्यायालयाच्या आदेशानंतर महापालिकेनेही मुंबईकरांना फटाके न फोडण्याचे अवाहन केले आहे. 

Add Zee News as a Preferred Source
TAGS:

About the Author

मानसी क्षीरसागर झी 24 डिजीटलमध्ये सब एडिटर म्हणून कार्यरत आहेत. त्यांन मीडिया क्षेत्राचा 10 वर्षांचा अनुभव आहे. महाराष्ट्र टाइम्स डिजीटल या वृत्तसंस्थेपासून कारकिर्दीची सुरुवात केली. राजकीय, मनोरंजन आणि जनरल बातम्यांमध्ये हातखंडा आहे. पायाभूत सुविधा म्हणजेच infrastructure, मुंबई लोकल संबंधित बातम्यांमध्ये विशेष रुची आहे. महाराष्ट्र व मुंबईतील महत्त्वाचे प्रकल्पाचे अपडेट वाचकापर्यंत पोहोचवतात.त्याचबरोबर, बातमीमागची बातमी म्हणजेच घडामोडींचा विश्लेषणात्मक कव्हरेज करण्याची विशेष आवड आहे.  गुन्हेविषयक बातम्या आणि त्याचे विश्लेषणात्मक लेख आणि त्याचा अभ्यासपूर्ण मसुदा वाचकांना समजेल अशा भाषेत लिहिण्याची विशेष आवड आहे. त्याचबरोबर, लाइफस्टाईल आणि हवामानासंदर्भातील बातम्यांमध्येसुद्धा त्यांचा विशेष हातखंडा आहे.डिजिटल मीडियातील कारकीर्दमानसी यांनी त्यांच्या कारकीर्दीची सुरुवात डिजीटल मीडियापासून केली. ग्रुम अँड ग्रो या अॅपसाठी कंटेट रायटर म्हणून काम करण्यास सुरुवात केली. त्यानंतर महाराष्ट्र टाइम्स ऑनलाइनमध्ये रुजू झाल्या.  मनोजरंन बातम्यांपासून सुरुवात केल्यानंतर जनरल बातम्या, अर्थविषयक बातम्या, क्राइम आणि लाइफस्टाईल विषयाशी निगडीत विषयांवर लिहिण्यास सुरुवात केली. मानसी या आता झी 24 तासमध्ये राजकीय, सामाजिक आणि इन्फ्रासंदर्भातील बातम्या प्रामुख्याने करतात.शैक्षणिक पात्रतामानसी क्षीरसागर यांची शैक्षणिक पात्रता पाहायची झाल्यास त्यांनी बॅचलर ऑफ मास मीडिया (BMM) मध्ये पदवी घेतली असून मास्टर ऑफ आर्ट्स इन कम्युनिकेशन अँड जर्नालिझम (MACJ) असे पदव्यूत्तर शिक्षण घेतलं आहे. शिवाय डिजिटल मार्केटिंग या विषयाचा सुद्धा त्यांचा अभ्यास आहे. डिजिटल मीडियातील बदलते ट्रेंड तसेच बदलती वाचकवृत्ती लक्षात घेऊन बातमी अथवा लेखांचे सादरीकरण कशा प्रकारे करू शकतो याचा अभ्यास करून त्या आपल्या कामात काळानुरुप बदल करतात.
Read More

ZEENEWS TRENDING STORIES