LPG गॅस सिलेंडर बुक करताय? जाणून घ्या तुमच्या शहरातील आजच्या घरगुती आणि व्यावसायिक सिलेंडरच्या किंमती

LPG Gas Cylinder Price Today : सणासुदीच्या काळात घराघरात फराळाचे पदार्थ बनवले जातात. त्यामुळे साहजिकच LPG गॅस सिलेंडर वापरकर्त्या घरात सिलेंडरची मागणी वाढते. तेव्हा 24 ऑक्टोबर 2026 रोजी घरगुती आणि व्यावसायिक सिलेंडरच्या ताज्या किंमती जाणून घ्या.

Reported Bypooja pawar

Published: Oct 24, 2026, 09:25 AM IST|Updated: Oct 24, 2026, 10:01 AM IST

join share

Image Credit: LPG गॅस सिलेंडर बुक करताय? जाणून घ्या तुमच्या शहरातील आजच्या घरगुती आणि व्यावसायिक सिलेंडरच्या किंमती

LPG Gas Cylinder Price Today : सणासुदीच्या काळात गॅस सिलेंडरचा वापर वाढतो. देशातील अनेक घरांमध्ये अन्न शिजवण्यासाठी LPG गॅस सिलेंडर वापरतात. 24 ऑक्टोबर 2026 रोजी सकाळी 6 वाजता सरकारी तेल मार्केटिंग कंपन्यांनी 14.2 किलोग्रामच्या घरगुती आणि 19 किलोग्रामच्या व्यावसायिक गॅस सिलेंडरच्या ताज्या किंमती जाहीर केल्या आहेत. तेव्हा तुमच्या शहरातील LPG गॅस सिलेंडरचे ताजे दर जाणून घ्या. ऑक्टोबर महिन्याच्या सुरुवातीला घरगुती LPG गॅस सिलेंडरच्या किंमतीत कोणतीही वाढ करण्यात आली नव्हती. मात्र व्यावसायिक गॅस सिलेंडरच्या किंमती मात्र 62.50 रुपयांनी वाढल्या होत्या.

तुमच्या शहरातील घरगुती गॅस सिलेंडरच्या (14.2 किलोग्राम) किंमती :

दिल्ली    939.50 रुपये
नोएडा    939.50 रुपये
मुंबई    941.50 रुपये
कोलकाता    968.00 रुपये
पटना    1,031.50 रुपये
बेंगलुरु    944.50 रुपये
लखनऊ    979.50 रुपये
हैदराबाद    994.00 रुपये
जयपुर    945.50 रुपये

हेही वाचा : मध्य रेल्वेच्या प्रवाशांसाठी खुशखबर! पूजा, दिवाळी आणि छठ सणानिमित्त विशेष गाड्यांची घोषणा

तुमच्या शहरातील व्यावसायिक गॅस सिलेंडरच्या (19 किलोग्राम) किंमती :

दिल्ली    2,810.00 रुपये
नोएडा    2,747.50 रुपये
मुंबई     2,764.50 रुपये
कोलकाता    2,954.00 रुपये
पटना     3,100.50 रुपये
बेंगलुरु    2,764.00 रुपये
लखनऊ    2,932.50 रुपये
हैदराबाद    3,065.00 रुपये
जयपुर    2,839.00 रुपये

दर महिन्याला किंमती बदलतात :

भारतात एलपीजी (LPG) गॅस सिलिंडरच्या किंमती दर महिन्याच्या पहिल्या तारखेला सुधारित केल्या जातात. ही सुधारणा व्यावसायिक आणि घरगुती अशा दोन्ही प्रकारच्या सिलिंडरसाठी लागू होते. इंडियन ऑइल (IOCL), बीपीसीएल (BPCL) आणि एचपीसीएल (HPCL) यांसारख्या सरकारी तेल कंपन्या दर महिन्याच्या पहिल्या तारखेला सकाळी 6: 00 वाजता नवीन किंमती जाहीर करतात. या किंमती आयात सममूल्य किंमती, चलन विनिमय दर आणि इतर विविध जागतिक घटकांच्या आधारे निश्चित केल्या जातात.

Add Zee News as a Preferred Source

TAGS:

About the Author

pooja pawar

पूजा सुनील पवार या 'झी २४ तास' डिजिटलमध्ये सब एडिटर पदावर कार्यरत असून पत्रकारिता क्षेत्रात त्यांना 6 वर्षांहून अधिक काळाचा अनुभव आहे. प्रिंट मीडियापासून सुरु झालेला त्यांचा पत्रकारितेतील प्रवास हा टेलिव्हिजन आणि डिजिटल मीडिया पर्यंत येऊन पोहोचला आहे. सध्या त्या झी 24 तासमध्ये डिजिटल विभागात काम करताना विशेषतः क्रीडा क्षेत्रातील घडामोडींच्या अपडेट्स आणि विश्लेषणात्मक लेख वाचकांपर्यंत पोहोचवतात. पूजा पवार या बीसीसीआयच्या मान्यताप्राप्त पत्रकार असून आयसीसी वर्ल्ड कप, इंडियन प्रीमियर लीग सारख्या क्रिकेट स्पर्धा मान्यताप्राप्त पत्रकार म्हणून कव्हर केल्या आहेत. याशिवाय मनोरंजन, राजकीय, क्राईम, लाईफस्टाईल क्षेत्राशी निगडित बातम्यांमध्ये सुद्धा त्यांचा हातखंड आहे.प्रिंट मीडिया ते डिजिटल पर्यंतची कारकीर्द:पूजा यांनी 'सकाळ' वृत्तपत्रापासून त्यांच्या पत्रकारितेला सुरुवात केली. यात त्यांना सांस्कृतिक, शैक्षणिक, सामाजिक समस्या इत्यादी विषयांमध्ये फिल्ड रिपोर्टींगचा अनुभव मिळाला. त्यांनी आपल्या लेखनाच्या माध्यमातून अनेक सामाजिक समस्यांना वाचा फोडली ज्याचा इम्पॅक्ट सुद्धा प्रशासनाच्या कारभारावर पाहायला मिळाला. पूजा यांनी 'न्यूज १८ लोकमत' पासून डिजिटल पत्रकारितेत पाऊल टाकले. येथे त्यांना विशेषतः क्रीडा पत्रकारितेमध्ये भक्कम अनुभव मिळाला शिवाय मनोरंजन आणि लाईफस्टाईलशी निगडित विषयांवर देखील त्यांनी लेखन केले. त्यानंतर आता पूजा या झी २४ तास मध्ये मुख्यत्वे क्रीडा विभागासाठी काम करत आहेत. पूजा यांना लेखनासोबतच, ट्रॅव्हलिंगची खूप आवड आहे. नवनवीन विषय, ठिकाण तेथील संस्कृती, जीवनशैली इत्यादी विषयांवर अधिकाधिक माहिती घ्यायला त्यांना विशेष रस आहे. तसेच क्रीडा क्षेत्रातही त्यांना विशेष आवड असून त्या स्वतः बॉक्स क्रिकेटमध्ये एक ऑलराऊंडर खेळाडू आहेत.शैक्षणिक पात्रतापूजा पवार यांची शैक्षणिक पात्रता पाहायची झाल्यास त्यांनी बॅचलर ऑफ मास मीडिया (BMM) मध्ये पदवी घेतली असून मास्टर ऑफ आर्ट्स इन कम्युनिकेशन अँड जर्नालिझम (MACJ) असे पदव्यूत्तर शिक्षण घेतलं आहे. शिवाय डिजिटल मार्केटिंग या विषयाचा सुद्धा त्यांचा अभ्यास आहे. डिजिटल मीडियातील बदलते ट्रेंड तसेच बदलती वाचकवृत्ती लक्षात घेऊन बातमी अथवा लेखांचे सादरीकरण कशा प्रकारे करू शकतो याचा अभ्यास करून त्या आपल्या कामात काळानुरुप बदल करतात.

न्यूज़
फोटो
व्हिडीओ

'पैशांमुळे आम्हाला नाटकातून वेगळं केलं', रोहन अन् केतकीला 'आमने सामने' नाटकातून तडकाफडकी काढलं

मोठी बातमी! 'कर्मचारी विशेष' लोकल कायमची बंद करणार किंवा...; ठाणे स्टेशनवरील कर्मचाऱ्यांच्या मुजोरपणानंतर रेल्वेकडून 2 पर्यायांवर विचार सुरु