एकनाथ शिंदे यांचे नाव घेत असिम सरोदे यांचा अत्यंत खळबळजनक दावा; शिवसेना सत्तासंघर्षाच्या सुनावणीत धक्कादायक ट्विस्ट
एकनाथ शिंदे यांचे नाव घेत असिम सरोदे यांचा अत्यंत खळबळजनक दावा केला आहे. शिंदेंच्या वकिलांचे आरोप असीम सरोदे यांनी फेटाळले आहेत. शिवसेना सत्तासंघर्षाच्या सुनावणीदरम्यान मोठ्या राजकीय घडामोडी घडणार असल्याचे संकेत देखील असीम सरोदे यांनी दिले आहेत.
असीम सरोदे : शिवसेना पक्ष आणि चिन्ह कोणाचं? यावर सुप्रीम कोर्टात सुनावणी पार पडली. यावेळी एकनाथ शिंदेंचे वकील धृव मेहता यांनी बाजू मांडताना जोरदार युक्तिवाद केला. ठाकरेंनी दिलेल्या पुराव्यांमध्ये फेरफार केल्याचा आरोप शिंदेंच्या वकिलांनी केला. एकनाथ शिंदे यांच्या वतीने बाजू मांडताना वकिल ध्रुव मेहता यांनी जो युक्तीवाद केला तेव्हा जी माहिती दिली ती दिशाभूल करणारी असल्याचा खळबळजनक आरोप वकिल असीम सरोदे यांनी केला. या आरोपांमुळे शिवसेना सत्तासंघर्षाच्या सुनावणीत धक्कादायक ट्विस्ट येणरा आहे. शिवसेना सत्तासंघर्षावर सुनावणी सुरू आहे. ही सुनावणी होत असताना राजकीय घडामोडींना वेग येणार असल्याचेही असीम सरोदे म्हणाले.
शिंदे गटाच्या वकिलांनी केलेला युक्तीवाद कायदेशीर चौकटी मध्ये न बसणार आहे. पक्षातील मतभिन्नता म्हणजे पक्षांतर नव्हे असं सांगण्याचा प्रयत्न मेहता यांनी केला आहे. प्रत्यक्ष अपात्र करण्यासाठी योग्य कारण नाहीत अस सांगण्याचा ही प्रयत्न झाला. ही सुधा दिशा भुल करणारी माहिती आहे. एकनाथ शिंदे आणि फुटीर आमदार यांनी पक्षांतर केलंच नाही असं त्यांचं म्हणणं आहे. विधान परिषदेच्या निवडणुकीत पक्षादेश डावलून या सर्वांनी भाजपच्या उमेदवाराला मतदान केलं. पक्षाच्या आदेशाच्या विरोधात त्यांनी क्रॉस वोटिंग केलं. याच क्षणी त्यांनी पक्ष विरोधी कारवाई केली आहे त्यामुळे इथेच ते अपात्र ठरतात. त्यामुळे ध्रुव मेहता खूप नंतरचे मुद्दे मांडत आहेत. उध्दव ठाकरे हे पक्षाचे संचालक आणि प्रमुख होते हे कोणीच अमान्य करू शकत नाही असं असीम सरोदे म्हणाले.
विधान परिषद निवडणुकीत पक्षादेश डावलून केलेल्या क्रॉस वोटिंग मुळेच एकनाथ शिंदे सह त्यांच्यासोबत गेलेल्या आमदारांनी पक्ष सोडला हे स्पष्ट आहे. नार्वेकर यांना उद्धव ठाकरे यांनी गुवाहाटीला पाठवलं याचा अर्थ ते पक्षाचे प्रमुख आहेत आणि ते समिट घडू इच्छित आहेत. पक्ष विरोधी कारवाई केली म्हणूनच एकनाथ शिंदे यांनी आपला फोन बंद करून ठेवला होता. स्वतः गेल्यानंतर काही आमदारांना आमिष दाखवून तिथं बोलावलं गेलं हा राजकीय भ्रष्टाचाराचा भाग आहे. संवाद साधण्यासाठी काही जणांना पाठवण्याचा प्रयत्न उद्धव ठाकरे यांनी केला हा त्यांच्या मनाचा मोठेपणा आहे.
21 जून 2022 रोजी विधिमंडळ पक्षाची जी बैठक बोलावली होती त्याबद्दल देखील आक्षेप अविश्वास ध्रुव मेहता यांनी व्यक्त केला आहे. एकनाथ शिंदे यांना पक्षातून निलंबित केल्याचा जो ठराव केला होता त्यावर संजय राठोड उदय सामंत आणि दादा भुसे या महत्त्वाच्या नेत्यांच्या सह्या आहेत.
राहुल नार्वेकरांनी या तिघांची साक्षर घेतली नाही असं ध्रुव मेहता यांचं म्हणणं आहे. हे प्रकरण सुरू असताना या तिघांपैकी एकाने सह्या केल्या असल्याचं अमान्य केलं नाही. या तिघांनाही मान्य आहे की या सह्या आपल्याच आहेत. याचाही उल्लेख या क्षणी न्यायालयात करणे पुरेस नाही. एकनाथ शिंदे आणि त्यांच्यासोबत गेलेल्या आमदारांनी कोणताही वेगळा गट स्थापन केला नाही किंवा दुसऱ्या पक्षात गेले नाहीत.
राजकीय दरोडेखोरी
निवडणूक आयोगाला हाताशी धरून पक्ष चिन्ह आणि नाव एकनाथ शिंदे यांना देण्यात आलं. एक राजकीय दरोडेखोरी महाराष्ट्रात झाली. यात दरोडेखोराची भूमिका एकनाथ शिंदेंनी बजावली आहे. एकनाथ शिंदे आणि त्याच्यासोबत गेलेले आमदारांचा कार्यकाळ संपला असला तरी पक्षांतर बंदीच्या अंमलबजावणीसाठी न्यायालयाचा निर्णय महत्त्वाचा ठरणार आहे. संविधान हे अकॅडमी आहे असं फक्त वकिलांना वाटत असेल तर हा दुःखद भाग आहे.
ध्रुव मेहता यांनी आज मांडलेले सगळे मुद्दे खोडून काढता येण्यासारखे आहेत. मेहता यांचे मुद्दे तदन आणि खोडून काढता येण्यासारखे आहेत. संविधानाच्या बाजूने संविधानाच्या चौकटीत आणि लोकशाही वाचवण्यासाठी निर्णय द्यायचा असेल तर तो उद्धव ठाकरे यांच्या बाजूनेच लागेल.