SOCIAL MEDIA

Newsletter

PARTNER SITES
Select Language Select State

शायना एनसींनी फाडला बाळासाहेबांचा फोटो! भाजपाची शिंदेंच्या शिवसेनेविरोधात आक्रमक भूमिका, 'बाळासाहेबांवर समस्त हिंदू...'

सोनिया गांधींच्या नव्या पुस्तकाचा निषेध करताना उपमुख्यमंत्री एकनाथ शिंदेंच्या शिवसेनेच्या उपनेत्यांनी पुस्तकातली पानं फाडली. मात्र त्यासोबतच एक फोटो फाडताना शायना एनसी यांच्याकडून झालेल्या चुकीवरुन भाजपानेही नाराजी व्यक्त केली आहे.

Reported By Swapnil Ghangale Written By Swapnil Ghangale
Published: Nov 18, 2026, 13:45 IST | Updated: Nov 18, 2026, 14:08 IST
Image Credit: भाजपाने नोंदवली पहिली प्रतिक्रिया (प्रातिनिधिक फोटो)
Join

काँग्रेसच्या माजी अध्यक्षा सोनिया गांधींचं आत्मचरित्र 'बिलाँगिंग: अ जर्नी ऑफ लव्ह'वरुन नवीन वादाला तोंड फुटलं आहे. या पुस्तकामध्ये वीर सावकरांचा अपमान करण्यात आल्याचा दावा करत उपमुख्यमंत्री एकनाथ शिंदेंच्या शिवसेनेच्या पदाधिकाऱ्यांनी पत्रकार परिषद घेऊन माजी मुख्यमंत्री उद्धव ठाकरेंना हा अपमान मान्य आहे का असा सवाल केला. मात्र या पत्रकार परिषदेनंतर पुस्तकाची पानं फाडताना अनावधानाने शिंदेंच्या पक्षाच्या पदाधिकारी शायना एनसी यांनी चुकून बाळासाहेब ठाकरेंचा फोटो फाडला. या मुद्द्यावरुन विरोधकांनी आता शिंदेंच्या शिवसेनेवर निशाणा साधला असतानाच भारतीय जनता पार्टीनेही या मुद्द्यावरून शिंदेंच्या शिवसेनेला गोचीत पकडलं आहे. 

झालं काय?

"सोनिया गांधी यांनी त्यांच्या पुस्तकात सावरकरांनी सातत्याने ब्रिटिश सरकारकडे माफीची विनंती करत होते. उद्धव ठाकरे यांनी हे पुस्तक स्वीकारले आहे. उद्धव ठाकरे यांना प्रश्न आहे की, तुम्हाला सोनिया गांधी यांच्या पुस्तकाबाबत मान्य आहे का? हा सावरकरांचा अपमान नाही तर जनतेचा अपमान केला आहे. उद्धव ठाकरे काय करणार माहिती नाही. बाळासाहेब ठाकरे यांनी जसे जोडे मारले तसे तुम्ही मारणार का? बाळासाहेब ठाकरे यांच्याबाबत काल एकही काँग्रेस कार्यकर्त्याने ट्वीटसुद्धा केले नाही मग तुम्ही आता काय करणार आहात?" असा सवाल शिंदेंच्या शिवसेनेच्या उपनेत्या शितल म्हात्रे यांनी पत्रकारांसमोर बोलताना केला. यावेळेस संजना घाडी, संजय निरूपम हे उपनेतेही उपस्थित होते. या सर्वांनी सोनिया गांधींच्या पुस्तकाची काही पानं फाडली. या पानांवर सावरकर यांच्याबाबत वादग्रस्त मजकूर लिहिला असून सावरकरांना बदनाम करण्याचे प्रयत्न केल्याचा आरोप शिवसेना उपनेत्यांनी केली.

बाळासाहेबांचा फोटो फाडला

या नेत्यांनी यावेळी बाळासाहेब ठाकरेंनी काँग्रेसचे नेते मणिशंकर अय्यर यांच्या पुतळ्याला चप्पल मारल्याचा जुना फोटोही फाडला. कॅमेरासमोर हा फोटो फाडताना शायना एनसी यांनी चुकून मणिशंकर अय्यर यांच्या फोटोऐवजी बाळासाहेबांचा फोटो फाडला. त्यानंतर शायना एनसी यांनी हा फाडलेला फोटो समोरच्या कागदांखाली लपवल्याचंही कॅमेरात कैद झालं आहे. 

शायना एनसी स्पष्टीकरण देत काय म्हणाल्या?

यावरुन आरोप केले जात असतानाच शायना एनसी यांनी, "मी मणिशंकर यांचा फोटो फाडला आहे. आम्ही फोटो फाडला तुम्ही फाडणार का? आम्ही आणखी फाडणार तुम्ही काय करणार?" असा सवाल केला आहे.

भाजपाकडूनही टीका

या प्रकरणावरून भारतीय जनता पार्टीनेही शिंदेंच्या पदाधिकाऱ्यांवर निशाणा साधला आहे.  "बाळासाहेबांचे तसबीर फाडली गेली हे अत्यंत दुर्दैवी आहे. बाळासाहेब मराठी जणांचे हिंदूंसाठी आदरणीय आहेत. त्यांच्यावर समस्त हिंदू जन, मराठी जन प्रेम करतात.  अनावधानाने फोटो फाडला गेला असेल पण या सगळ्यासंदर्भात शायना एनसी आणि पदाधिकाऱ्यांनी माफी मागणे गरजेचे आहे," असं नवनाथ बन यांनी म्हटलं आहे.
 

Add Zee News as a Preferred Source
TAGS:

About the Author

मोजक्या शब्दांमध्ये...स्वप्निल घंगाळे हे मागील 12 वर्षांहून अधिक काळापासून डिजिटल पत्रकारितेमध्ये सक्रीय आहेत. 'महाराष्ट्र टाइम्स', 'लोकसत्ता' यासारख्या नामांकित कंपन्यांमध्ये त्यांनी यापूर्वी काम केलेलं आहे. राजकीय बातम्यांबरोबरच ताज्या घडामोडी, ट्रेण्डींग/ व्हायरल, टेक्नोलॉजी, क्रीडा, मनोरंजन अशा सर्वच क्षेत्रातील बातम्यांमध्ये हातखंडा आहे. अवांतर वाचनाबरोबरच बातम्यांव्यतिरिक्त सोशल मीडियावर लिहायची आवड आहे. फावल्या वेळात चित्रपट पाहणे, भटकंती करायला आवडतं. बातमी अचूक असावी असा त्यांचा कटाक्षाने प्रयत्न असतो. सध्या ते 'झी 24 तास'मध्ये 'डेप्युटी न्यूज एडिटर' म्हणून कार्यरत आहेत.पत्रकारितेचा श्रीगणेशास्वप्निल यांनी पत्रकारितेच्या दुसऱ्या वर्षापासूनच 'ठाणे वैभव' या ठाण्यातील स्थानिक वृत्तपत्रामध्ये शिकाऊ पत्रकार म्हणून कामाला सुरुवात केली. सांस्कृतिक आणि गुन्हेगारी यासंदर्भातील वृत्तांकन यांनी या सहा महिन्याच्या कालावधीमध्ये केलं. बीएमएमच्या तृतीय वर्षाला ठाण्यातील जोशी-बेडेकर महाविद्यालयातील 'ऋत' या पत्रकारिता विभागाच्या महाविद्यालयीन वृत्तपत्रासाठी स्वप्निल यांनी उपसंपादक म्हणून काम पाहिले.डिजिटलमध्ये एन्ट्री'महाराष्ट्र टाइम्स डॉट कॉम'च्या माध्यमातून पहिल्यांदा डिजिटल क्षेत्रामध्ये काम करणाऱ्या स्वप्निल यांनी सुरुवातीला सोशल मिडिया व्यवस्थापक म्हणून काम पाहिले. त्यानंतर हळूहळू ते डिजिटल वृत्तांकनाकडे वळले. त्यांनी 'महाराष्ट्र टाइम्स' वृत्तपत्रामध्येही माहिती-तंत्रज्ञान या विषयावर लेखन केलं. मुख्य पुरवणीसोबतच अनेकदा रविवार विशेष अंकांमध्येही त्यांचे लेख छापून आले आहेत. 'मुंबई टाइम्स' या पुरवणीअंतर्गत विद्यार्थ्यांच्या विश्वातील अनेक विषय त्यांनी कॉलेज क्लब रिपोर्ट्सच्या माध्यमातून हाताळले. कॉलेज क्लब रिपोर्टर्ससोबतच्या कामासोबतच त्यांनी 'मटा सन्मान', 'मटा श्रावण क्विन' यासारख्या कार्यक्रमांसाठी डिजिटल आणि प्रिंटदरम्यान संयोजक म्हणून काम पाहिलं. जवळपास पाच वर्ष ते मटामध्ये कार्यरत होते.प्रगल्भतेची आसमहाराष्ट्र टाइम्सनंतर तितक्याच तोलामोलाच्या 'लोकसत्ता'मध्ये स्वप्निल यांनी काम केलं. या ठिकाणीही ते पाच वर्ष कार्यरत होते. 'मटा'पासून सुरु झालेल्या प्रवासाला 'लोकसत्ता'मध्ये प्रगल्भता लाभली. राजकीय बातम्या, ताज्या घडामोडी, ट्रेडींग बातम्या याबरोबरच त्यांनी डिजिटल आणि प्रिंटमधील समन्वयाचं (इंटीग्रेशन) कामही त्यांनी लोकसत्तामध्ये केलं. 'लोकसत्ता'मधील 'व्हिवा' या पुरवणीमध्ये तरुणाईसंदर्भातील विषयांवर त्यांनी लेखन केलं. तसेच 'लोकप्रभा'च्या माध्यमातून त्यांनी माहिती-तंत्रज्ञान या विषयावर लिखाण केलं. लोकसत्ता डॉट कॉममध्ये स्वप्निल यांनी चार ते पाच सेक्शनसची जबाबदारी पार पाडली.तो सध्या काय करतो?'लोकसत्ता'नंतर स्वप्निल यांनी पहिल्यांदाच टीव्हीशी संलग्न वेबसाईटसाठी म्हणजेच 'झी 24 तास'च्या वेबसाईटसाठी काम करण्याचा निर्णय घेतला. या ठिकाणी ते ताज्या घडामोडींबरोबरच, राजकीय बातम्या, ब्रेकिंग बातम्या, ट्रेडिंग बातम्या हाताळतात. बातमीमधील अचूक माहिती, व्याकरण, उत्तम मथळे यासारख्या गोष्टींकडे त्यांचं कटाक्षाने लक्ष असतं. लिखाणबरोबरच मॅरेथॉन पळणं, वेगवेगळ्या ठिकाणी खादडीसाठी जाणं, पुस्तकांसोबतच अवांतर वाचन यासारख्या गोष्टींना ते प्राधान्य देतात.
Read More

ZEENEWS TRENDING STORIES