SOCIAL MEDIA

Newsletter

PARTNER SITES
Select Language Select State

...तेव्हा संजय राऊत काँग्रेसमध्ये जातील! विद्यमान खासदाराचं भाकीत; सूचकपणे सांगितली तारीख

ऑपरेशन टायगरच्या तिसऱ्या भागाची जोरदार चर्चा सुरु असतानाच आता थेट संजय राऊत माजी मुख्यमंत्री उद्धव ठाकरेंची साथ सोडतील अशी शक्यता एका विद्यमान खासदाराने व्यक्त केली आहे. नेमकं काय म्हटलंय या खासदाराने जाणून घ्या...

Reported By Swapnil Ghangale Written By Swapnil Ghangale
Published: Nov 18, 2026, 12:03 IST | Updated: Nov 18, 2026, 12:31 IST
Image Credit: ऑपरेशन टायगरसंदर्भात भाष्य करताना केलं विधान (फोटो प्रातिनिधिक, सौजन्य काँग्रेसच्या वेबसाईटवरुन साभार)
Join

उपमुख्यमंत्री एकनाथ शिंदेंच्या शिवसेनेकडून ऑपरेशन टायगर 3.0 ची चर्चा सुरु झालेली असतानाच यावरून राजकीय प्रतिक्रिया समोर येत आहेत. असं असतानाच याचसंदर्भातून बोलताना एका विद्यमान खासदाराने थेट उद्धव ठाकरेंचे निकटवर्तीय आणि राज्यसभा खासदार संजय राऊत हेच ठाकरेंची शिवसेना सोडतील असं भाकित व्यक्त केलं आहे. प्रसारमाध्यमांशी ऑपरेशन टायगरसंदर्भात बोलताना हे विधान करण्यात आलं आहे. राऊत ठाकरेंची शिवसेना सोडून कोणत्या पक्षात जातील याबद्दलही या खासदाराने थेट नाव घेत भाष्य केलं आहे. 

...तेव्हा ऑपरेशन टायगरसारख्या गोष्टी होतात

ऑपरेशन टायगर संदर्भात बोलताना मंत्री संजय शिरसाट यांनी कार्यकर्त्यांचं म्हणणं ऐकलं नाही, त्यांना मान-सन्मान दिला नाही की ते पक्ष सोडतात. "कार्यकर्त्यांना पक्षात चांगली वागणूक मिळत नसेल, त्यांचं ऐकलं जात नसेल तर कार्यकर्ते नाराज होऊन उठाव करतात. आपलं अस्तित्व ज्या पक्षात नाही तिथं राहायचं कशाला असा प्रश्न त्यांना पडतो आणि उठाव करून ते पक्ष सोडतात. हे कोणत्याही राजकीय पक्षात होऊ शकतं. कार्यकर्ते जेव्हा पक्ष सोडतात तेव्हा त्यांनाही यातना होतात. या पक्षाचं काही खरं नाही अशी भावना तयार होते तेव्हा ऑपरेशन टायगरसारख्या गोष्टी होतात," असं मत शिरसाट यांनी नोंदवलं. 

नक्की वाचा >>
ऑपरेशन टायगर 3.0 ची तयारी... कोकणात राजकीय भूकंप अटळ? ठाकरेंना शिंदेंचा तिसरा धक्का? 'योग्य वेळी योग्य...'; 'तो' नेता कोण?

संजय राऊत काँग्रेसमध्ये जातील

ऑपरेशन टायगरसंदर्भात बोलताना खासदार नरेश म्हस्केंनी ठाकरेंच्या शिवसेनेतून एकनाथ शिंदेंच्या शिवसेनेत येणाऱ्यांचा ओघ प्रचंड असल्याचं म्हटलं आहे. मात्र समोरच्या पक्षात मोजके नेते शिल्लक राहतील म्हणून आम्ही अनेकांना प्रवेश नाकारत असल्याचं म्हटलं आहे. "तिकडे (ठाकरेंच्या शिवसेनेत) कोणच उरणार नाही या भावनेमुळे आम्ही काही लोकांना पक्षप्रवेश नाकारत आहे. असं झालं तर आम्हाला वाईट वाटेल म्हणून आम्ही काही लोकांना नाकारतोय पक्षप्रवेश! नाहीतर केवळ संजय राऊत, आदित्य ठाकरे आणि उद्धव ठाकरे एवढेच राहतील. संजय राऊत राज्यसभेची निवडणूक आली की कदाचित ते काँग्रेसमध्ये जातील," अशी शक्यता ठाण्याचे खासदार असलेल्या म्हस्केंनी व्यक्त केली आहे. 

राऊतांचा कार्यकाळ कधी संपतोय?

संजय राऊत यांच्या सध्याच्या राज्यसभा खासदारकीचा कार्यकाळ 4 जुलै 2028 रोजी संपत आहे. , त्यांनी आतापर्यंत चार वेळा राज्यसभेचे खासदार म्हणून काम पाहिले आहे. ते 2004 पासून राज्यसभा खासदार आहेत. म्हणजेच राऊत 2028 मध्ये ठाकरेंची साथ सोडून काँग्रेसमध्ये जातील असं म्हस्केंचं म्हणणं आहे. सध्याची ठाकरेंच्या शिवसेनेच्या आमदार आणि खासदारांची संख्या पाहता राऊत पुन्हा राज्यसभा खासदार म्हणून निवडून येणं या संख्याबळाच्या जोरावर कठीण दिसत आहे.

ठाकरेंच्या शिवसेनेनं काय म्हटलं?

ऑपरेशन टायगरसंदर्भातील चर्चेवरून निशाणा साधताना आंबादास दानवेंनी थेट एकनाथ शिंदेंवर निशाणा साधला आहे. "आता एकनाथ शिंदेंचं ऑपरेशन होण्याचा वेळ आला आहे. भाजपा आता लवकरच त्यांचं ऑपरेशन करेल असं वाटतंय," अशी प्रतिक्रिया ऑपरेशन टायगरच्या चर्चा फेटाळून लावताना दानवेंनी नोंदवली आहे. 

Add Zee News as a Preferred Source
TAGS:

About the Author

मोजक्या शब्दांमध्ये...स्वप्निल घंगाळे हे मागील 12 वर्षांहून अधिक काळापासून डिजिटल पत्रकारितेमध्ये सक्रीय आहेत. 'महाराष्ट्र टाइम्स', 'लोकसत्ता' यासारख्या नामांकित कंपन्यांमध्ये त्यांनी यापूर्वी काम केलेलं आहे. राजकीय बातम्यांबरोबरच ताज्या घडामोडी, ट्रेण्डींग/ व्हायरल, टेक्नोलॉजी, क्रीडा, मनोरंजन अशा सर्वच क्षेत्रातील बातम्यांमध्ये हातखंडा आहे. अवांतर वाचनाबरोबरच बातम्यांव्यतिरिक्त सोशल मीडियावर लिहायची आवड आहे. फावल्या वेळात चित्रपट पाहणे, भटकंती करायला आवडतं. बातमी अचूक असावी असा त्यांचा कटाक्षाने प्रयत्न असतो. सध्या ते 'झी 24 तास'मध्ये 'डेप्युटी न्यूज एडिटर' म्हणून कार्यरत आहेत.पत्रकारितेचा श्रीगणेशास्वप्निल यांनी पत्रकारितेच्या दुसऱ्या वर्षापासूनच 'ठाणे वैभव' या ठाण्यातील स्थानिक वृत्तपत्रामध्ये शिकाऊ पत्रकार म्हणून कामाला सुरुवात केली. सांस्कृतिक आणि गुन्हेगारी यासंदर्भातील वृत्तांकन यांनी या सहा महिन्याच्या कालावधीमध्ये केलं. बीएमएमच्या तृतीय वर्षाला ठाण्यातील जोशी-बेडेकर महाविद्यालयातील 'ऋत' या पत्रकारिता विभागाच्या महाविद्यालयीन वृत्तपत्रासाठी स्वप्निल यांनी उपसंपादक म्हणून काम पाहिले.डिजिटलमध्ये एन्ट्री'महाराष्ट्र टाइम्स डॉट कॉम'च्या माध्यमातून पहिल्यांदा डिजिटल क्षेत्रामध्ये काम करणाऱ्या स्वप्निल यांनी सुरुवातीला सोशल मिडिया व्यवस्थापक म्हणून काम पाहिले. त्यानंतर हळूहळू ते डिजिटल वृत्तांकनाकडे वळले. त्यांनी 'महाराष्ट्र टाइम्स' वृत्तपत्रामध्येही माहिती-तंत्रज्ञान या विषयावर लेखन केलं. मुख्य पुरवणीसोबतच अनेकदा रविवार विशेष अंकांमध्येही त्यांचे लेख छापून आले आहेत. 'मुंबई टाइम्स' या पुरवणीअंतर्गत विद्यार्थ्यांच्या विश्वातील अनेक विषय त्यांनी कॉलेज क्लब रिपोर्ट्सच्या माध्यमातून हाताळले. कॉलेज क्लब रिपोर्टर्ससोबतच्या कामासोबतच त्यांनी 'मटा सन्मान', 'मटा श्रावण क्विन' यासारख्या कार्यक्रमांसाठी डिजिटल आणि प्रिंटदरम्यान संयोजक म्हणून काम पाहिलं. जवळपास पाच वर्ष ते मटामध्ये कार्यरत होते.प्रगल्भतेची आसमहाराष्ट्र टाइम्सनंतर तितक्याच तोलामोलाच्या 'लोकसत्ता'मध्ये स्वप्निल यांनी काम केलं. या ठिकाणीही ते पाच वर्ष कार्यरत होते. 'मटा'पासून सुरु झालेल्या प्रवासाला 'लोकसत्ता'मध्ये प्रगल्भता लाभली. राजकीय बातम्या, ताज्या घडामोडी, ट्रेडींग बातम्या याबरोबरच त्यांनी डिजिटल आणि प्रिंटमधील समन्वयाचं (इंटीग्रेशन) कामही त्यांनी लोकसत्तामध्ये केलं. 'लोकसत्ता'मधील 'व्हिवा' या पुरवणीमध्ये तरुणाईसंदर्भातील विषयांवर त्यांनी लेखन केलं. तसेच 'लोकप्रभा'च्या माध्यमातून त्यांनी माहिती-तंत्रज्ञान या विषयावर लिखाण केलं. लोकसत्ता डॉट कॉममध्ये स्वप्निल यांनी चार ते पाच सेक्शनसची जबाबदारी पार पाडली.तो सध्या काय करतो?'लोकसत्ता'नंतर स्वप्निल यांनी पहिल्यांदाच टीव्हीशी संलग्न वेबसाईटसाठी म्हणजेच 'झी 24 तास'च्या वेबसाईटसाठी काम करण्याचा निर्णय घेतला. या ठिकाणी ते ताज्या घडामोडींबरोबरच, राजकीय बातम्या, ब्रेकिंग बातम्या, ट्रेडिंग बातम्या हाताळतात. बातमीमधील अचूक माहिती, व्याकरण, उत्तम मथळे यासारख्या गोष्टींकडे त्यांचं कटाक्षाने लक्ष असतं. लिखाणबरोबरच मॅरेथॉन पळणं, वेगवेगळ्या ठिकाणी खादडीसाठी जाणं, पुस्तकांसोबतच अवांतर वाचन यासारख्या गोष्टींना ते प्राधान्य देतात.
Read More

ZEENEWS TRENDING STORIES