SOCIAL MEDIA

Newsletter

PARTNER SITES
Select Language Select State

बाळासाहेबांचा 'तो' फोटो सोनिया गांधींच्या पुस्तकात छापलेलाच नाही; मग तो शायना एनसींकडे कसा आला? फाडण्यात आलेला फोटो कोणी आणि कशासाठी तिथं आणलेला?

राज्यातील अनेक शहरांमध्ये शिंदेंच्या शिवसेनेच्या उपनेत्या शायना एनसी यांच्याविरोधात उद्धव ठाकरेंच्या शिवसेनेचे कार्यकर्त्या रस्त्यावर उतरून आंदोलन करत असतानच वादग्रस्त फोटोसंदर्भात रंजक माहिती समोर आली आहे.

Reported By Swapnil Ghangale Written By Swapnil Ghangale
Published: Nov 19, 2026, 12:29 IST | Updated: Nov 19, 2026, 13:02 IST
Image Credit: पुस्तकाचा निषेध करताना फाडण्यात आलेला फोटो (फोटो सोशल मीडिया आणि 'पीटीआय'कडून साभार)
Join

उपमुख्यमंत्री एकनाथ शिंदेंच्या शिवसेनेच्या उपनेत्या शायना एनसी यांच्याविरोधात उद्धव ठाकरेंच्या शिवसेनेचे कार्यकर्ते आज मुंबईसहीत महाराष्ट्रातील अनेक शहरांमध्ये रस्त्यावर उतरून आंदोलन करत आहेत. बुधवारी झालेल्या एका पत्रकार परिषदेच्या शेवटी शायना एनसी यांनी शिवसेनाप्रमुख बाळासाहेब ठाकरेंचा फोटो फाडल्याच्या निषेधार्थ ही आंदोलनं केलं जीत आहेत. या प्रकरणी शायना एनसी यांनी माफीही मागितली आहे. मात्र असं असतानाच आता शायना एनसी यांनी फाडलेल्या फोटोसंदर्भातील एक विचित्र माहिती समोर आली आहे.

फोटो त्या पुस्तकात नाहीच

शिंदेंच्या शिवसेनेचे उपनेते संजय निरूपम, शायना एनसी, शितल म्हात्रेंनी बुधवारी पत्रकार परिषद घेऊन काँग्रेसच्या माजी अध्यक्षा सोनिया गांधी यांचं आत्मचरित्र 'बिलाँगिंग: अ जर्नी ऑफ लव्ह' या पुस्तकामध्ये वीर सावरकरांबद्दल अपमानास्पद लिखाण करण्यात आल्याचा आरोप केला. याचा निषेध उद्धव ठाकरे करणार का असा सवाल शिंदेंच्या नेत्यांनी विचारला. उद्धव ठाकरेंना कोंडीत पकडण्याच्या उद्देशाने घेण्यात आलेल्या पत्रकार परिषदेच्या शेवटी शायना एनसी यांच्यासहीत सर्व उपनेत्यांनी सोनिया गांधींच्या या पुस्तकात सावरकरांबद्दल वादग्रस्त लिहिलेल्या मजुराची पानं फाडली.

नक्की वाचा >>
शायना एनसींनी फाडलेला फोटो नेमका किती तारखेचा? बाळासाहेबांनी स्वत:चीच चप्पल का हातात घेतलेली? मणिशंकर यांनी काय केलेलं? 22 वर्षांपूर्वीच्या फोटोची गोष्ट

मात्र सोनिया गांधींच्या पुस्तकातील ही पानं फाडताना शायना एनसी यांनी बाळासाहेब ठाकरे काँग्रेसचे ज्येष्ठ नेते मणिशंकर अय्यर यांच्या पुतळ्याला जोडे मारत असल्याचा फोटोही फाडला. मात्र जो फोटो शायना एनसी यांनी फाडला तो सोनिया गांधींच्या पुस्तकातला नाही. या फोटोचा आणि सोनिया गांधींच्या पुस्तकाचा तसा काहीच थेट संबंध नसल्याचं समोर आलं आहे.

हा फोटो इथं आला कुठून?

हा फोटो सोनिया गांधींच्या पुस्तकात नाही मग हा फोटो या पत्रकार परिषदेमध्ये अगदी शायना एनसींपर्यंत पोहोचला कसा? असा सवाल उपस्थित केला जात आहे. तर हा फोटो या ठिकाणी संजय निरूपम घेऊन आले होते. 2004 साली तत्कालीन केंद्रीय मंत्री मणीशंकर अय्यर यांनी सावरकरांसंदर्भात वादग्रस्त विधानं केल्यानंतर कशाप्रकारे शिवसेनेनं आंदोलन केलं होतं याचा संदर्भ हा फोटो दाखवत पत्रकार परिषदेत देण्यात आला. स्वत: बाळासाहेबांनी काँग्रेस नेत्याच्या पुतळ्याला जोडे मारले होते. सावरकरांचा अपमान बाळासाहेबांनी सहन केला नाही असं म्हणत उद्धव ठाकरे ही अशी हिंमत दाखवतील का? असा सवाल शिंदेंच्या नेत्यांनी हा 22 वर्षांपूर्वीची फोटो दाखवत विचारला. पत्रकार परिषदेत हा फोटो दाखवून उद्धव ठाकरेंना लक्ष्य करण्यात आलं.

मात्र शेवटी पुस्तकातील पानं फाडताना हा फोटो शायना एनसी यांच्या हाती आला आणि त्यांनी तो फाडल्याने मोठ्या वादाला तोंड फुटलं. त्यामुळेच पुस्तकाचा निषेध करताना पुस्तकात नसलेला फोटो फाडल्याने हा मोठा वाद निर्माण झाला आहे. 

Add Zee News as a Preferred Source
TAGS:

About the Author

मोजक्या शब्दांमध्ये...स्वप्निल घंगाळे हे मागील 12 वर्षांहून अधिक काळापासून डिजिटल पत्रकारितेमध्ये सक्रीय आहेत. 'महाराष्ट्र टाइम्स', 'लोकसत्ता' यासारख्या नामांकित कंपन्यांमध्ये त्यांनी यापूर्वी काम केलेलं आहे. राजकीय बातम्यांबरोबरच ताज्या घडामोडी, ट्रेण्डींग/ व्हायरल, टेक्नोलॉजी, क्रीडा, मनोरंजन अशा सर्वच क्षेत्रातील बातम्यांमध्ये हातखंडा आहे. अवांतर वाचनाबरोबरच बातम्यांव्यतिरिक्त सोशल मीडियावर लिहायची आवड आहे. फावल्या वेळात चित्रपट पाहणे, भटकंती करायला आवडतं. बातमी अचूक असावी असा त्यांचा कटाक्षाने प्रयत्न असतो. सध्या ते 'झी 24 तास'मध्ये 'डेप्युटी न्यूज एडिटर' म्हणून कार्यरत आहेत.पत्रकारितेचा श्रीगणेशास्वप्निल यांनी पत्रकारितेच्या दुसऱ्या वर्षापासूनच 'ठाणे वैभव' या ठाण्यातील स्थानिक वृत्तपत्रामध्ये शिकाऊ पत्रकार म्हणून कामाला सुरुवात केली. सांस्कृतिक आणि गुन्हेगारी यासंदर्भातील वृत्तांकन यांनी या सहा महिन्याच्या कालावधीमध्ये केलं. बीएमएमच्या तृतीय वर्षाला ठाण्यातील जोशी-बेडेकर महाविद्यालयातील 'ऋत' या पत्रकारिता विभागाच्या महाविद्यालयीन वृत्तपत्रासाठी स्वप्निल यांनी उपसंपादक म्हणून काम पाहिले.डिजिटलमध्ये एन्ट्री'महाराष्ट्र टाइम्स डॉट कॉम'च्या माध्यमातून पहिल्यांदा डिजिटल क्षेत्रामध्ये काम करणाऱ्या स्वप्निल यांनी सुरुवातीला सोशल मिडिया व्यवस्थापक म्हणून काम पाहिले. त्यानंतर हळूहळू ते डिजिटल वृत्तांकनाकडे वळले. त्यांनी 'महाराष्ट्र टाइम्स' वृत्तपत्रामध्येही माहिती-तंत्रज्ञान या विषयावर लेखन केलं. मुख्य पुरवणीसोबतच अनेकदा रविवार विशेष अंकांमध्येही त्यांचे लेख छापून आले आहेत. 'मुंबई टाइम्स' या पुरवणीअंतर्गत विद्यार्थ्यांच्या विश्वातील अनेक विषय त्यांनी कॉलेज क्लब रिपोर्ट्सच्या माध्यमातून हाताळले. कॉलेज क्लब रिपोर्टर्ससोबतच्या कामासोबतच त्यांनी 'मटा सन्मान', 'मटा श्रावण क्विन' यासारख्या कार्यक्रमांसाठी डिजिटल आणि प्रिंटदरम्यान संयोजक म्हणून काम पाहिलं. जवळपास पाच वर्ष ते मटामध्ये कार्यरत होते.प्रगल्भतेची आसमहाराष्ट्र टाइम्सनंतर तितक्याच तोलामोलाच्या 'लोकसत्ता'मध्ये स्वप्निल यांनी काम केलं. या ठिकाणीही ते पाच वर्ष कार्यरत होते. 'मटा'पासून सुरु झालेल्या प्रवासाला 'लोकसत्ता'मध्ये प्रगल्भता लाभली. राजकीय बातम्या, ताज्या घडामोडी, ट्रेडींग बातम्या याबरोबरच त्यांनी डिजिटल आणि प्रिंटमधील समन्वयाचं (इंटीग्रेशन) कामही त्यांनी लोकसत्तामध्ये केलं. 'लोकसत्ता'मधील 'व्हिवा' या पुरवणीमध्ये तरुणाईसंदर्भातील विषयांवर त्यांनी लेखन केलं. तसेच 'लोकप्रभा'च्या माध्यमातून त्यांनी माहिती-तंत्रज्ञान या विषयावर लिखाण केलं. लोकसत्ता डॉट कॉममध्ये स्वप्निल यांनी चार ते पाच सेक्शनसची जबाबदारी पार पाडली.तो सध्या काय करतो?'लोकसत्ता'नंतर स्वप्निल यांनी पहिल्यांदाच टीव्हीशी संलग्न वेबसाईटसाठी म्हणजेच 'झी 24 तास'च्या वेबसाईटसाठी काम करण्याचा निर्णय घेतला. या ठिकाणी ते ताज्या घडामोडींबरोबरच, राजकीय बातम्या, ब्रेकिंग बातम्या, ट्रेडिंग बातम्या हाताळतात. बातमीमधील अचूक माहिती, व्याकरण, उत्तम मथळे यासारख्या गोष्टींकडे त्यांचं कटाक्षाने लक्ष असतं. लिखाणबरोबरच मॅरेथॉन पळणं, वेगवेगळ्या ठिकाणी खादडीसाठी जाणं, पुस्तकांसोबतच अवांतर वाचन यासारख्या गोष्टींना ते प्राधान्य देतात.
Read More

ZEENEWS TRENDING STORIES